2. Aha do pasu-pasu na lao lehonon ni Jahowa molo tardidi hamu?

Molo nga tardidi hamu, gabe bagian sian keluarga ni Jahowa ma hamu jala Jahowa ma na gabe Bapakmuna. Boi ma dihilala hamu holong ni Jahowa na massai balga. Jala lam jonok ma hubunganmuna tu Ibana, dibandingkon sebelum tardidi hamu. (Jaha Maleaki 3:16-18.) Asing ni i, dapotmuna ma keluarga na baru i ma akka dongan di liat portibi on, na makkaholongi Jahowa jala na tong makkaholongi hamu. (Jaha Markus 10:29, 30.) Alai, adong do na ikkon diulahon hamu asa boi tardidi. Porlu do hamu marsiajar taringot Jahowa, ikkon holong do rohamuna tu Ibana, jala ikkon porsea do hamu tu Anakna. Dung i boi ma dilehon hamu ngolumuna tu Jahowa jala tardidi. Molo diulahon hamu i, adong ma kesempatanmuna lao mangolu saleleng ni lelengna. Bibel mandok, ‘Pandidion i do na paluahon hamu nuaeng.’—1 Petrus 3:21.

Takkas do dipaboa Jesus, olo do ra dang lomo roha ni keluargatta molo tapillit manomba Jahowa. Jaha Mateus 10:34-36, dung i bahas ma sukkun-sukkun on:

• Aha ma na boi terjadi molo adong halak na mamillit naeng manomba Jahowa?

VIDEO: Dijangkon Jahowa do Hami (5:13)

• Molo diorai keluarga manang donganmuna hamu manomba Jahowa, aha ma na diulahon hamu?

Jaha Psalmen 27:10 dohot Markus 10:29, 30. Dung dijaha hamu setiap ayat, bahas ma sukkun-sukkun on:

• Molo ditentang keluarga manang donganmuna hamu, aha do manfaatna molo diingot hamu janji na dipaboa di ayat on?