PELAJARAN 51

Boha do Carana Asa Las Roha ni Jahowa tu na Tahatahon?

Edisi Tercetak

Jahowa do na mambahen hita boi makkatai. Sada hadiah na berharga do on. Jadi manang aha na tahatahon, boi do mambahen las rohana manang gabe sogo rohana. (Jaha Jakobus 1:26.) Attong boha do carana asa boi na tahatahon mambahen las roha ni Jahowa?

1. Boha do carana asa boi na tahatahon mambahen las roha ni Jahowa?

Didok do di Bibel, “Marsiurupan ma hamu jala patogu ma na asing.” (1 Tessalonik 5:11) Adong do diboto hamu dongan na lagi marsak? Molo adong, aha do na boi diulahon hamu tu ibana? Dokkon ma tu ibana, na holong rohamuna tu ibana. Boi do tong dipuji hamu ibana ala nungnga diulahon ibana akka na denggan saleleng on. Asing ni i, boi do tong dijahahon hamu sada ayat na boi mambahen ibana semangat. Godang do ayat ni Bibel na boi dipillit hamu. Jala porlu do taingot, adong do pengaruh ni caratta makkatahon i tu ibana. Jadi berusaha ma hamu asa lambok tikki makkatai.—Poda 15:1.

2. Akka hata na songon dia do na so boi tahatahon?

Bibel mandok, “Unang ma kaluar akka hata na so denggan sian pamanganmuna.” (Jaha Epesus 4:29.) Lapatanna, unang ma kasar hita tikki makkatai manang tadok akka hata na boi mambahen haccit roha ni na asing. Jala unang ma hita pahata-hatahon halak manang memfitnah nasida.—Jaha Poda 16:28.

3. Boha do carana asa boi hatatta patoguhon na asing?

Biasana na di bagasan rohatta dohot pikkiratta do na tahatahon. (Lukas 6:45) Jadi ikkon tapasomal do berpikiran positif. Carana, tapikkirhon ma akka na sittong, na badia, na mambahen halak marholong ni roha, dohot na patut sipujion. (Pilippi 4:8) Asa boi taulahon i, ikkon manat do hita mamillit hiburan dohot ise na lao gabe donganta. (Poda 13:20) Ikkon jolo manat do tong hita marpikkir sebelum makkatai. Jala tapikkirhon ma, boha do annon perasaan ni donganta mambege hatatta i. Bibel mandok, “Dos songon podang na manikkam do akka hata na asal dipandok. Alai pamaluppon do hata ni halak na marbisuk.”—Poda 12:18.

ASA LAM TAATTUSI

Taparsiajari ma boha carana asa boi na tahatahon mambahen las roha ni Jahowa jala patoguhon na asing.

4. Jolo marpikkir ma sebelum makkatai

Sipata olo do hita menyesal ala sala makkatai. (Jakobus 3:2) Jaha Galatia 5:22, 23, dung i bahas ma sukkun-sukkun on:

Sifat na dia do sian ayat on na lao ditangiakkon hamu tu Jahowa asa boi dipatudu hamu i? Gabe boha do caramuna makkatai molo boi dipatudu hamu sifat i?

Jaha 1 Korint 15:33, dung i bahas ma sukkun-sukkun on:

Aha do pengaruh ni dongan dohot hiburan na dipillit hamu tu caramuna makkatai?

Gambar: Na mambahen sahalak suami gabe kasar tu istrina. 1. Mambege musik na keras do ibana. 2. Semangat do ibana rap dohot donganna manonton pertandingan tinju di TV. — Aha do na boi mambahen sasahalak gabe lambok manang kasar makkatai?

Gambar: Na mambahen sahalak suami gabe lambok makkatai tu istrina. 1. Dijaha ibana do Bibel. 2. Makkata-hatai do ibana dohot istrina rap dohot akka dongan di Bale Harajaon. — Aha do na boi mambahen sasahalak gabe lambok manang kasar makkatai?

Jaha Parjamita 3:1, 7, dung i bahas ma sukkun-sukkun on:

Menurut hamu, andigan do tikki na pas hita hohom? Andigan do tikki na pas hita makkatai?

5. Hatahon ma na denggan taringot na asing

Boha do carana asa dang tabahen haccit roha ni halak tikki makkatai? Jala boha do carana asa dang taparoa-roa halak? Putar ma VIDEO, dung i bahas ma sukkun-sukkun on:

VIDEO: “Hatahon ma na Denggan Laho Patoguhon na Asing” (4:07)

Boasa gabe olo dongan na di video i manguba carana makkatai taringot na asing?
Aha do na diulahon ibana asa boi muba?

Jaha Parjamita 7:16, dung i bahas ma sukkun-sukkun on:

Aha do na porlu taingot tikki tergoda hita naeng paroa-roahon halak?

Jaha Parjamita 7:21, 22, dung i bahas ma sukkun-sukkun on:

Menurut ayat on, boha ma carana asa unang muruk hita molo diparoa-roa halak?

6. Lambok ma hamu makkatai tu keluargamuna

Lomo do roha ni Jahowa molo lambok hita tikki makkatai tu keluargatta. Putar ma VIDEO, dung i bahas ma sukkun-sukkun on:

VIDEO: Ringkot ni Holong dohot Burju ni Roha (3:08)

Boha do carana asa boi hamu lambok tikki makkatai tu keluargamuna?

Jaha Epesus 4:31, 32, dung i bahas ma sukkun-sukkun on:

Cara makkatai na songon dia do na mambahen las roha ni keluargatta?

Dipaboa Jahowa do songon dia perasaanna tu Anakna, i ma Jesus. Jaha Mateus 17:5, dung i bahas ma sukkun-sukkun on:

Tikki makkatai hamu tu keluargamuna, boha do carana patuduhon na ditiru hamu Jahowa?

Sahalak ina mamuji gambar na dibahen boruna. — Puji ma akka na denggan na dibahen halak na asing

ADONG DO NA MANDOK: “Dang parduli au songon dia perasaan ni halak. Pokokna hudok na di rohakkon.”

Molo adong na mandok songon i, setuju do hamu? Boasa didok hamu songon i?

KESIMPULAN

Manang aha pe na tahatahon, boi do i mambahen las roha ni halak manang mambahen haccit roha ni nasida. Alani i, ikkon tapikkirhon do aha na lao tadokkon, andigan hita lao mandokkon i, jala boha carana mandokkon i.