5 Musa
33 Dipaboa si Musa naposo ni Debata na sittong i ma pasu-pasu na lao jaloon ni halak Israel andorang so mate ibana.+ 2 Didok ibana ma,
“Nungnga ro Jahowa sian Sinai,+
Sian Seir do Ibana manondangi nasida.
Sian luat na di Dolok Elaparan+ do Ibana marsinondang di bagasan hamuliaon,
Marpulu ribu* akka suru-suruan na badia+ rap dohot Ibana,
Akka tentarana+ di sabola kananna.
5 Debata ma na gabe raja di Yesyurun,*+
Tikki marpungu sude akka pamimpin ni bangso i,+
Rap dohot sude marga ni Israel.+
7 Dipaboa ibana ma pasu-pasu on tu si Juda,+
“Ale Jahowa, tangihon ma hata ni si Juda,+
Anggiat ma diboan Ho ibana mulak tu bangsona,
Dipakke ibana do huasona lao mampartahatton appunana,
Sai anggiat ma diurupi Ho ibana mangalo akka musuna.”+
8 Taringot tu si Lepi, didok ibana do,+
Marsalisi do Ho dohot ibana di Mata Mual Meriba,+
9 Dang dipasangap nasida omak dohot bapak ni nasida,
Dang diparrohahon nasida akka haha anggi ni nasida,+
Jala dang parduli nasida tu akka anakkon ni nasida.
Ai dioloi nasida do akka hatam,
Jala diulahon nasida do parjanjian na binahenmu.+
10 Anggiat ma diajari nasida si Jakkob taringot tu aturan naung ditottuhon Ho,+
Dohot halak Israel taringot tu Patikmu.+
Anggiat ma dipelehon nasida dupa gabe uap na palashon roham,+
Dohot pelean situtungon di langgatanmu.+
11 Ale Jahowa, pasu-pasu ma ibana, bahen ma ibana margogo,
Patudu ma na lomo roham tu akka ulaonna.
Ropukkon ma pat* ni halak na mangalo ibana,
Asa unang boi be hehe halak na marsogo ni roha tu ibana.”
12 Taringot tu si Benjamin didok ibana do,+
“Sai anggiat ma halak na dihaholongi Jahowa aman tinggal di labbungna,
Dijaga Debata do halak na dihaholongi i sadari manipat,
Maringanan do ibana di tanggurungna.”*
13 Taringot tu si Josep didok ibana do,+
“Anggiat ma dipasu-pasu Jahowa luatna,+
Binahen ni akka na dumenggan sian langit,
Binahen ni ombun dohot aek na sian toru ni tano,+
14 Binahen ni suan-suanan na dumenggan na tubu alani mataniari,
Dohot hasil ni ladang na dumenggan ganup bulan,+
15 Binahen ni hasil na dumenggan sian akka dolok na adong sian najolo,*+
Dohot hasil na dumenggan sian akka dolok-dolok naung leleng adong,
16 Binahen ni hasil na dumenggan sian tano on dohot akka isina,+
Jala alani burju ni Debata na patuduhon dirina di suga-suga.+
Sai anggiat ma dilehon pasu-pasu i tu atas ulu ni si Josep,
Sai anggiat ma i toktong adong di atas ni uluna, halak na tarpillit sian akka haha anggina.+
17 Hasangaponna songon lombu jantan na parjolo tubu,
Jala tandukna songon tanduk ni lombu jantan na liar.
Mamakke tandukna ma ibana mangalele akka bangso,
Sude nasida sahat tu ujung ni tano on.
Akka tanduk i, i ma marpulu ribu halak Epraim,+
Jala marribu halak Manasse.”
18 Taringot tu si Zebulon didok ibana do,+
“Marlas ni roha ma ho ale Zebulon, tikki lao ho martiga-tiga,
Jala ho Isasar, marlas ni roha ma ho di akka kemahmu.+
19 Dijou nasida ma akka bangso tu dolok.
Dilehon nasida ma disi pelean ni akka halak na mangulahon na sittong.
Ai buaton ni nasida ma massai godang hamoraon sian laut,
Dohot arta na buni sian toru ni pasir.”
20 Taringot tu si Gad didok ibana do,+
“Dipasu-pasu ma halak na mambahen lam bidang luat ni si Gad.+
Disi do ibana monggop songon singa,
Naung rade mangaribakkon tangan dohot ulu ni mangsana.
Marpungu ma akka pamimpin ni bangso i.
Diulahon ibana ma hukum ni Jahowa na tigor i,
Dohot aturan naung ditottuhon Ibana tu halak Israel.”
22 Taringot tu si Dan didok ibana do,+
“Songon anak ni singa do si Dan.+
Mangakkat do ibana kaluar sian Basan.”+
23 Taringot tu si Naptali didok ibana do,+
“Puas do si Naptali tu akka silehon-lehon ni Jahowa,
Jala butong do ibana alani pasu-pasu na sian Debata.
Buat ma luat na di sabola barat dohot selatan.”
24 Taringot tu si Aser didok ibana do,+
“Dipasu-pasu ma si Aser marhite godang anakna.
Sai anggiat ma lomo roha ni akka haha anggina tu ibana,
Sai anggiat ma disornoppon ibana patna tu miak.
25 Bosi dohot tombaga ma na gabe gombok ni gerbangmu,+
Jala toktong do sonang ho saleleng ngolum.
26 Dang adong na songon Debata ni si Yesyurun,+ Debata na sittong i,+
Na lao mangurupi ho sian langit,
Na hundul di atas ni ombun di bagasan hamuliaonna.+
28 Sonang do ngolu ni si Israel,
Jala dang adong na manggugai pinoppar* ni si Jakkob,
Sonang di luat na gok gandum* dohot anggur na baru,+
Jala sian langitna pe manetehi do nambur.+
29 Marlas ni roha ma ho ale Israel!+