Jeremia
18 Songon on ma hata ni Jahowa tu si Jeremia, 2 “Lao ma ho tu jabu ni sitopa hudon,+ disi pe hudok hatakku tu ho.”
3 Dung i lao ma au tu jabu ni sitopa hudon, di tikki i karejo do sitopa hudon i mamakke alat-alatna. 4 Alai hudon tano liat na dibentuk ibana, dang songon na di rohana i. Ujungna dibentuk ibana ma muse tano liat i gabe bentuk na asing, songon lomo ni rohana.
5 Dung i didok Jahowa ma tu au, 6 “‘Ale halak Israel, bahenokku ma tu hamu dos songon na binahen ni sitopa hudon on,’ ninna Jahowa. ‘Ai dos songon tano liat di tangan ni sitopa hudon, songon i do hamu di tanganku.+ 7 Ai ganup hudok lao mangusir, mangaruppakkon, manghancurhon sada bangso manang sada harajaon,+ 8 gabe muba do bangso i, dang diulahon nasida be ulaon na jahat songon naung hupaboa i. Au pe, hupauba ma aha naung hutottuhon hian di rohakku* taringot tu hasusaan na lao sibahenokku tu nasida.+ 9 Alai ganup hudok naeng hupajongjong manang hubahen sada bangso manang sada harajaon, 10 gabe diulahon bangso i do na jahat di jolokku, dang dioloi nasida hatakku. Au pe, paubaokku ma aha naung hutottuhon hian di rohakku* taringot akka na denggan na lao bahenokku tu nasida.’
11 “Saonari hupangido ma tu ho, dokkon ma tu akka bawa ni marga Juda dohot penduduk ni Jerusalem, ‘Songon on do hata ni Jahowa, “Nungnga huparade be hasusaan jala nungnga hurencanahon akka na jahat na lao parookku tu hamu. Unang be ulahon hamu na jahat. Pauba hamu ma pangalahomuna dohot pambahenanmuna.”’”+
12 Alai didok nasida ma, “Dang adong lapatan ni i!+ Aha na adong di pikkirannami do ihuttononnami. Jala lomo ni rohanami na jahat i do ulahononnami.”+
13 Alani i didok Jahowa ma,
“Sukkun ma jo tu akka bangso na asing.
Adong do na hea mambege sisongon i?
Nungnga diulahon halak* Israel be ulaon na massai jahat.+
14 Ai tung boi ma mago salju sian pussu ni dolok batu na di Libanon?
Jala tung boi ma marsik aek na ias na mardalan sian inganan na dao?
15 Alai ianggo bangsokki nungnga lupa be tu Au.+
Dilehon nasida do pelean* tu akka na so marguna,+
Dibahen nasida do jolma tartuktuk di dalan ni nasida, i ma di dalan na hea didalani akka ompu ni nasida.+
Manirpang do nasida tu akka dalan na gelleng, dalan na so mulus, jala na marbatu-batu.*
16 Gabe inganan na massai ngeri ma luat ni nasida,+
Marsisir ma ibbulu ni sude halak na lewat sian i jala mangupir do nasida.+
17 Dos songon alogo na sian timur na paserakkon orbuk, bahenokku ma nasida marserak di jolo ni musu ni nasida,
Di ari tikki masa hasusaan i tu nasida, padaookku ma bohikku sian nasida.”*+
18 Dung i didok nasida ma, “Beta, tabahen ma rencana lao mangalo si Jeremia.+ Ai anggo malim, torus do mangajari hita taringot tu patik,* halak na marbisuk torus do mamodai hita, jala akka malim, torus do pasahatton hata ni Debata. Beta, tadok ma ibana mangulahon na jahat jala unang pola tatangihon hatana.”
19 Parrohahon ma au, ale Jahowa,
Jala tangihon ma akka halak na mangalo au.
20 Ai tama do na denggan dibalos dohot na jahat?
Nungnga digali nasida be lubang lao pamatehon au.+
Ingot ma di tikki jongjong au di jolom lao makkatahon na denggan taringot tu nasida,
Lao mangido tu Ho asa unang muruk be Ho tu nasida.
21 Pasombu ma anak ni nasida mate alani haraparon,
Pasahat ma nasida tu podang,+
Pasombu ma mate akka anak ni istri ni nasida jala gabe mabalu.+
Pasombu ma mate akka bawa alani sahit na posi,
Jala pasombu ma akka doli-doli mate hona podang di parporangan.+
22 Pasombu ma tarbege sian jabu ni nasida soara na mangandungi
Di tikki toppu diparo Ho punguan ni akka pangarampok.
Ai nungnga digali nasida lubang lao manakkup au,
Jala dipasang nasida do jorat lao manakkup au.+
23 Alai anggo Ho, ale Jahowa
Takkas do diboto Ho songon dia rencana ni nasida lao mambunu au.+
Unang ma marpamuati roham tu hasalaan ni nasida,
Jala unang ma sesa dosa ni nasida sian jolom.