Job
21 Dung i dialusi si Job ma,
2 “Manat jo tangihon hamu hatakkon,
Asa tarapul rohakku.
3 Sabar ma jo hamu manangihon au,
Dung i pe asa boi hamu mangarehei au.+
4 Dang tu jolma au marungut-ungut.
Ai molo tu jolma au marungut-ungut, dang sabar be au.
5 Bereng hamu ma au! Pasti heran do hamu,
Jala dang tardok hamu be manang aha.
6 Molo hupikkiri i, gabe marsak do au,
Jala hitir-hitir ma sude dagingku.
8 Sai rap do nasida dohot gelleng ni nasida,
Jala boi do diida nasida akka pinopparna.
9 Aman do jabu ni nasida jala dang adong na dihabiari,+
Dang dihukum Debata nasida mamakke tukkotna.
10 Godang do anak ni lombu ni nasida.
Ai torus do maranaki induk ni lombu ni nasida, dang adong na mate.
11 Marlas ni roha do akka anak ni nasida marmeami songon punguan ni biru-biru,
Jala marinjaki do gelleng ni nasida.
12 Marende do nasida huhut mamakke rebana* dohot harpa
Jala marlas ni roha do nasida mambege soara ni suling.+
14 Alai didok nasida do tu Debata na sittong, ‘Unang ganggu hami!
Dang lomo rohanami mamboto akka parettam.+
15 Ise haroa Pargogo na So Hatudosan i umbahen na ikkon husomba hami Ibana?+
Aha haroa labana molo hutanda hami Ibana?’+
16 Alai huboto do dang tolap nasida mambahen ngolu ni nasida asa torus marhasil.+
Dang hea sarupa pikkiranku* tu pikkiran ni akka parjahat i.+
17 Piga hali ma haroa dipamate lampu ni parjahat?+
Piga hali ma haroa masa jea tu nasida?
Jala piga hali ma haroa diropukkon Debata nasida alani murukna?
18 Hea do haroa nasida gabe songon durame na dihabangkon alogo
Manang gabe songon lapung ni eme* na dihabangkon haba-haba?
19 Paradeon ni Debata do hukuman tu gellengna alani pambahenanna.
Alai anggiat ma dohot ibana dibahen Debata manaon pambahenanna i.+
20 Anggiat ma dihilala ibana balga ni jea na masa tu ibana
Jala anggiat ma ditaon* ibana rimas ni Pargogo na So Hatudosan i.+
21 Boi dope haroa dipikkiri ibana aha na masa tu pinopparna
Molo hatop ibana mate?+
23 Adong do halak na mate tikki gogo dope ibana+
Tikki sonang jala dame dope ngoluna,+
24 Tikki marloppit dope hae-haena alani mokmokna
Jala pir dope holi-holina.
25 Alai adong do halak na mate di bagasan arsak ni roha,
Dang hea dihilala ibana akka na denggan.
27 Takkas do huboto aha na dipikkiri hamu,
Jala huboto do na naeng bahenonmuna tu au, asa didok au marsala.*+
28 Ai dohononmuna ma, ‘Didia do tahe jabu ni halak na sangap i,
Jala didia do tahe kemah ni halak na jahat i?’+
29 Na so disukkun hamu do tu halak na jotjot mardalani?
Na so porsea do hamu tu na nidok ni nasida on?
30 Molo ro jea dang mate halak na jahat
Jala malua do nasida di ari hasusaan.
31 Ise ma na lao mamissang ibana,
Ise ma na lao mambalos pambahenanna i?
32 Tikki dikubur ibana,
Adong do na manjaga kuburanna.
33 Manis do didai ibana tano ni kuburan i,+
Jala tarikonna do sude jolma tusi+
Songon i do masa tu godang halak na parjolo sian ibana.
34 So marguna hamu ro mangapuli au.+
Ai holan gabus do sude hatamuna i!”