PELAJARAN 10

Aha do Gunana Molo Ro Hamu tu Acara Ibadah ni Saksi Jahowa?

Edisi Tercetak

Hea do hamu diundang tu acara ibadah ni Saksi Jahowa na digoari parpunguan? Molo dang hea dope, taroktokon do ra hamu tikki parjolo sahali ro tusi. Sukkun-sukkun do ra rohamuna, ‘Boha do annon acarana disi? Boasa penting acara on? Boasa ikkon ro au?’ Di pelajaran on taida ma, boi do lam jonok hubungatta tu Debata molo ro hita tu parpunguan. Jala taida ma aha do guna ni acara parpunguan i tu hamu.

1. Boasa ikkon rap marpungu Saksi Jahowa?

Dipaboa panurat psalmen do boha perasaanna tikki marpungu rap dohot na asing. Didok ibana, “Pujiokku ma Ho di tonga-tonga ni bangsom na bolon i ale Jahowa.” (Psalmen 26:12) Dos songon i ma, las do roha ni Saksi Jahowa rap marpungu dohot na asing. Di bagasan saminggu, marpungu do nasida lao mamuji Debata, marende, jala martangiang. Jala di bagasan sataon, dibahen nasida do piga-piga hali acara parpunguan na umbalga.

2. Aha do na lao diparsiajari hamu di parpunguannami?

Di parpunguan, Hata ni Debata do na diparsiajari hami. “Takkas do i dipatorang jala dipaboa lapatanna.” (Jaha Nehemia 8:8.) Jadi molo ro hamu marpungu, boi ma diparsiajari hamu taringot Jahowa dohot akka sifatna. Lam godang diboto hamu taringot Jahowa dohot holongna, lam jonok ma hubunganmuna tu Ibana. Jala boi ma diparsiajari hamu songon dia Jahowa mangurupi asa lam denggan ngolumuna.—Jesaya 48:17, 18.

3. Aha do gunana molo rap marpungu hamu dohot akka dongan?

Adong do piga-piga alasan boasa lomo roha ni Jahowa asa taratur hita marpungu. Didok Ibana do, “Taparrohahon ma akka donganta, asa boi hita manjujui na asing lao patuduhon holong ni roha dohot mangulahon na denggan. Unang ma tatinggalhon parpunguanta.” (Heber 10:24, 25) Di parpunguannami, boi ma hamu pajuppang dohot akka halak na masihaholongan jala na lomo rohana marsiajar taringot Debata. Begeonmuna ma nasida paboahon akka hata na patoguhon roha sian Bibel. (Jaha Rom 1:11, 12.) Jala boi do hamu marsitandaan dohot akka dongan naung berkeluarga manang na lajang, na toktong marlas ni roha nang pe adong masalah ni nasida.

ASA LAM TAATTUSI

Taparsiajari ma boha do acara parpunguan ni Saksi Jahowa jala boasa dang sia-sia molo ro hamu marpungu.

4. Parpunguan ni Saksi Jahowa

Di abad na parjolo, taratur do halak Kristen rap marpungu lao manomba Jahowa. (Rom 16:3-5) Jaha Kolosse 3:16, dung i bahas ma sukkun-sukkun on:

Boha do acara parpunguan ni halak Kristen di abad na parjolo?

Saonari pe, taratur do Saksi Jahowa rap marpungu. Asa diboto hamu songon dia acara parpunguan ni nasida, putar ma VIDEO. Ida hamu ma gambar acara parpunguan na di ginjang, dung i bahas ma sukkun-sukkun on:

VIDEO: Aha do na Dipatupa di Bale Harajaon? (2:12)

Aha do na sarupa na diida hamu sian acara parpunguan di video i tu na dijaha hamu di Kolosse 3:16?
Sian video i manang sian gambar na di ginjang, aha ma na menarik di hamu?

Jaha 2 Korint 9:7, dung i bahas ma sukkun-sukkun on:

Boasa dang adong kolekte di acara parpunguan ni Saksi Jahowa?

Bahas ma rap dohot halak na mangurupi hamu marsiajar Bibel, akka aha do na lao diparsiajari di parpunguan di minggu on.

Dia ma sian acara parpunguan i na menarik manang na marguna di hamu?

Diboto hamu do?

Boi do diida hamu di jw.org, didia jala andigan dibahen acara parpunguan di liat portibi on.

Gambar: Suasana di Bale Harajaon sebelum marpungu, saleleng marpungu, jala dukkon sae marpungu. Diulangi do akka gambar on mulai sian gambar A sahat tu gambar D.

A. Sahalak bawa marjamita di parpunguan.

Di parpunguannami adong do jamita, pertunjukan, dohot akka video na diputarhon. Jolo martangiang jala marende do hami sebelum marpungu. Songon i do tong dung sae marpungu
Di piga-piga bagian, boi do akka na ro mangalehon komentar
Ise pe boi do ro—bawa, borua, na matua, dohot akka na poso
Gratis do ro tu parpunguannami. Dang adong dibahen Saksi Jahowa iuran manang kolekte

5. Porlu do tausahahon asa ro marpungu

Ganup taon, ikkon lao do Jesus dohot keluargana tu Jerusalem lao mangarayahon perayaan. Ikkon mardalan pat do nasida hira-hira 100 km sian Nasaret tu Jerusalem. Jala mardolok-dolok do inganan na didalani nasida. Jaha Lukas 2:39-42, dung i bahas ma sukkun-sukkun on:

Menurut hamu, mura do pardalanan tu Jerusalem?
Aha do tantanganna di hamu asa boi ro marpungu?
Menurut hamu, boasa porlu diusahahon hamu asa boi marpungu?

Gambar: Diparade si Josep, si Maria, Jesus, dohot adek ni Jesus do akka na porlu sebelum borhat nasida. 1. Dibahen si Josep ma akka barang tu ginjang ni halode. Jala dibukkus si Maria ma sipanganon. 2. Peta na patuduhon pardalanan mulai sian Nasaret sahat tu Jerusalem.

Didok Bibel porlu do hita rap marpungu lao manomba Jahowa. Jaha Heber 10:24, 25, dung i bahas ma sukkun-sukkun on:

Boasa ikkon taratur hita ro marpungu?

ADONG DO NA MANDOK: “Dang pola ikkon marpungu iba rap dohot na asing. Nga sae be holan na manjaha Bibel di jabu.”

Ayat manang contoh na dia do na adong di Bibel na patuduhon lomo do roha ni Jahowa rap marpungu hita dohot na asing?

KESIMPULAN

Molo ro hamu marpungu, lam godang ma na diparsiajari hamu taringot Jahowa, lam jonok ma hubunganmuna tu Ibana, jala boi ma hamu manomba Ibana rap dohot na asing.