Parjamita
1 On ma hata ni parjamita,*+ anak ni si Daud, raja di Jerusalem.+
2 Didok parjamita i ma, “Dang adong gunana!
Dang adong gunana! Marisuang do sude!”+
6 Mangullus ma alogo tu selatan jala mulak ma i muse tu utara.
Torus do mulak-ulak songon i alogo i mangullus, jala dang hea so.
7 Marpungu do sude aek ni sunge* tu laut, alai dang hea gok laut i.+
Mulak do muse aek i tu inganan haroroanna, jala songon i ma mulak-ulak.+
8 Sude do mambahen loja,
Gabe dang tardok be manang aha.
Sai na hurang do idaon ni mata,
Jala sai na hurang do begeon ni pinggol.
9 Aha naung masa, i do muse na lao masa.
Aha naung diulahon, i do muse na lao diulahon.
Dang adong na baru di tano on.+
10 Boi do haroa dohonon ni halak, “Dang hea dope masa songon on”?
Ai nungnga masa i mulai sian najolo,
Nungnga masa i andorang so tubu dope hita.
11 Dang adong na lao mangingot akka halak di ari naung salpu,
Dang adong na lao mangingot akka halak na lao tubu di ari na naeng ro,
Jala nasida pe, dang na lao ingoton ni akka halak di ari na naeng ro.+
12 Au parjamita i, au do raja ni Israel na mamaretta di Jerusalem.+ 13 Hulehon do rohakku jala hupakke do bisukku+ lao mamparsiajari jala mamareso akka ulaon na di tano on.+ Hupareso do sude ulaon na dilehon Debata tu anak ni jolma i, na mambahen nasida loja jala suda tikkina.
14 Nungnga huida sude na diula jolma di tano on,
Marisuang do sude, dos songon na mangalele alogo.+
15 Dang boi na bengkok dipatigor.
Jala dang mungkin etongon na so adong.
16 Dung i hudok ma di bagasan rohakku, “Marbisuk situtu do au. Dao do umbisuk au sian akka halak na parjolo tubu sian au, na hea mangolu di Jerusalem.+ Jala dapottu do godang parbinotoan dohot bisuk.”+ 17 Marsitutu do au asa dapottu bisuk, asa huboto akka ulaon na oto,+ dohot akka ulaon na oto situtu. Jala on pe, dos do songon na mangalele alogo.
18 Ai lam marbisuk halak, lam marsak do ibana,
Lam tamba parbinotoanna, lam tamba do hasusaanna. +