PELAJARAN 36
Jujur ma Manang Sadihari pe
Sude do hita lomo rohana mardongan tu halak na jujur. Jahowa pe songon i do. Lomo do rohana mardongan tu halak na jujur. Memang dang sai mura mangulahon i. Alana godang do halak di portibi on na so jujur. Alai aha ma manfaatna molo jujur hita manang sadihari pe?
1. Boasa ikkon jujur hita?
Molo jujur hita tu na asing, on patuduhon na tahaholongi do Jahowa jala taargai Ibana. Ingot ma, diboto Jahowa do sude na tapikkirhon dohot na taulahon. (Heber 4:13) Molo jujur hita, diida Ibana do i jala las do rohana mangida hita. Ai didok do di Bibel, “Sogo do roha ni Jahowa tu pangoto-otoi, alai marale-ale do Ibana tu halak na tigor marroha.”—Poda 3:32.
2. Boha do carana patuduhon na jujur hita?
Lomo do roha ni Jahowa asa ‘tahatahon na sittong tu donganta’. (Sakaria 8:16, 17) Aha do lapatanna? Lapatanna, dang margabus hita manang talehon informasi na so sittong tu keluargatta, dongan sakarejo, akka dongan sahaporseaon, manang tu petugas pamaretta. Dang olo hita manakko manang mangoto-otoi nasida. (Jaha Poda 24:28 dohot Epesus 4:28.) Jala olo do hita membayar pajak naung ditottuhon. (Rom 13:5-7) Molo taulahon i, on patuduhon na ‘jujur do hita di saluhutna’.—Heber 13:18.
3. Aha ma manfaatna molo jujur hita?
Molo ditanda hita halak na jujur, gabe porsea ma halak tu hita. Gabe pos ma roha ni akka dongan tu hita, ala songon keluarga do hita di nasida. Gabe las ma rohatta ala dang terganggu hati nuranitta. Jala boi do i “parohon pujian tu akka na diajarhon Debata Sipalua hita”. Alana boi do gabe tertarik akka halak naeng mananda Jahowa ala jujur hita.—Titus 2:10.
ASA LAM TAATTUSI
Taida ma aha do pengaruhna tu Jahowa dohot tu diritta molo jujur hita, jala boha carana asa boi hita jujur manang sadihari pe.
4. Las do roha ni Jahowa molo jujur hita
Jaha Psalmen 44:21 dohot Maleaki 3:16, dung i bahas ma sukkun-sukkun on:
Menurut hamu, boasa sala molo tarippu dang adong na mamboto hita margabus?
Molo toktong hita jujur nang pe sipata maol mangulahon i, menurut hamu boha do perasaan ni Jahowa?
Pasti las do roha ni natua-tua molo jujur gellengna. Pasti las ma tong roha ni Jahowa molo jujur hita
5. Jujur ma manang sadihari pe
Godang do na mandok, dang porlu pajujurhu hita saonari. Alai taida ma boasa ikkon jujur hita manang sadihari pe. Putar ma VIDEO.
Jaha Heber 13:18, dung i bahas ma boha do carana patuduhon na jujur hita . . .
tu keluargatta.
di tempat kerja manang di sikkola.
di situasi na asing.
6. Torus ma hita jujur
Di mulana, olo do ra gabe adong masalah ala jujur hita. Alai molo torus hita jujur, pasti godang do manfaatna. Jaha Psalmen 34:12-16, dung i bahas ma sukkun-sukkun on:
Aha do manfaatna molo jujur hita?
Gabe lam kompak ma suami dohot istri
Gabe porsea ma bos tu parkarejona
Gabe ditanda petugas pamaretta ma hita warga negara na jujur
ADONG DO NA MANDOK: “Dang pola boha molo margabus sahali-sahali.”
Menurut hamu, boasa dang lomo roha ni Jahowa molo margabus hita nang pe holan sahali-sahali?
KESIMPULAN
Lomo do roha ni Jahowa asa jujur akka donganna di sude na dihatahon dohot na diulahon nasida.
Tinjauan
Boha do carana patuduhon na jujur hita?
Boasa sala molo tarippu dang adong na mamboto hita margabus?
Boasa olo hamu berusaha jujur manang sadihari pe?
LULUI MA
Boha do cara ni natua-tua mangajari gellengna asa gabe halak na jujur?
Aha do manfaatna molo tatepati janjitta?
Boasa ikkon tetap tabayar pajak, nang pe sipata dipakke i tu na so denggan?
“Ikkon Dibayar Hamu do Pajak?” (Joujou Paboahon, 1 September 2011)
Aha do na mambahen sahalak bawa na so jujur olo muba?
“Marsiajar do Ahu Molo Jahowa Burju Jala Panesa Dosa” (Joujou Paboahon, 1 Mei 2015)