“Holi-Holi Naung Koring” dohot ‘Dua Saksi’—Aha do Kaitanna?

TAON 1919 saut ma dua surirang na saling berkaitan, na parjolo surirang taringot “holi-holi naung koring” jala na paduahon taringot ‘dua saksi’. Parnidaan taringot “holi-holi naung koring” i paboahon massai leleng do naposo ni Debata songon halak naung mate (masa ma i saleleng marratus taon). Jala dipaboa do muse songon dia Debata mambahen mulak mangolu massai godang akka naposona. (Hes. 37:2-4; Pgk. 11:1-3, 7-13) Surirang taringot ‘dua saksi’ paboahon dang sadia leleng mulak mangolu ma punguan na metmet sian naposo ni Debata (masa ma i sian ujung ni taon 1914 sahat tu mula ni 1919). Saut ma surirang na dua i taon 1919, tikki dibahen Jahowa “jongjong” naposona na dimiahi. Di tikki i dipalua Jahowa do nasida sian Babel na Balga, jala marsada mangulahon ibadat na sittong.​—Hes. 37:10.

Alai adong do beda ni surirang na dua i. Surirang taringot “holi-holi naung koring” i paboahon songon dia sude halak Kristen na dimiahi na adong di tano on dibahen mulak mangolu. Alai anggo surirang taringot ‘dua saksi’ paboahon songon dia piga-piga sian halak na dimiahi na adong di tano on dibahen mulak mangolu. Lapatanna, holan piga-piga do sian nasida na dipillit lao mamimpin organisasi ni Debata jala dilantik gabe “naposo haposan jala na marbisuk”.​—Mat. 24:45; Pgk. 11:6.a

1. DUKKON TAON 100 M

   Mulai abad na paduahon Masehi, songon na hona bunu ma sude halak Kristen na dimiahi, alani i ma gabe ‘gok holi-holi di rura i’

2. MULA NI TAON 1919

   1919: “Akka holi-holi naung koring” mulak mangolu muse tikki dipalua Jahowa sude halak Kristen na dimiahi sian Babel na Balga, jala marsada ma nasida mangulahon ibadat na sittong naung dipadenggan

1. UJUNG NI TAON 1914

   marbarita “mamakke abit goni”

   1914: ‘Dua saksi’ na marbarita “mamakke abit goni” saleleng tolu satonga taon. Di ujung ni tikki i, hira na dibunu ma nasida

2. songon naung mate

3. MULA NI TAON 1919

   1919: ‘Dua saksi’ mulak mangolu muse tikki dipillit piga-piga sian halak Kristen na dimiahi i lao mamimpin organisasi ni Jahowa, jala dilantik gabe “naposo haposan jala na marbisuk”