Boasa Jesus i Didok Anak ni Debata?
Na didok Bibel
Jotjot do didok di Bibel, Jesus i “Anak ni Debata”. (Johannes 1:49) Sian hata “Anak ni Debata” boi ma taboto, Debata do Sitoppa saluhutna. Jala Ibana do na mambahen mangolu sude, termasuk ma i Jesus. (Psalmen 36:9; Pangungkapon 4:11) Alai dang adong didok di Bibel, molo Debata boi marianakkon dos songon jolma.
Didok do muse di Bibel, akka suru-suruan i “anak ni Debata na sittong”. (Job 1:6) Jala si Adam jolma na parjolo i pe, didok do di Bibel “anak ni Debata”. (Lukas 3:38) Alai anggo taringot Jesus, didok do di Bibel ibana Anak ni Debata na paling istimewa. Alana, ibana do toppaan ni Debata na parjolo jala holan ibana do na langsung ditoppa Debata.
Tutu do Jesus hea mangolu di surgo sebelum ro tu tano on?
Tutu. Sebelum ro Jesus tu tano on, suru-suruan do ibana di surgo. Jesus sandiri do na mandok, ‘Turun do au sian banua ginjang.’—Johannes 6:38; 8:23.
Jesus do na parjolo sahali ditoppa Debata andorang so ditoppa Ibana dope akka na asing. Songon on do didok Bibel taringot Jesus:
“Ibana do . . . na parjolo ditoppa sian saluhutna.”—Kolosse 1:15.
Ibana do “parmulaan ni sude na ditoppa Jahowa, Na parjolo sian sude na binahenna di tikki naung salpu”.—Poda 8:22.
Adong do panurirang na manurat taringot Jesus. Didok ibana do, “Nungnga adong ibana sian najolo, sian tikki naung salpu.”—Mika 5:2; Mateus 2:4-6.
Aha do na diulahon Jesus sebelum ro tu tano on?
Sangap do kedudukanna tikki di surgo. Taboto do i sian tangiang ni Jesus tikki didok ibana, “Ale Amang, lehon ma tu au hasangapon di labbungmi, songon hasangapokku tikki rap au dohot Ho andorang so adong dope portibi on.”—Johannes 17:5.
Diurupi ibana do Bapakna tikki manoppa saluhutna. Di labbung ni bapakna do ibana tikki karejo. Didok do ibana “kepala tukkang”. (Poda 8:30) Jala didok Bibel do muse taringot Jesus, “Marhite ibana do ditoppa saluhut na di surgo dohot na di tano on.”—Kolosse 1:16.
Sude na ditoppa Debata marhite Jesus do, termasuk ma i sude suru-suruan na adong di alam semesta on. (Pangungkapon 5:11) Songon arsitek na kerjasama dohot kontraktor, dos songon i ma Debata kerja sama dohot Jesus. Arsitek ma na mambahen rancangan ni sada bangunan, jala kontraktor i ma na mambangun sesuai tu rancangan i.
Didok do ibana Hata. Didok di Bibel, sebelum ro Jesus tu tano on didok do ibana “Hata”. (Johannes 1:1) Lapatanna, dipakke Debata do Anakna i lao paboahon paretta dohot petunjuk tu akka suru-suruan na asing.
Jesus do na gabe Wakil ni Debata lao makkatai tu jolma di tano on. Mungkin marhite Jesus do Debata makkatai tikki dilehon Ibana paretta tu si Adam dohot tu si Hawa di taman Eden. (1 Musa 2:16, 17) Jala Jesus do mungkin suru-suruan na mamimpin bangso Israel najolo di padang gurun. Jala soara ni ibana do na ikkon dioloi nasida.—2 Musa 23:20-23.a
a Dang holan Jesus dipakke Debata lao gabe wakilna makkatai tu akka jolma. Uppamana, dipakke do akka suru-suruan na asing na tong digoari anak ni Debata lao paboahon Patik ni si Musa tu bangso Israel najolo.—Ulaon ni Apostel 7:53; Galatia 3:19; Heber 2:2, 3.