4. Unang be ulahon kebiasaan na so denggan

Molo marisap do hamu manang marnarkoba, olo do ra maol dihilala hamu pasohon i. Attong, boha do carana asa boi dipaso hamu i? Jaha Mateus 22:37-39, dung i bahas ma aha do akibat ni marisap manang marnarkoba tu . . .

• hubungan ni sasahalak tu Jahowa.

• keluargana dohot halak na asing.

Bertekad ma hamu lao pasohon kebiasaan na so denggan.b Putar ma VIDEO.

VIDEO: Mangarajai Diri (2:47)

Jaha Pilippi 4:13, dung i bahas ma sukkun-sukkun on:

• Aha do manfaatna molo torus sasahalak ringgas martangiang, marsiajar Bibel, dohot marpungu?

5. Berjuang ma pasohon kebiasaan dohot pikkiran na so suman

Jaha Kolosse 3:5, dung i bahas ma sukkun-sukkun on:

• Sian dia taboto dang lomo roha ni Jahowa tu pornografi, sexting,c dohot masturbasi?

• Setuju do hamu dipangido Jahowa asa ias pikkiranta dohot pangalahotta? Boasa didok hamu songon i?

Boha do carana asa boi dibolokkon hamu pikkiran na so suman? Putar ma VIDEO.

VIDEO: Bahen ma Tindakan na Tegas Asa Toktong Ias (1:51)

Dipaboa Jesus do sada perumpamaan na patuduhon ikkon tabahen do tindakan na tegas asa tetap ias pikkiranta. Jaha Mateus 5:29, 30, dung i bahas ma sukkun-sukkun on:

• Di ayat on dang didok Jesus asa tacelakai diritta. Alai maksudna ikkon tabahen do tindakan na tegas lao manjaga pikkiranta. Aha do tindakan na tegas na ikkon dibahen sasahalak asa tetap ias pikkiranna?d

Molo lagi berjuang do hamu mambolokkon pikkiran na so suman, pasti diargai Jahowa do usahamuna i. Jaha Psalmen 103:13, 14, dung i bahas ma sukkun-sukkun on:

• Molo lagi berjuang do hamu pasohon kebiasaan na so denggan, aha ma manfaatna molo diingot hamu ayat on?

Unang ma menyerah!

Tikki diulahon hamu muse kebiasaanmuna na so denggan, olo do ra didok rohamuna, ‘Nga sae be i! Nga gagal be au!’ Alai pikkirhon ma on: Olo do ra sahalak pelari tartuktuk jala madabu tikki marlojong. Alai boi do ibana jongjong muse jala marlojong. Dos songon i ma, molo diulahon hamu muse kebiasaan na so denggan, dang na berarti nungnga gagal be hamu. Manang dang marguna usahamuna saleleng on. Tikki berjuang sasahalak pasohon kebiasaanna na so denggan, olo do memang kambuh muse kebiasaan i. Alai unang ma menyerah hamu! Pangido ma tu Jahowa asa diurupi hamu pasohon kebiasaan i.

6. Mengatasi kecanduan minuman beralkohol

VIDEO: Magigi do Ahu Mangida Diringku (6:32)

• Di video i, gabe boha do si Dmitry molo nga minum ibana?

• Mura do di ibana pasohon i?

• Boasa sappe boi ibana pasohon kecanduanna i?

Jaha 1 Korint 6:10, 11, dung i bahas ma sukkun-sukkun on:

• Boha do pandangan ni Bibel taringot minum minuman beralkohol sappe mabuk?

• Aha do buktina boi do muba halak na kecanduan minuman beralkohol?

Jaha Mateus 5:30, dung i bahas ma sukkun-sukkun on:

• Tikki didok Jesus taringot mamonggolhon tangan, sarupa do on lapatanna ikkon mambahen pengorbanan lao palashon roha ni Jahowa. Aha ma na boi diulahon hamu molo maol dihilala hamu pasohon kecanduan minuman beralkohol?a

Jaha 1 Korint 15:33, dung i bahas ma sukkun-sukkun on:

• Aha do pengaruhna molo kompak hamu tu parmabuk?