Toho do Adong na Manoppa Nasa na Mangolu?

Deba halak mandok dang adong na manoppa nasa na mangolu. Na toppu do i adong. Alai Bibel mandok, “Sian [Debata] do ro hangoluan.” (Psalmen 36:9) Porsea do hamu disi? Molo toho do Debata na manoppa hangoluan, pasti adong do tujuanna, dang i?a Taida ma na didok Bibel taringot asal mula ni hangoluan jala boasa masuk akkal i.

1. Sian dia do asal mula ni alam semesta on?

Bibel mandok, “Di mula ni mulana ditoppa Debata ma langit dohot tano.” (1 Musa 1:1) Godang do akka ilmuwan na setuju tu na didok ayat i, adong do asal mula ni alam semesta. Alai, boha do cara ni Debata manoppa i? Dipakke Ibana do ‘gogona’ manang tondi parbadiana lao mambahen sude na adong di alam semesta, termasuk ma i akka galaksi, bintang, dohot planet.—1 Musa 1:2.

2. Aha do tujuan ni Debata manoppa tano on?

‘Dang na lao marisuang [tano on] ditoppa Jahowa, alai ditoppa do i lao diingani.’ (Jesaya 45:18) Ditoppa Ibana pe tano on asa boi do denggan diingani jolma saleleng ni lelengna. (Jaha Jesaya 40:28; 42:5.) Didok akka ilmuwan, istimewa do tano on dibandingkon akka planet na asing. Alana holan di tano on do jolma boi mangolu.

3. Aha do na mambahen istimewa jolma sian binatang?

Dung ditoppa Jahowa tano on, ditoppa Ibana ma nasa na mangolu na adong disi. Na parjolo, ditoppa Ibana ma akka suan-suanan dohot binatang. Dung i, ‘ditoppa Debata ma jolma tudos songon Ibana’. (Jaha 1 Musa 1:27.) Aha do na mambahen jolma istimewa? Tudos songon Debata do jolma ditoppa. Lapatanna boi do tatiru akka sifatna. Contohna boi do tahaholongi akka halak jala adil tu nasida. Boi do tong hita marsiajar piga-piga bahasa, las do rohatta mangida akka na uli, jala las do rohatta mambege musik. Jala na uppetting boi do tasomba Debata Sitoppa hita.

ASA LAM TAATTUSI

Taida ma akka bukti na patuduhon ditoppa do hangoluan jala masuk akkal do na didok Bibel taringot i. Boi do tong taparsiajari taringot Debata sian akka sifat na denggan na dipatudu jolma.

4. Adong do na manoppa hangoluan

Dipuji do akka ilmuwan alani penemuan ni nasida, hape na maniru toppaan ni Debata do nasida. Jadi, ise do sasittongna na ikkon dipuji? Putar ma VIDEO, dung i bahas ma sukkun-sukkun on:

VIDEO: Tutu do Adong Debata (2:43)

• Akka aha ma penemuan ni jolma na maniru toppaan ni Debata?

Sude jabu pasti adong do na mangarancang jala na mambangun i. Jadi ise do na mangarancang jala na mambahen sude na adong di alam semesta on? Jaha Heber 3:4, dung i bahas ma sukkun-sukkun on:

• Na dia ma toppaan ni Debata di alam semesta on na paling menarik di hamu?

• Masuk akkal do molo tadok adong na mangarancang sude na di alam semesta on? Boasa?

Diboto hamu do?

Boi do dapotmuna sijahaon dohot video taringot pelajaran on di jw.org/bbc di bagian “Adong do na Mambahen on?” dohot “Pandapot taringot tu Mula ni Hangoluan”.

“Ganup jabu, adong do na pajongjokkon, alai Debata do na manoppa nasa na adong”

5. Masuk akkal do na didok Bibel taringot toppaan

VIDEO: Ditoppa do Alam Semesta on?—Cuplikan (3:51)

• Didok di Bibel onom ari do lelengna Debata manoppa tano on. Hata ari na didok disi 24 jom do maksudna?

• Menurut hamu, masuk akkal do na didok Bibel taringot asal mula ni tano on?

Jaha 1 Musa 1:1, dung i bahas ma sukkun-sukkun on:

• Didok akka ilmuwan, adong do asal mula ni alam semesta on. Sadalan do i tu na diparsiajari hamu sian Bibel?

Adong halak na mandok, dipakke Debata do evolusi lao manoppa nasa na mangolu. Didok nasida holan sada sel sederhana do na ditoppa Debata, dung i berevolusi ma i gabe marragam makhluk hidup. Jaha 1 Musa 1:21, 25, 27, dung i bahas ma sukkun-sukkun on:

• Adong do didok di Bibel na dipakke Debata evolusi lao manoppa nasa na mangolu songon dekke, akka binatang, dohot jolma? Manang memang marragam do jenisna tikki ditoppa Debata sian mulana?

6. Toppaan ni Debata na istimewa do jolma

Ditoppa Debata do jolma dohot binatang. Alai adong do na mambahen istimewa jolma sian binatang. Jaha 1 Musa 1:26, dung i bahas ma sukkun-sukkun on:

• Molo taparrohahon ayat on, boasa boi hita makkaholongi akka halak jala marasi ni roha?

KESIMPULAN

Ditoppa Jahowa do alam semesta on dohot sude nasa na mangolu.

Tinjauan

• Aha do na didok Bibel taringot asal mula ni alam semesta?

• Toho do dipakke Debata evolusi lao mambahen marragam makhluk hidup? Manang memang marragam do jenisna ditoppa Debata sian mulana?

• Aha do na mambahen istimewa jolma sian toppaan na asing?

LULUI MA

Jaha ma taringot akka toppaan na patuduhon adong do na manoppa i sude.

“Na Taparsiajari taringot Debata sian Alam” (Dungo ma!, September 2006)

Tonton ma songon dia sahalak bapak patorakkon tu gellengna taringot asal mula ni alam semesta.

“Ditompa Jahowa do . . . Sasudena” (2:37)

Sadalan do hatorangan taringot evolusi tu na didok Bibel?

“Toho do Dipakke Debata Evolusi Lao Manoppa Nasa na Adong?” (Artikel web)

Molo sian akka penemuan fosil dohot penelitian ni akka ilmuwan, dia do na toho, ditoppa do nasa na mangolu manang na toppu do i adong?

Asal Mula Kehidupan—Lima Pertanyaan yang Patut Direnungkan (brosur)

1. Boasa ikkon taargai hangoluan?

Ikkon taargai do hangoluan, alana Jahowa Bapakta na parholong i do na mangalehon i. ‘Sian Ibana do ro hangoluan’ alana Ibana do na manoppa nasa na mangolu. (Psalmen 36:9) Bibel mandok, “Ibana do na mangalehon hangoluan, hosa, ro di saluhutna tu sude jolma.” (Ulaon ni Apostel 17:25, 28) Asing ni i, dilehon Jahowa do sude na tahaporluhon asa boi hita mangolu jala marlas ni roha.—Jaha Ulaon ni Apostel 14:17.