Jesaya

64 Autsugari ma diribak Ho langit i asa turun Ho,

Gabe humutur ma akka dolok alani Ho,

 2 Dos songon api na manutung ramba na koring,

Jala songon api na mambahen aek gurgur,

Tandaon ni akka alom ma goarmu,

Jala humitir ma akka bangso di jolom!

 3 Dibahen Ho do akka na palongang roha, hape so barani hami mangido i sian Ho,+

Turun do Ho jala humutur ma akka dolok di jolom.+

 4 Mulai sian najolo, dang adong dope na hea mambege manang na mamparrohahon

Manang na mangida Debata na songon Ho,

Na mambahen sada ulaon humokkop halak na torus marpos ni roha tu Ho.*+

 5 Dijuppangi Ho do halak na lomo rohana mangulahon na sittong,+

Akka na mangingot Ho jala na mangihutton dalanmu.

Ida ma! Gabe muruk do Ho ala sai mangulahon dosa hami,+

Nungnga massai leleng hami mangulahon i,

 6 Dos songon halak na ramun* do hami sude,

Jala sude ulaonnami na sittong dos songon kain na kotor na dipakke tikki haid.+

Malos nama hami songon bulung-bulung,

Jala hasalaannami dos songon alogo na mangullusson hami.

 7 Dang adong na olo manjou goarmu,

Dang adong na olo mangido pangurupion sian Ho,

Ai nungnga ditabunihon Ho bohim sian hami,+

Jala dibahen Ho do hami hancur* alani dosanami.

Tano liat do hami, jala Ho do Sitopa Hudon,*+

Hasil ni ulaon ni tanganmu do hami sude.

 9 Unang be muruk situtu Ho ale Jahowa,+

Unang be sai ingot salanami sahat tu saleleng ni lelengna.

Nungnga gabe gurun be Sion,

Nungnga gabe inganan na tarulang+ be Jerusalem.

11 Bagas joronami* na badia jala na mulia* i,

Inganan ni akka ompunami mamuji Ho,

Nungnga ditutung api,+

Jala nungnga hancur be sude barangnami na arga.