• ‘Toktong Marlas ni Roha jala Digohi Tondi Parbadia’
    Torus ma Baritahon Harajaon ni Debata

    • 6, 7. (a) Ise do si Sergius Paulus, jala boasa diabbati si Bar Jesus ibana mambege barita na uli? (b) Aha do na didok si Saulus tu si Bar Jesus?

      6 Di abad na parjolo godangan halak di Siprus mangulahon ibadat na so sittong. Tikki sahat si Barnabas dohot si Saulus di Papos, di sabola barat ni pulo i, pajuppang ma nasida dohot si Bar Jesus. “Ibana sahalak datu jala panurirang na makkatahon na so tutu.” Dilehon do tu ibana gelar Elimas, na artina “Datu”. Jala “karejo do ibana tu gubernur Sergius Paulus na massai pistar”.f Di abad na parjolo, godang do halak Rom na malo songon si Sergius Paulus mangido petunjuk tu datu manang tu tukkang sihir, molo naeng mambahen keputusan penting. Nang pe songon i, ‘lomo do roha ni si Sergius Paulus mambege hata ni Debata’ jala sungguh-sungguh do ibana manangihon. Alai dang lomo roha ni si Bar Jesus.—Ul. 13:6-8.