Job
37 “Taroktokon do au
Jala marlobok-lobok do taroktokki.
2 Denggan ma tangihon hamu soara ni Debata na massai gogo i
Dohot soara ni ronggur na kaluar sian babana.
3 Dibahen Ibana do tarbege soara ni ronggur di toru ni langit
Jala dibahen ibana do sillamna+ sahat tu ujung ni tano on.
4 Dukkon i tarbege ma soara ni ronggur.
Tarbege do soara ni ronggurna na tung massai gogo,+
Jala dang maradi sillam i tikki makkatai Ibana.
5 Tarbege do soara ni Debata+ na massai balga,
6 Ai didok Ibana do tu salju, ‘Turun ma ho tu tano,’+
Jala didok do tu udan, ‘Dobar ma ho turun.’+
7 Dipaso Debata do ulaon* ni sude jolma
Asa diboto ganup jolma akka na binahenna.
8 Masuk ma akka binatang buas tu asarna
Jala toktong do nasida di asarna i.
11 Dibahen Ibana do uap ni aek tu bagasan ombun,
Jala dipahembang Ibana do sillam+ tu ombun i.
12 Tudia pe disuru Ibana lao ombun i, tusi do ombun i habang.
Manang aha pe na disuru Ibana,+ ulahonon ni ombun i do i di saluhut tano on.
14 Ale Job, tangihon ma jo on.
Sip ma jo ho jala parrohahon ma akka halongangan na binahen ni Debata.+
15 Diboto ho do songon dia dibahen Debata mangatur ombun
Jala songon dia dibahen Ibana parohon sillam sian ombunna i?
16 Diboto ho do songon dia dibahen Ibana asa habang ombun i?+
On ma akka halongangan na binahen ni Debata nappuna parbinotoan na sun denggan i.+
17 Diboto ho do boasa gabe mohop abitmu
Jala gabe songon na so adong pangisi ni tano on molo ro alogo sian selatan?+
18 Boi do haroa ho mandongani Ibana pahembakkon* langit na togu+
Jala mambahen i gabe songon logam na marhillong?
19 Paboa ma tu hami aha sidohononnami tu Ibana.
Dang boi hualusi hami Ibana, ai dang adong huboto hami manang aha.
20 Ikkon paboaon do haroa molo naeng makkatai au tu Ibana?
Manang adong haroa na porlu na ikkon paboaon tu Ibana?+
21 Dang boi idaon ni jolma na tiur* molo makkolom langit,
Alai molo dihabangkon alogo ombun i,
Boi ma diida nasida na tiur.
22 Ro ma sian sabola utara sinondang na massai uli na songon mas idaon.
Palongang roha do hasangapon ni Debata.+
23 Dang boi taattusi parbinotoan ni Pargogo na So Hatudosan i.+
Ai massai balga do huasona,+
Dang hea diulahon Ibana na so sittong+ jala tigor do Ibana marroha.+
24 Alani i, ikkon dihabiari jolma do Ibana.+
Ai dang lomo rohana tu manang ise pe na mandok dirina marbisuk.”+