1 Samuel
12 Ujungna didok si Samuel ma tu sude halak Israel, “Nungnga huulahon* sude pangidoanmuna. Jala nungnga hupillit sada raja lao mamaretta hamu.+ 2 Saonari, on ma raja na lao mamimpin hamu.+ Au do na mamimpin hamu mulai sian na poso au sahat tu sadari on.+ Alai saonari nungnga matua au jala nungnga maruban, jala dison do akka anakku rap dohot hamu.+ 3 Saonari jongjong dope au di jolomuna. Molo adong na sala hubahen tu hamu, paboa hamu ma di jolo ni Jahowa dohot di jolo ni halak na pinillitna* i.+ Lombu jantan manang halode ni ise na hea hubuat?+ Ise na hea hutipu manang hususai? Hea do hujalo suap sian hamu asa unang tigor au mangadili?+ Molo hea hubahen songon i, hupaulak pe tu hamu.”+ 4 Dialusi nasida ma, “Dang hea ditipu ho hami, dang hea disusai ho hami, jala dang hea dijalo ho manang aha pe sian manang ise pe.” 5 Didok si Samuel ma tu nasida, “Jahowa dohot halak na pinillitna* i ma na gabe saksi di hamu sadari on, na so adong didok hamu na sala hubahen tu hamu.”* Didok nasida ma, “Olo, Ibana ma na gabe saksi.”
6 Alani i didok si Samuel ma tu bangso i, “Jahowa ma na gabe saksi di hamu. Ibana do na mamillit si Musa dohot si Aron jala Ibana do na mamboan ompumuna kaluar sian Mesir.+ 7 Toktong ma hamu jongjong. Saonari, au ma na gabe hakim di hamu di jolo ni Jahowa, asa hupaingot hamu taringot tu sude na denggan na binahen ni Jahowa tu hamu dohot tu akka ompumuna.
8 “Dung sahat si Jakkob tu Mesir,+ dipangido ompumuna do asa diurupi Jahowa nasida.+ Alani i, disuru Jahowa ma si Musa+ dohot si Aron mamimpin ompumuna kaluar sian Mesir jala mamboan nasida tuson.+ 9 Alai lupa do nasida tu Jahowa Debata ni nasida. Gabe dipasahat* Debata ma nasida+ tu tangan ni si Sisera+ pamimpin ni tentara ni Hazor, tu tangan ni halak Palistim,+ dohot tu tangan ni raja ni halak Moab+ asa ditaluhon nasida. 10 Dung i, dipangido nasida ma tu Jahowa asa diurupi nasida.+ Didok ma, ‘Nungnga mardosa hami.+ Ai nungnga hutadikkon hami Jahowa lao manomba akka patung ni Baal+ dohot Astarot.+ Saonari, palua ma hami sian tangan ni akka musunami asa boi husomba hami Ho.’ 11 Dung i, disuru Jahowa ma si Jerubbaal,+ si Bedan, si Jepta,+ dohot si Samuel+ paluahon hamu. Dipalua do hamu sian akka musu na di sakalilingmuna, asa dame ngolumuna.+ 12 Alai tikki ro si Nahas+ raja ni halak Ammon i mangalo hamu, sai didok hamu do tu au, ‘Ikkon adong do sahalak raja na mamaretta hami!’+ Hape, Jahowa Debatamuna i do Rajamuna.+ 13 Saonari, on ma raja na pinillitmuna, na pinangidomuna. Nungnga dipillit Jahowa sahalak raja lao mamaretta hamu.+ 14 Denggan ma ngolumuna molo dihabiari hamu Jahowa,+ disomba hamu Ibana,+ dioloi hamu hatana,+ jala molo dang dialo hamu paretta ni Jahowa. Jala denggan ma ngolumuna molo olo hamu dohot rajamuna mangihutton Jahowa Debatamuna. 15 Alai molo dang dioloi hamu hata ni Jahowa jala dialo hamu paretta ni Jahowa, tangan ni Jahowa ma na mangalo hamu dohot bapakmuna.+ 16 Toktong ma hamu jongjong. Jala ida hamu ma tanda na palongang roha na lao bahenon ni Jahowa di jolomuna. 17 Musim panen gandum do saonari kan? Alai pangidookku ma tu Jahowa asa diparo ronggur dohot udan. Dung masa i, botoonmuna jala attusanmuna ma na mangulahon na jahat do hamu di jolo ni Jahowa. Ai dipangido hamu do sahalak raja di hamu.”+
18 Dung i martangiang ma si Samuel tu Jahowa, jala diparo Jahowa ma ronggur dohot udan di ari i. Gabe mabiar situtu ma saluhut bangso i tu Jahowa dohot tu si Samuel. 19 Didok nasida ma tu si Samuel, “Tangiakkon ma akka naposomon tu Jahowa Debatam,+ asa unang mate hami. Ai nungnga huulahon hami na jahat ala hupangido hami sahalak raja, jala gabe hutambai hami do dosanami.”
20 Didok si Samuel ma tu bangso i, “Unang ma mabiar hamu. Tutu, nungnga diulahon hamu na jahat. Alai unang ma manimbil hamu sian Jahowa,+ jala somba ma Jahowa sian nasa rohamuna.+ 21 Unang ma manimbil hamu lao mangihutton akka na so marguna,+ na so marlaba,+ jala na so boi paluahon. Ai dang adong guna ni i. 22 Nungnga dipillit Jahowa hamu gabe bangsona.+ Jala dang tadikkonon ni Jahowa bangsona+ alani goarna na sangap i.+ 23 Au pe, toktong do hutangiakkon hamu tu Jahowa, asa unang mardosa au. Jala toktong do huajarhon na denggan dohot na sittong tu hamu. 24 Habiari hamu ma Jahowa,+ somba hamu ma Ibana sian ias ni rohamuna, jala setia ma hamu tu Ibana.* Ingot hamu ma akka ulaonna na palongang roha na binahenna tu hamu.+ 25 Alai molo sai mardosai do hamu, pamateonna ma+ hamu dohot rajamuna.”+