Nang pe Masa Hasusaan Ro nama Ngolu na Undenggan

“Na ro ma tikki hasusaan di ari parpudi.”​—2 TIMOTEUS 3:1.

HEA do dibege hamu manang diida hamu akka na masa on?

● Godang jolma mate alani sahit.

● Marribu halak mate alani kelaparan.

● Marribu halak mate alani gempa jala marsegaan godang jabu.

Di majalah on, lao taulas ma akka na masa i. Sebenarna nungnga dipaboa hian di Bibel ikkon terjadi do akka na masa on di “ari parpudi”.

Tabahas pe akka na masa on dang na lao patuduhon nungnga godang masalah di portibi on, ala sude do hita mamboto i. Alai tujuan ni majalah on lao paboahon adong do ngolu na undenggan na taharappon di ari na naeng ro. Taida ma di majalah on onom tanda ni “ari parpudi” na disurat di Bibel naung masa saonari. On patuduhon berakhir nama “ari parpudi” i. Taida ma muse annon pandapot ni halak na mandok dang tutu ari parpudi saonari. Hape sebenarna akka kejadian i patuduhon nga lam jonok be hita tu ngolu na undenggan. Tabahas ma i annon di majalah on.

Peristiwa 1. Gempa Bumi

“Masa ma gempa na massai gogo.”​—LUKAS 21:11.

● Tikki masa gempa na gogo di Haiti, adong ma sahalak wartawan TV na mambege dakdanak tangis sian runtuhan ni bangunan. Goar ni dakdanak i si Winnie, na marumur sada satonga taon. Selamat do ibana sian gempa i, alai mate do bapakna dohot omakna.

LAPORAN LENGKAPNA Lobi sian 300.000 halak mate alani gempa na massai gogo di Haiti, di bulan Januari taon 2010. Alani gempa i, adong 1,3 juta halak na so marjabu be. Nang pe massai gogo gempa na di Haiti i, alai adong dope gempa na asing na tong massai gogo. Sian bulan April 2009 sahat tu April 2010, adong do dilaporhon 18 gempa na massai gogo na masa di liat portibi on.

PANDAPOT NI HALAK Sian najolo do masa gempa. Alai ala nungnga lam canggih nuaeng teknologi, gabe lam hatop ma mandapot informasina.

TUTU DO SONGON I? Memang dang adong didok di Bibel, sadia jotjot masa gempa saleleng ari parpudi. Alai na didok di Bibel, na lao masa ma “gempa na massai gogo” di godang inganan. On ma sada bukti na patuduhon naung mangolu di ari parpudi hita saonari.​—Markus 13:8; Lukas 21:11.

BOHA MENURUT HAMU? Nungnga masa be gempa na massai gogo songon na didok Bibel i?

Memang molo holan sada dope buktina, dang pittor mura hita porsea nungnga mangolu di ari parpudi hita saonari. Alai adong dope bukti na asing na dipaboa di Bibel. Taida ma muse.

[Kutipan]

“Molo hami [akka ahli geofisika] mandok on, gempa na massai gogo. Alai molo halak mandok, gempa na massai ngeri.”​—SI KEN HUDNUT, SURVEI GEOLOGIS AS.

[Gambar Credit Line]

© William Daniels/​Panos Pictures

Peristiwa 2. Haraparon

“Masa ma . . . haraparon.”​—MARKUS 13:8.

● Adong ma sahalak bawa na maninggalhon hutana jala pinda tu Quaratadji, Niger, Afrika. Peak-peak ma sahalakna di tikkar. Boasa holan sahalakna? Ala ditinggalhon ibana keluargana. Didok si Sidi kepala desa ni huta i, “Dang sanggup ibana mangalehon mangan keluargana, jala dang sanggup ibana mamereng keluargana rapar.”

LAPORAN LENGKAPNA Menurut laporan, 1 sian 7 halak di liat portibi on dang boi mandapot sipanganon na cukkup ganup ari. Molo di Afrika, upparah dope, nga leleng masa disi haraparon. Di satonga wilayah ni Afrika, adong 1 sian 3 halak na rapar. Asa ummura taattusi, bayangkon ma sada keluarga adong bapakna, adong omakna, dohot gellengna. Alai sipanganon nasida, holan tu dua halak do cukkup. Ise ma na so mangan? Bapakna do, omakna do, manang gellengna i? Ikkon mambahen keputusan sisongon i ma nasida ganup ari.

