PELAJARAN 45
Aha do Maksudna Ikkon Netral Hita?
Diajarhon Jesus do tu akka halak na mangihutton ibana “dang sian portibi on” nasida. (Johannes 15:19) Aha do lapatanna? Lapatanna ikkon toktong do hita netral. Dang terlibat hita tu politik jala dang dohot hita marporang. Alai sipata dang mura mangulahon i. Olo do gabe direhei halak hita alani i. Attong boha do carana asa boi hita toktong netral jala setia tu Jahowa?
1. Boha do pandangan ni halak Kristen tu pamaretta?
Dihormati halak Kristen do pamaretta. Taulahon do hata ni Jesus na mandok, “Lehon ma tu Kesar appuna ni Kesar.” (Markus 12:17) Lapatanna, taoloi do peraturan na adong di inganatta. Contohna membayar pajak. Alai didok Bibel, taoloi pe nasida ala na diloas Jahowa dope nasida mamaretta. (Rom 13:1) Jadi terbatas do huaso ni pamarettaon ni jolma. Pos do rohatta, holan Debata dohot Harajaonna do na boi mambahen dang adong be masalah di portibi on.
2. Boha do carana patuduhon na netral hita?
Tatiru ma Jesus na so olo terlibat tu politik. Tikki diida akka halak ibana mambahen mukjizat jala berusaha nasida naeng mambahen ibana gabe raja, dang olo ibana. (Johannes 6:15) Boasa songon i? Alana didok Jesus, “Dang sian portibi on Harajaokku.” (Johannes 18:36) Alani i, ikkon tetap do hita netral di sude situasi. Contohna dang olo hita dohot marporang. (Jaha Mika 4:3.) Nang pe taargai lambang negara songon bendera, alai dang olo hita hormat bendera. Alana sarupa do i songon na manomba i. (1 Johannes 5:21) Dang olo hita berpihak tu partai politik manang tu akka halak na dipillit nasida. Jala dang olo hita mangalo nasida manang paroa-roahon nasida. Molo taulahon i, on patuduhon na setia do hita tu Harajaon ni Debata.
ASA LAM TAATTUSI
Taida ma piga-piga situasi na mambahen hita maol tetap netral. Jala boha do carana asa boi hita mambahen keputusan na palashon roha ni Jahowa.
3. Tetap do netral halak Kristen na sittong
Dibahen Jesus dohot akka halak na mangihutton ibana do sitiruon tu hita. Jaha Rom 13:1, 5-7 dohot 1 Petrus 2:13, 14. Dung i, putar ma VIDEO jala bahas ma sukkun-sukkun on:
Boasa ikkon tahormati pamaretta?
Boha do carana patuduhon na unduk hita tu nasida?
Tikki terjadi porang, adong piga-piga negara na mandok nasida netral. Hape diurupi nasida do negara na marporang i. Jadi boha do sebenarna na nidokna netral? Jaha Johannes 17:16. Dung i, putar ma VIDEO jala bahas ma sukkun-sukkun on:
Aha do maksudna ikkon netral hita?
Boha molo disuru pamaretta hita mangulahon ulaon na maralo tu patik ni Debata? Jaha Ulaon ni Apostel 5:28, 29. Dung i, putar ma VIDEO jala bahas ma sukkun-sukkun on:
Molo maralo paretta ni jolma tu patik ni Debata, na dia do na taihutton?
Di situasi na songon dia do halak Kristen dang ikkon mangoloi pamaretta?
4. Tetap ma netral pikkiranmuna dohot tindakanmuna
Jaha 1 Johannes 5:21. Dung i, putar ma VIDEO jala bahas ma sukkun-sukkun on:
Di video i, boasa dang olo si Ayenge terlibat tu organisasi politik manang dohot tu kegiatan nasionalisme songon menghormat bendera?
Menurut hamu, denggan do keputusanna i?
Di situasi na songon dia do sipata maol tetap netral? Putar ma VIDEO, dung i bahas ma sukkun-sukkun on:
Boha do carana tetap netral tikki adong pertandingan olahraga antar negara?
Boha do carana tetap netral molo gabe maruttung manang gabe rugi hamu dibahen pamaretta?
Aha do akibatna molo sering hita manonton berita taringot politik manang mardongan tu halak na sering makkatai taringot politik?
Di situasi na songon dia do porlu tetap netral pikkiran dohot tindakan ni halak Kristen?
ADONG DO NA MANDOK: “Boasa dang olo ho menghormat bendera manang mangendehon lagu kebangsaan?”
Molo adong na mandok songon i, boha do alusmuna?
KESIMPULAN
Ikkon berusaha do halak Kristen asa tetap netral pikkiran, pakkataion, dohot tindakan ni nasida.
Tinjauan
Boha do carana patuduhon na unduk hita tu pamaretta?
Boasa dang olo hita terlibat tu politik?
Di situasi na songon dia do sipata maol tetap netral?
LULUI MA
Pengorbanan aha do na sipata ikkon tabahen asa tetap netral?
Boha do cara ni akka keluarga mempersiappon dirina asa boi tetap netral?
Boasa boi didok dang sada hasangapon membela negara?
Boha do carana asa boi hita tetap netral tikki mambahen keputusan taringot parkarejoan?
“Ganup do Hita Ikkon Mampartanggung Jawabhon Parniulaotta” (Joujou Paboahon, 15 Maret 2006)