Alai ditangkup jala dipamate angka pangula i do hatoban na disuru mandapothon nasida. Didok Jesus ma, “Ujungna, disuru nampunasa porlak anggur i ma anak haholonganna manjumpangi angka pangula i, ai ninna rohana do, ‘Habiaran ni nasida do anakki.’ Alai didok angka pangula i ma sama nasida, ‘On do anakna i. Beta tapamate ma ibana asa di hita parbagiananna i.’ Dung i, ditangkup nasida ma ibana, dipamate.”—Markus 12:6-8.

Gabe diantusi siboto surat dohot angka malim kepala ma “nasida na nidok ni Jesus di tudosan i”. (Lukas 20:19) Naeng dipamate nasida ma Jesus, anak ni nampuna porlak anggur i. Alai mabiar do nasida tu godang halak. Ai panurirang do Jesus didok roha ni nasida.