PANDAPOT NI HALAK Sebenarna godang do sipanganon di portibi on jala cukkup do tu sude. Holan carana mangatur i do na so denggan.

TUTU DO SONGON I? Memang toho do i, lam godang do sipanganon saonari jala nga lam mura makkirim sipanganon i. Alai kenyataanna, dang mampu dope pamaretta mambagi sipanganon i tu sude halak asa unang adong na rapar.

BOHA MENURUT HAMU? Toho do masa haraparon na didok Markus 13:8 on? Boi do teknologi naung maju saonari mangatasi haraparon di liat portibi on?

Alani gempa dohot haraparon on, gabe muncul ma masalah na asing na tong gabe tanda ni ari parpudi.

[Kutipan]

“Lobi sian sapartolu dakdanak na mate alani pneumonia, diare, dohot sahit na asing, sebenarna boi hian do selamat molo dang hurang gizi.”​—SI ANN M. VENEMAN, MANTAN DIREKTUR EKSEKUTIF UNICEF.

[Gambar]

© Paul Lowe/​Panos Pictures

Peristiwa 3. Sahit

“Masa ma . . . sahit.”​—LUKAS 21:11.

● Tikki masa porang di Afrika, godang do parkarejo di pertambangan na hona virus Marburg.a Berupaya ma si Bonzali sahalak petugas kesehatan mangubati akka parkarejo na hona virus i. Nungnga piga-piga hali dipangido ibana bantuan sian pamaretta alai dang ditanggapi. Opat bulan dukkon i ro ma bantuan, hape nga sanga mate si Bonzali ala tertular sian parkarejo di pertambangan i.

LAPORAN LENGKAPNA Godang do halak na mate alani sahit pneumonia, diare, HIV/​AIDS, TBC (Tuberkulosis), dohot malaria. Mate do 10,7 juta halak alani sahit on saleleng taon 2004. Berarti saleleng sataon i, mate ma sahalak jolma di bagasan tolu detik alani sahit i.

PANDAPOT NI HALAK Ala torus do tamba jolma di portibi on, berarti na marsahit pe torus do tamba godangna.

TUTU DO SONGON I? Memang lam tamba do penduduk di portibi on. Alai teknologi pe nungnga lam canggih. Jadi nga lam mura be jolma mamboto jenis ni akka sahit dohot cara mangubati i. Seharusna lam otik ma nian jolma na marsahit. Hape kenyataanna lam godang do na marsahit.

BOHA MENURUT HAMU? Toho do na didok Bibel i lam godang jolma na susa alani sahit?

Nungnga marjuta halak susa alani gempa, haraparon, dohot sahit. Alai marjuta do tong halak na susa alani pangalaho ni jolma na jahat, termasuk ma i sian keluargana sandiri. Taida ma muse na didok Bibel taringot i.

[Surat na di Toru]

[Kutipan]

“Molo habis dagingta diallang singa, massai ngeri do i. Alai molo habis pe dagingta diallang sahit, tong do massai ngeri.”​—EPIDEMIOLOG MICHAEL OSTERHOLM.

[Gambar Credit Line]

© William Daniels/​Panos Pictures

Peristiwa 4. Dang Adong be Holong

“Dang marroha holong.”​—2 TIMOTEUS 3:1-3.

● Si Chris karejo di lembaga bantuan bagi korban kekerasan dalam rumah tangga (KDRT) di Wales Utara. Didok ibana, “Hea do hubantu sahalak borua korban KDRT. Tikki ro muse ibana dang hutanda be, ala nga bongkak sude bohina dipukkuli. Adong do muse ro borua na asing korban KDRT. Sai unduk do ibana, dang barani mangida jolma ala trauma.”

