Torus ma Pajonok Dirimuna tu Debata

Dung diparsiajari hamu bukku on, pasti nungnga godang na diboto hamu taringot Jahowa. Gabe holong ma rohamuna tu Ibana. Jala olo do ra nungnga dilehon hamu ngolumuna tu Jahowa jala tardidi. Molo dang dope, mungkin nungnga dibahen hamu rencana lao tardidi. Alai dung tardidi, unang ma gabe so hamu pajonokkon dirimuna tu Debata. Ikkon torus do dipajonok hamu dirimuna tu Jahowa saleleng ni lelengna. Boha carana?

1. Boasa ikkon berusaha hamu asa lam jonok hubunganmuna tu Jahowa?

Ikkon berusaha do hita asa lam jonok hubungatta tu Jahowa. Boasa? Bibel mandok, “Asa unang maup hita.” (Heber 2:1) Boha do carana asa tetap hita setia manomba Jahowa? Ikkon ringgas ma hita marbarita, jala talului ma akka cara asa unggodang na boi talehon tu Debata. (Jaha Pilippi 3:16.) Torus ma tasomba Jahowa. I do na terbaik na boi taulahon di ngolutta!—Psalmen 84:10.

2. Aha do muse na ikkon diulahon hamu?

Nang pe nga sae diparsiajari hamu bukku on, alai ikkon torus do diihutton hamu Hata ni Debata di ngolumuna. Bibel mandok, “Pakke hamu ma pangalaho na imbaru.” (Epesus 4:23, 24) Molo torus diparsiajari hamu Hata ni Debata jala taratur hamu marpungu, sai adong do akka na baru na boi diparsiajari hamu taringot Jahowa dohot akka sifatna. Berusaha ma hamu maniru sifat ni Jahowa di ngolumuna. Jala torus ma padenggan pangalahomuna asa las roha ni Jahowa.

3. Boha do cara ni Jahowa mangurupi hamu?

Bibel mandok, ‘Togu-toguon ni Debata do hamu sahat tu ujungna. Patoguonna, pargogoanna, jala pahotonna ma hamu.’ (1 Petrus 5:10) Pasti boi do hita sude tergoda lao mangulahon na sala. Alai pasti diurupi Jahowa do hita asa boi menolak godaan i. (Psalmen 139:23, 24) Marjanji do Jahowa lao mambahen hita rade jala margogo asa tetap setia tu Ibana.—Jaha Pilippi 2:13.

ASA LAM TAATTUSI

4. Torus ma hamu makkatai tu Jahowa jala tangihon ma Ibana

Ala martangiang jala marsiajar Bibel hamu saleleng on, pasti gabe jonok do hubunganmuna tu Jahowa. Aha do manfaatna molo torus diulahon hamu i?

Jaha Psalmen 62:8, dung i bahas ma sukkun-sukkun on:

• Asa lam jonok hubunganmuna tu Jahowa, akka aha do na porlu dipaboa hamu tu Ibana tikki martangiang?

Jaha Psalmen 1:2 dohot surat na di toru, dung i bahas ma sukkun-sukkun on:

• Asa lam jonok hubunganmuna tu Jahowa, aha dope na porlu diulahon hamu tikki manjaha Bibel?

Boha do carana asa lam godang dapotmuna manfaat tikki pelajaran pribadi? Ida ma piga-piga saran. Putar ma VIDEO, dung i bahas ma sukkun-sukkun on:

VIDEO: Bahen ma Asa Lam Denggan Pelajaran Pribadimuna (5:22)

• Sian akka saran na dipaboa di video i, na dia ma na naeng diulahon hamu?

• Taringot aha do na naeng lam takkas diparsiajari hamu?

5. Bahen ma cita-cita

Molo tabahen cita-cita lao mangalehon unggodang tu Jahowa, boi ma hita torus pajonokkon diri tu Ibana. Putar ma VIDEO, dung i bahas ma sukkun-sukkun on:

VIDEO: Ngolu na Dumenggan (3:31)

• Di video i, aha do manfaatna tu si Cameron ala dibahen ibana cita-cita lao mangalehon unggodang tu Jahowa?

Memang dang sude halak boi pinda tu luat na asing. Alai tetap do boi dibahen hamu cita-cita lao mangalehon unggodang tu Jahowa. Jaha Poda 21:5, dung i pikkirhon ma aha na boi diulahon hamu lao mangurupi . . .

• huria.

• ulaon marbarita.

Menurut ayat i, aha do na ikkon diulahon hamu asa saut cita-citamuna i?

Cita-cita na boi dibahen hamu

• Paboahon sude na di rohamuna tu Jahowa tikki martangiang.

• Manjaha sude isi ni Bibel.

• Lam mananda sude akka dongan di huria.

• Berusaha mangurupi sasahalak marsiajar Bibel.

• Gabe perintis ekstra manang perintis biasa.

• Molo sahalak bawa hamu, berusaha ma asa boi gabe parhobas di huria.

KESIMPULAN

Torus ma berusaha asa lam jonok hubunganmuna tu Jahowa. Jala bahen ma cita-cita lao mangalehon unggodang tu Ibana. Hasilna gabe boi ma hamu marlas ni roha saonari jala mangolu saleleng ni lelengna di masa depan.

Tinjauan

• Pos do rohamuna pasti diurupi Jahowa hamu asa tetap setia tu Ibana? Boasa?

• Boha do carana asa lam jonok hubunganmuna tu Jahowa?

• Aha do manfaatna molo dibahen hamu cita-cita lao mangalehon unggodang tu Jahowa?

LULUI MA

Dia do na ummarga di Jahowa, adong pengalaman ni sasahalak na mantap manang setia ibana tu Jahowa saleleng ngoluna?

Setia ma Songon si Abraham (9:20)

Nang pe setia hita tu Jahowa, alai boi do mago las ni rohatta. Molo songon i na masa, boha do carana asa boi hita marlas ni roha muse?

Marlas ni Roha Ala Marsiajar jala Mangarimangi (5:25)

Aha do na porlu taulahon tikki naeng mambahen cita-cita? Jala boha do carana asa boi saut cita-citatta i?

“Pakke ma Cita-citamuna Lao Pasangappon Debata” (Joujou Paboahon, 15 Juli 2004)

Boasa porlu togu haporseaotta jala boha do carana asa boi togu haporseaotta i?

“Marsitutu ma Hita Asa Toras Ala Nungnga Jonok Ari ni Jahowa” (Joujou Paboahon, 15 Mei 2009)