Bibel Mambahen Denggan Ngolukku

• TUBU TAON: 1963

• NEGERI ASAL: INGGRIS

• RIWAYAT HIDUP: MENIKMATI KAREJO NA MASSAI DENGGAN

NGOLUKKU NA UJU I:

Tubu di Croydon, London Selatan do au. Sia do hami na marhaha maranggi jala au ma anak na paonomhon. Sian pulo St. Vincent di Karibia do natua-tuakku. Molo omak, anggota gareja Metodis do ibana. Lomo hian do rohakku marsiajar, alai dang lomo rohakku marsiajar taringot Debata. Molo lagi libur sikkola au, biasana lao do au tu tao. Disi ma hujaha godang bukku na hupinjam sian perpustakaan.

Piga-piga taon dung tamat sikkola, mulai ma lomo rohakku mangurupi akka halak na susa. Mulai ma au karejo lao mangurupi akka halak na so adong jabuna, na cacat, dohot na lambat marsiajar. Dung i, kuliah ma au di bagian kesehatan. Dung lulus au, dapottu ma piga-piga karejo na massai denggan. Jala gabe lam mamora ma au. Ala gabe peneliti sosial jala konsultan penggal waktu au di bagian manajemen, holan laptop dohot Internet do na huhaporluhon tikki karejo. Sering do au lao tu luar negeri saleleng piga-piga minggu, menginap di hotel na mewah, menikmati alam, jala mamakke fasilitas spa dohot gym asa tetap sehat. Hurippu nga sonang be ngolukku. Alai sai lungun do rohakku molo huida halak na susa.

SONGON DIA BIBEL PAUBAHON NGOLUKKU:

Sai sukkun-sukkun do rohakku, ‘Aha do tujuan ni ngolutta?’ Alai dang hea hulului alusna sian Bibel. Sada tikki di taon 1999, ro ma adekku si Margaret. Saksi Jahowa do ibana. Dikunjungi ibana do au rap dohot donganna na tong Saksi Jahowa. Burju do donganna i tu au. Di tikki i, pittor setuju do au marsiajar Bibel dohot ibana. Alai dang boi hatop hubahen kemajuan, alana godang do tikki hupakke tu karejo jala menikmati hidup.

Di musim panas taon 2002, pinda ma au tu bagian barat daya Inggris. Kuliah ma muse au disi di bagian penelitian sosial asa dapottu gelar doktor. Jala mulai ma au taratur marpungu rap dohot anakku na gelleng dope. Nang pe timbo sikkolakku, alai holan sian Bibel do boi huboto boasa susa hita. Jala aha do na lao dibahen Debata lao pasaehon i. Gabe sadar ma au, tutu do na didok di Mateus 6:24 na mandok, dang boi hita mangoloi dua tuan. Ikkon hupillit do ise na lao hubahen gabe na uppetting di ngolukku, Debata do manang hamoraon.

Sataon sebelumna, nga sering au marpungu dohot Saksi Jahowa lao mambahas bukku Apakah Ada Pencipta yang Mempedulikan Anda?a Gabe pos ma rohakku, holan Jahowa do na boi pasaehon sude masalah ni jolma, alana Ibana do na manoppa hita. Hape tikki kuliah didok do tu au asa martujuan ngolutta, dang pola ikkon porsea hita adong na manoppa hita. Gabe muruk hian ma au. Ujungna, dua bulan dung kuliah, so ma au. Jala huputusson ma mangalehon godang tikki lao pajonokkon hubungakku tu Jahowa.

Adong sada ayat na hona tu rohakku, i ma Poda 3:5, 6. Didok, “Marhaposan tu Jahowa ma ho sian nasa roham, jala unang ma ho mangasahon pikkiranmu sandiri. Di saluhut dalanmu parrohahon ma Ibana, dung i bahenonna ma tigor akka dalanmu.” Dung hujaha ayat i, gabe bertekad ma au paubahon ngolukku. Umbalga do las ni rohatta marsiajar taringot Debata sian apala mangalului hamoraon manang mandapot gelar doktor. Lam godang na huparsiajari taringot tujuan ni Debata tu tano on, jala boasa dilehon Jesus ngoluna humokkop hita, gabe bertekad ma au mangalehon ngolukku tu Debata. Tardidi ma au di bulan April 2003, jala palan-palan berusaha do au asa sederhana ngolukku.

LABA NA HUDAPOT:

Massai arga do di au hubungakku tu Jahowa. Dang boi dibandingkon i tu manang aha pe. Gabe huhilala ma dame ni roha dohot las ni roha na sasittongna ala boi hutanda Ibana. Jala las hian do rohakku ala boi mardongan dohot akka halak na manomba Jahowa.

Puas do au ala boi torus martamba parbinotoanku sian Bibel dohot sian parpunguan. Jala las do rohakku ala boi paboahon i tu halak na asing. On ma karejokku saonari. Ulaon on ma na boi mangurupi akka halak asa lam denggan ngoluna saonari, jala boi mandapot harapan lao mangolu saleleng ni lelengna di masa depan. Lam tamba ma las ni rohakku alana mulai Juni 2008, gabe perintis do au. Nga dapottu be tujuan ni ngolukku na sasittongna, jala mandok mauliate do au tu Jahowa alani i.