PELAJARAN 38
Taargai ma Hangoluan na Dilehon Debata
Saleleng mangolu hita, godang do na boi taulahon jala tanikmati di ngolutta. Nang pe adong masalahta, sai adong do na boi mambahen hita marlas ni roha. Jadi boha ma carana patuduhon na taargai hangoluan na dilehon Jahowa? Jala boasa ikkon taargai i?
1. Boasa ikkon taargai hangoluan?
Ikkon taargai do hangoluan, alana Jahowa Bapakta na parholong i do na mangalehon i. ‘Sian Ibana do ro hangoluan’ alana Ibana do na manoppa nasa na mangolu. (Psalmen 36:9) Bibel mandok, “Ibana do na mangalehon hangoluan, hosa, ro di saluhutna tu sude jolma.” (Ulaon ni Apostel 17:25, 28) Asing ni i, dilehon Jahowa do sude na tahaporluhon asa boi hita mangolu jala marlas ni roha.—Jaha Ulaon ni Apostel 14:17.
2. Boha do carana patuduhon na taargai hangoluan na dilehon Jahowa?
Sian mulai di kandungan dope hita, nungnga diparrohahon Jahowa hita. Sian dia taboto? Di tangiang ni si Daud na disurat di Bibel, didok ibana do tu Debata, “Nungnga diida Ho au andorang so tubu dope au.” (Psalmen 139:16) Massai arga do di Jahowa ngolumuna. (Jaha Mateus 10:29-31.) Jadi, dang lomo roha ni Jahowa molo adong halak na sengaja bunu diri manang mambunu halak na asing.a (2 Musa 20:13) Jala dang lomo tong rohana molo sengaja hita mambahen ngolutta manang ngolu ni na asing gabe bahaya. Alani i molo berupaya hita manjaga ngolutta dohot ngolu ni halak na asing, on patuduhon na taargai do hangoluan na dilehon Jahowa i.
ASA LAM TAATTUSI
Taida ma boha do carana mangargai hangoluan.
3. Jaga ma kesehatanmuna
Sude do halak Kristen naung tardidi nungnga marjanji lao mamakke ngoluna mangulahon lomo ni roha ni Jahowa. Lomo do roha ni nasida mangalehon dirina gabe pelean na badia tu Debata. Jadi ikkon tajaga do kesehatanta. Jaha Rom 12:1, 2, dung i bahas ma sukkun-sukkun on:
Boasa ikkon dijaga hamu kesehatanmuna?
Boha do caramuna mangulahon i?
4. Hati-hati ma hamu mangulahon manang aha pe
Di Bibel diorai do hita mangulahon manang aha pe na berbahaya. Putar ma VIDEO asa taboto akka aha na ikkon taulahon asa unang celaka hita.
Jaha Poda 22:3, dung i bahas ma boha do carana asa unang celaka hamu dohot na asing . . .
tikki di jabumuna.
tikki di tempat karejo hamu.
tikki olahraga.
tikki mamboan kendaraan manang tikki gabe penumpang hamu.
5. Argai ma hangoluan ni poso-poso na di bagasan kandungan
Disurat si Daud do di Bibel, diparrohahon Jahowa do poso-poso manang bayi na di kandungan ni omakna. Jaha Psalmen 139:13-17, dung i bahas ma sukkun-sukkun on:
Molo di Jahowa, mulai nandigan do sasahalak didok mangolu, mulai sian na tubu do manang mulai sian na di kandungan dope ibana?
Najolo dibahen Jahowa do patik tu halak Israel lao melindungi sahalak ina na hamil dohot poso-poso na di kandunganna. Jaha 2 Musa 21:22, 23, dung i bahas ma sukkun-sukkun on:
Boha do perasaan ni Jahowa molo adong sasahalak na so sengaja mambahen sahalak ina keguguran?
Boha do perasaan ni Jahowa molo sengaja sasahalak manggugurhon kandunganna?b
Boha do perasaanmuna dung mamboto on?
Alani keadaan, olo do ra sahalak borua tarpikkir naeng manggugurhon kandunganna nang pe diboto ibana sala do i. Jaha Jesaya 41:10, dung i bahas ma sukkun-sukkun on:
Molo adong sahalak borua na tertekan ala disuru ibana manggugurhon kandunganna, menurut ayat on ikkon tu ise do ibana mangalului petunjuk? Aha alasanna?
ADONG DO NA MANDOK: “Molo alani keadaan do, dang pola boha digugurhon sahalak borua kandunganna.”
Boasa pos rohamuna massai arga do di Jahowa ngolu ni sahalak ina dohot poso-poso na di kandunganna i?
KESIMPULAN
Didok di Bibel, Jahowa do na mangalehon hangoluan tu hita. Alani i, ikkon taargai, tahaholongi, jala tajaga ma ngolutta dohot ngolu ni halak na asing.
Tinjauan
Boasa massai arga hangoluan ni jolma di Jahowa?
Boha do perasaan ni Jahowa molo adong halak na bunu diri manang mambunu halak na asing?
Boasa diargai hamu hangoluan i?
LULUI MA
Boha do caratta mandok mauliate tu Jahowa alani hangoluan na nilehonna i?
Olo do Jahowa manesa dosa ni sahalak borua na hea manggugurhon kandunganna?
Tikki naeng rekreasi manang olahraga hita, boasa ikkon jolo tapikkirhon perasaan ni Jahowa?
“Tu Aha ma Diihutton Hamu Olahraga na Berbahaya?” (Dungo ma!, 8 Oktober 2000)
Boha do carana Bibel mangurupi sasahalak na tarpikkir naeng bunu diri?
a Parduli do Jahowa tu akka halak na mandele manang na putus asa. (Psalmen 34:18) Diattusi Ibana do molo putus asa sasahalak, boi do sappe tarpikkir ibana naeng bunu diri. Alai, olo do Jahowa mangurupi nasida. Asa taboto cara ni Debata mangurupi nasida, jaha ma artikel web na marjudul “Tumagon ma Au Mate—Adong do Nasehat di Bibel na Boi Mangurupi Au Asa Unang Bunu Diri?” na adong di bagian Lului ma di pelajaran on.
b Molo adong sasahalak na merasa bersalah ala hea ibana manggugurhon kandungan, boi do disalpuhon Jahowa kesalahanna i. Asa diboto hamu taringot on, jaha ma artikel web na marjudul “Aha do na Didok Bibel taringot Aborsi?” di bagian Lului ma di pelajaran on.