LAPORAN LENGKAPNA Di sada negara di Afrika, 1 sian 3 borua disi nungnga hea mengalami pelecehan seksual tikki dakdanak dope. Jala tikki dibahen survei di negara i, lobi sian sapartolu bawa disi merasa marhak do ibana mamukkuli istrina. Alai dang holan borua na mengalami KDRT, bawa pe adong do. Misalna di Kanada, hampir 3 sian 10 bawa nungnga hea dipukkuli jala disiksa istrina.

PANDAPOT NI HALAK Sian najolo do nungnga adong KDRT. Cuman saonari lam godang na parduli tu korban KDRT i. Makana lam godang taboto laporanna.

TUTU DO SONGON I? Memang saonari nungnga lam godang halak na parduli tu korban KDRT. Alai dang na gabe lam moru korban KDRT, gariada lam tamba do. On patuduhon, nga lam ngali be holong i.

BOHA MENURUT HAMU? Nungnga masa be na disurat di 2 Timoteus 3:1-3 i? Boi do diida hamu godang halak saonari na so marholong ni roha be tu keluargana sandiri? Saonari tabahas ma songon dia dibahen jolma manegai tano on.

[Kutipan]

“Sian najolo kasus KDRT on ma salah satu kasus kejahatan paling jarang dilaporhon. Alana biasana, jolo 35 hali pe dianiaya sahalak borua baru barani ibana melapor tu polisi.”​—JURU BICARA UNTUK SALURAN BANTUAN KORBAN KDRT DI WALES.

Peristiwa 5. Disegai Jolma Tano On

“Ripassononmu ma halak na manegai tano on.”​—PANGUNGKAPON 11:18.

● Ala sabur miak massai godang di Delta Niger, gabe dang karejo be si Pirri sahalak paragat tuak di Kpor, Nigeria. Didok ibana, “Marmatean ma akka ikan, sega do kulitnami, jala tercemar ma akka sunge. Asing ni i, gabe dang adong be passarianku.”

LAPORAN LENGKAPNA Menurut akka pakar, tercemar do laut alani sampah 6,5 juta ton tiap taon. Diperkirahon 50 persen sampah i, sampah palastik na mumbang-umbang di laut na so boi hancur saleleng marratus taon. Gabe sega do tano on alani i. Asing ni i, lomo-lomo ni jolma do mambuat sumber daya alam jala dang dipikkiri akibatna. Menurut akka peneliti, porlu do diistirahatton tano on sataon lima bulan asa mulak muse sumber daya alam na dipakke saleleng sataon. Menurut koran Australia Sydney Morning Herald, “Molo torus-torus do songon i cara ni jolma mambuat sumber daya alam di tano on, diperkirahon taon 2035 dang cukkup be holan sada planet bumi, alai nga ikkon adong sada nai.”

PANDAPOT NI HALAK Nungnga malo jolma saonari. Boi do diatasi akka masalah sisongon i, jala boi do muse dipadenggan tano on.

TUTU DO SONGON I? Memang, godang do nuaeng lembaga na berupaya pasingotton masyarakat asa manjaga lingkunganna. Alai nang pe songon i, sai torus do disegai jolma tano on.

BOHA MENURUT HAMU? Porlu do diurupi Debata hita lao padenggatton tano on? Adong dope sada nai tanda ni ari parpudi na dipaboa Bibel. Taida ma i muse

[Kutipan]

“Akka inganan na uli di tano on, nungnga gabe tempat sampah.”​—SI ERIN TAMBER, WARGA GULF COAST, AMERIKA SERIKAT, MENGENAI DAMPAK TUMPAHAN MINYAK, 2010, DI TELUK MEKSIKO.

[Gambar Credit Line]

U.S. Coast Guard photo

Peristiwa 6. Marbarita na Uli di Liat Portibi On

“Dibaritahon ma barita na uli taringot tu Harajaon i di liat portibi on.”​—MATEUS 24:14.

