PELAJARAN 32

Nungnga Mamaretta Harajaon ni Debata!

Edisi Tercetak

Nungnga mamaretta Harajaon ni Debata di surgo mulai sian taon 1914. Mulai sian i, dimulai ma ari parpudi jala marujung nama pamarettaon ni jolma. Sian dia taboto? Taparrohahon ma akka hatorangan naung dipaboa Bibel hian, jala songon dia keadaan ni portibi on dohot pangalaho ni akka halak mulai sian taon 1914.

1. Aha do na taboto sian akka hatorangan naung dipaboa hian di Bibel?

Sian akka hatorangan na dipaboa di bukku Daniel, taboto ma nungnga mulai mamaretta Harajaon ni Debata di ujung ni “pitu masa”. (Daniel 4:16, 17, surat na di toru) Marratus taon dukkon i, didok Jesus sarupa do i tu “tikki naung ditottuhon tu akka bangso”, jala dang marujung dope i tikki di tano on Jesus. (Lukas 21:24) Alana di taon 1914 do marujung sipitu masa i. Tabahas ma i di pelajaran on.

2. Boha do keadaan ni portibi on dohot pangalaho ni akka halak mulai taon 1914?

Hea do disukkun akka sisean ni Jesus tu Jesus, “Aha do tanda ni harorom dohot tanda ni panutup ni jaman on?” (Mateus 24:3) Dipaboa Jesus ma akka peristiwa na terjadi dung gabe Raja ibana di surgo di Harajaon ni Debata. Termasuk ma i porang, kelaparan, dohot gempa bumi. (Jaha Mateus 24:7.) Dipaboa Bibel do tong songon dia pangalaho ni akka halak di “ari parpudi” na mambahen gabe lam susa keadaan. (2 Timoteus 3:1-5) Lam tarida ma sudena on mulai sian taon 1914.

3. Boasa gabe lam sursar portibi on dung mamaretta Harajaon ni Debata?

Dung gabe Raja Jesus di Harajaon ni Debata, marporang ma ibana mangalo Sibolis dohot akka suru-suruan na jahat. Alai talu do Sibolis. Dung i didok di Bibel, “Didabuhon ma [Sibolis] tu tano on . . . Dohot do akka suru-suruanna i didabuhon rap dohot ibana.” (Pangungkapon 12:9, 10, 12) Muruk hian do Sibolis, alana diboto ibana satokkin nai lao dipamate nama ibana. Jadi dibahen ibana ma godang hasusaan dohot masalah di portibi on. Alani i ma gabe lam sursar portibi on. Alai satokkin nai padengganon ni Harajaon ni Debata do portibi on.

ASA LAM TAATTUSI

Taida ma akka bukti na patuduhon nungnga mamaretta Harajaon ni Debata mulai sian taon 1914 jala aha do pengaruh ni i tu hita.

4. Perhitungan waktu na adong di Bibel mengarah tu taon 1914

Putar ma VIDEO.

VIDEO: Nungnga Mamaretta Harajaon ni Debata Mulai Taon 1914 (5:02)

Najolo dibahen Debata do marnipi Raja Nebukadnesar, raja ni Babel. Di nipi i, dipaboa Debata do aha na lao masa di ari na naeng ro. Boi do tajaha di Bibel taringot nipi i dohot lapatanna na dipaboa si Daniel. Nipi i paboahon taringot Harajaon ni si Nebukadnesar dohot Harajaon ni Debata.—Jaha Daniel 4:17.a

Jaha Daniel 4:20-26, dung i ida ma tabel berikut on asa boi dialusi hamu sukkun-sukkun na di toru on:

(A) Aha do na diida si Nebukadnesar di nipina?—Ida ayat 20, 21.
(B) Aha do na masa tu hau i?—Ida ayat 23.
(C) Aha do na terjadi di ujung ni “pitu masa” i?—Ida ayat 26.

Hubungan ni Hau na di Nipi i tu Harajaon ni Debata

NIPI (Daniel 4:20-36)

Pamarettaon

(A) Hau na massai balga jala timbo

Dang mamaretta

(B) “Taba ma hau i” jala pasombu ma i saleleng pitu masa

Pakkal ni sada hau na diikkat mamakke bosi dohot tombaga.

Mamaretta muse

(C) “Na lao gabe raja do ho muse”

Penggenapan nipi i na parjolo . . .

(D) Manggombarhon ise do hau i?—Ida ayat 22.
(E) Nandigan do sanga ibana dang mamaretta?—Jaha Daniel 4:29-33.
(F) Aha do na masa tu si Nebukadnesar di ujung ni pitu masa i?—Jaha Daniel 4:34-36.

PENGGENAPAN NA PARJOLO

Pamarettaon

(D) Si Nebukadnesar, raja ni Babel

Dang mamaretta

(E) Dung taon 606 SM, gabe rittik ma si Nebukadnesar jala dang boi be ibana mamaretta saleleng pitu taon

Nebukadnesar hundul jala mangallang ramba-ramba songon binatang.

