SUKKUN-SUKKUN 6
Aha do na dipaboa Bibel taringot Messias?
JANJI NI DEBATA
“Ale Betlehem Eprata, . . . sian ho do ro halak na lao gabe pamimpin ni halak Israel.”
SADIHARI MASA
“Tubu ma Jesus di Betlehem na di Judea. Di tikki i, Raja Herodes do na mamaretta disi. Dung i, ro ma akka datu na sian Timur tu Jerusalem.”
JANJI NI DEBATA
“Dibagi-bagi nasida do abit luarhu, jala dibahen nasida do undi lao mambuat i.”
SADIHARI MASA
“Dung dipakkuhon akka tentara i Jesus tu hau, dibuat nasida ma abit luarna. Dibagi opat ma abitna i . . . Alai dang dijait abitna i, ai ditonun do i mulai sian ginjang sahat tu toru. Dung i didok tentara i ma tu donganna, ‘Unang ma taribaki abit on. Tabahen ma undi lao manottuhon manang di ise abit on.’”
JANJI NI DEBATA
“Jagaon ni Debata do sude holi-holina, dang maponggol nanggo sada pe.”
SADIHARI MASA
“Dung sahat nasida tu Jesus, diida nasida ma nungnga mate ibana, gabe dang diponggol nasida be patna.”
JANJI NI DEBATA
“Ditusuk do ibana alani salanami.”
SADIHARI MASA
“Ditullangkon sahalak sian akka tentara i ma tombakna tu rusuk ni Jesus, pittor kaluar ma mudar dohot aek.”
JANJI NI DEBATA
“Dilehon nasida ma upakku 30 logam perak.”
SADIHARI MASA
“Dung i, lao ma si Judas Iskariot sahalak sian apostel na 12 i mandapotton akka malim kepala. Ninna ma, ‘Molo hupasahat Jesus tu hamu, aha ma lehononmuna tu au?’ Marjanji ma nasida lao mangalehon 30 logam perak tu ibana.”