● Si Vaiatea tinggal di sada huta di kepulauan Tuamotu, Pasifik. Penduduk di kepulauan Tuamotu on sekitar 16.000 halak jala luas ni kepulauan on 802.900 km persegi. Nang pe dao-dao akka huta di kepulauan i, alai nga sahat tusi Saksi Jahowa marbarita na uli. Boasa olo ro nasida tusi? Alana ikkon dipasahat Saksi Jahowa do barita na uli taringot tu Harajaon ni Debata tu sude jolma, dang soal didia nasida tinggal.

LAPORAN LENGKAPNA Nungnga hampir di sude liat portibi on, marbarita na uli Saksi Jahowa. Misalna, taon 2010 marbarita na uli do Saksi Jahowa saleleng 1,6 miliar jam di 236 negeri. Berarti molo dirata-ratahon, sahalak Saksi Jahowa mamakke tikkina 30 menit tiap ari lao marbarita na uli. Saleleng sappulu taon, diterbitton Saksi Jahowa do lobi sian 20 miliar bacaan. Dung i dibagihon ma i tu akka halak.

PANDAPOT NI HALAK Ai nungnga sian marribu taon naung salpu adong na marbarita na uli.

TUTU DO SONGON I? Memang, nga sian najolo adong na marbarita na uli. Alai di piga-piga inganan do i jala holan satokkin. Molo saonari nungnga diorganisasi Saksi Jahowa be asa sahat barita na uli tu marratus juta halak di liat portibi on. Jala torus do Saksi Jahowa marbarita na uli nang pe adong pamaretta na menentang ulaon ni nasida.a (Markus 13:13) Asing ni i, dang digaji Saksi Jahowa marbarita na uli. Sukarela do nasida mangulahon i. Gratis do akka bacaan na dibagihon nasida. Sian sumbangan sukarela do dana na dipakke nasida lao marbarita na uli di liat portibi on.

BOHA MENURUT HAMU? Nungnga dipasahat be barita na uli taringot tu Harajaon i di liat portibi on? Ala nungnga taida masa saonari akka tanda na dipaboa di Bibel, porsea do hamu ro nama ngolu na undenggan i?

[Surat na di Toru]

[Kutipan]

“Saleleng disuru Jahowa dope hita marbarita na uli, torus ma hita semangat paboahon barita na uli taringot tu Harajaon tu sude halak.”​—BUKU TAHUNAN SAKSI-SAKSI YEHUWA 2010.

Ro nama Ngolu na Undenggan I Satokkin Nai!

“Satokkin nai, dang adong be akka parjahat . . . Alai molo halak na lambok roha, dilehon do tano on gabe parbagianan ni nasida, marlas ni roha situtu ma nasida, ai dame do ngolu ni nasida.”​—PSALMEN 37:10, 11.

LOMO do rohamuna molo saut Psalmen 37:10, 11 on? Pasti lomo do rohatta saut i. Pos do rohatta satokkin nai nama masa i.

Nungnga taida di artikel sebelumna onom tanda ni “ari parpudi” na dipaboa Bibel. (2 Timoteus 3:1-5) Disuru Debata pe disuratton i di Bibel asa berharap do hita tu ngolu na undenggan naung dijanjihon Debata. (Rom 15:4) Jadi tikki taida masa i sude, gabe pos ma rohatta na lao salpu do sude akka hasusaatta.

Dung berakhir “ari parpudi”, aha ma na masa? Mamaretta ma Harajaon ni Debata tu sude jolma di liat portibi on. (Mateus 6:9) Taida ma songon dia portibi on molo dung mamaretta Harajaon ni Debata:

● Dang adong be haraparon. “Godang ma tubu sipanganon di ladang, haru di pussu ni dolok pe godang do tubu suan-suanan.”​—Psalmen 72:16.

● Dang adong be sahit. “Dang adong nanggo sahalak pe na maringanan disi na mandok, ‘Marsahit do au.’”​—Jesaya 33:24.

● Dipadenggan ma tano on. “Marlas ni roha ma gurun pasir dohot tano na harsang, marlas ni roha ma gurun jala gok ma akka bunga disi.”​—Jesaya 35:1.

Satokkin nai taida nama masa sude janji ni Debata na disurat di Bibel. Lomo do roha ni Saksi Jahowa paboahon tu hamu boasa porsea nasida na lao saut do i tokkin nai.