Mamaretta muse

(F) Waras ma muse si Nebukadnesar jala mamaretta ma muse ibana

Raja Nebukadnesar jongjong mamuji Jahowa.

Penggenapan nipi i na paduahon . . .

(G) Manggombarhon ise do hau i?—Jaha 1 Kronika 29:23.
(H) Mulai nandigan do dang adong be raja na mamaretta di Israel? Sian dia do taboto, tong do dang adong dope raja di Israel tikki di tano on Jesus?—Jaha Lukas 21:24.
(I) Didia jala andigan do Harajaon i mamaretta muse?

PENGGENAPAN NA PADUAHON

Pamarettaon

(G) Akka raja na mamaretta di Israel na mewakili pamarettaon ni Debata

Urutan ni akka raja ni Israel na hundul di tahta ni nasida. Di pudi ni nasida adong raja na asing. Adong cahaya na bersinar tu nasida.

Dang mamaretta

(H) Dihancurhon ma Jerusalem jala dang adong be raja di Israel saleleng 2.520 taon

Api na manutung Jerusalem taon 607 SM. Dung i, salpu ma 2.520 taon.

Mamaretta muse

(I) Mamaretta ma Jesus di surgo gabe Raja ni Harajaon ni Debata

Jesus mamaretta tu tano on sian tahtana di surgo taon 1914 M. Adong cahaya na bersinar sian ibana.

Sadia leleng do pitu masa i?

Pitu masa na dipaboa di bukku Daniel lelengna 2.520 taon. Sian dia taboto? Boi do taboto on, alana piga-piga bagian na adong di Bibel boi do mangurupi hita mangattusi bagian na asing na adong di Bibel. Contohna di bukku Pangungkapon didok do tolu satonga masa i lelengna 1.260 ari. (Pangungkapon 12:6, 14) Jadi molo pitu masa berarti 2 x 1.260 ari i ma 2.520 ari. Sipata di Bibel didok do sadari dos songon sataon. (Hesekiel 4:6) Jadi 2.520 ari sarupa ma i tu 2.520 taon.

5. Lam sursar do portibi on mulai taon 1914

Putar ma VIDEO.

VIDEO: Lam Sursar do Keadaan ni Portibi on Mulai Taon 1914 (1:10)

Nungnga dipaboa Jesus hian songon dia keadaan ni portibi on molo dung gabe Raja ibana. Jaha Lukas 21:9-11, dung i bahas ma sukkun-sukkun on:

Sian na dipaboa di ayat on, na dia ma naung terjadi diida hamu?

Dipaboa Apostel Paulus do tong songon dia sifat ni akka halak saleleng ari parpudi. Jaha 2 Timoteus 3:1-5, dung i bahas ma sukkun-sukkun on:

Toho do songon na didok ayat on pangalaho ni godang halak na diida hamu saonari?

Gambar: Gambar na patuduhon keadaan ni portibi on saleleng ari parpudi. 1. Sahalak komandan militer na jongjong di podium mangalean semangat tu akka tentara na naeng marporang. 2. Akka bangunan naung maruppak alani gempa bumi. 3. Akka pesawat militer. 4. Akka halak na mardalan mamakke masker. 5. Menara Kembar di New York tartutung dibahen teroris. 6. Sahalak bawa na marnarkoba. 7. Sahalak suami na berteriak mamukkuli istrina. 8. Marmaccam jenis ni narkoba dohot minuman beralkohol. 9. Dua borua na marpoto mamakke pakkean model terbaru dohot perhiasan. 10. Sahalak DJ mamimpin konser musik na balga. 11. Sahalak bawa na demo manappatton bom molotov.

6. Aha ma na ikkon taulahon ala nungnga mamaretta Harajaon ni Debata?

Jaha Mateus 24:3, 14, dung i bahas ma sukkun-sukkun on:

Aha do ulaon na paling penting na patuduhon nungnga mamaretta Harajaon ni Debata?
Boha do carana asa boi dohot hamu mangulahon i?

Nungnga mamaretta Harajaon ni Debata jala satokkin nai mamaretta nama i di tano on. Jaha Heber 10:24, 25, dung i bahas ma sukkun-sukkun on:

Ala “nungnga lam jonok ari i”, aha ma na ikkon taulahon?

Gambar: 1. Sahalak parsiajar Bibel ro marpungu. 2. Marbarita do tong ibana tu halak na ditanda ibana. — Molo diboto hamu adong na boi paluahon ngolu ni halak, aha ma na diulahon hamu?

ADONG DO NA MANDOK: “Boasa ma didokkon Saksi Jahowa taon 1914 Harajaon ni Debata mamaretta?”

Molo adong na mandok songon i, boha do alusmuna?

KESIMPULAN

Boi do taida bukti naung mamaretta Harajaon ni Debata sian akka hatorangan naung dipaboa Bibel hian, sian perhitungan waktu na adong di Bibel, dohot sian keadaan ni portibi on. Jadi tapaboa ma taringot Harajaon i jala taratur ma hita marpungu.