“Nungnga Sada Rohanami”

1, 2. (a) Sukkun-sukkun aha do na porlu dipikkirhon punguan na mangaradoti organisasi i sebelum mambahen keputusan? (b) Aha do na dipertimbangkon nasida asa boi mambahen keputusan na sittong?

TEGANG do sude apostel dohot sintua na adong di ruangan na di Jerusalem i. Alana ikkon bahenon ni nasida do keputusan na penting taringot sunat. Ikkon dipikkirhon nasida do, torus do halak Kristen mangihutton Patik ni si Musa? Tetap dope adong perbedaan ni halak Kristen Jahudi dohot na so Jahudi?

² Godang do bukti na dipertimbangkon punguan na mangaradoti organisasi. Dipikkirhon do surirang na di Bibel dohot peristiwa langsung na boi paposson roha ni nasida jala na mambuktihon dipasu-pasu Jahowa ulaon i. Sude do nasida paboahon pandapotna, jala nungnga godang bukti na patuduhon ditogu-togu tondi parbadia do nasida. Alai olo do punguan na mangaradoti organisasi mangihutton petunjuk i?

 3. Aha do na taboto sian Ulaon ni Apostel bindu 15?

³ Porlu do haporseaon dohot habaranion di nasida asa boi diihutton petunjuk ni tondi parbadia i. Alana boi do gabe lam muruk pamimpin agama Jahudi tu halak Kristen alani keputusan i. Asing ni i, adong do muse akka halak di huria na torus mamaksa naposo ni Debata mangihutton Patik ni si Musa. Jadi aha ma na diulahon punguan na mangaradoti organisasi? Di Ulaon ni Apostel bindu 15, dipaboa do songon dia nasida mambahen sada keputusan na sittong. Jala songon dia i gabe pola tu Punguan na Mangaradoti Organisasi saonari tikki mambahen keputusan tu halak Kristen.

4, 5. Hata ni ise do na dikutip si Jakobus?

⁴ Makkatai ma si Jakobus, anggi ni Jesus.a Mungkin ibana do na mamimpin rapat i. Dipaboa ibana ma hasil kesepakatan ni punguan na mangaradoti organisasi. Di jolo ni akka bawa i didok si Jakobus ma, “Nungnga takkas dipaboa si Simeon, naung diparrohahon Debata bangso na asing. Dipillit Debata do deba sian nasida gabe bangso na pasangappon goarna. Jala sesuai do on tu na Sinurat ni Akka Panurirang.”—Ul. 15:14, 15.

⁵ Diingot si Jakobus ma akka ayat na asing tikki dibege ibana hata ni si Simeon manang si Simon Petrus, dohot bukti na dipaboa si Barnabas dohot si Paulus i. Ayat on ma na mambahen gabe lam takkas pembahasan i. (Joh. 14:26) Dung didokkon ibana “sesuai do on tu na Sinurat ni Akka Panurirang”, dikutip si Jakobus do isi ni Amos 9:11, 12. Bukku on bagian ni Akka Bukku Heber, na biasa digoari “na Sinurat ni Akka Panurirang”. (Mat. 22:40; Ul. 15:16-18) Memang tikki tajaha hata na dikutip si Jakobus, berbeda do i saotik sian na di bukku Amos. Alana si Jakobus mengutip sian Septuaginta, i ma Akka Bukku Heber na diterjemahon tu bahasa Junani.

 6. Songon dia do surirang ni si Amos mambahen lam takkas pembahasan ni nasida?

⁶ Nungnga dipaboa Jahowa marhite Panurirang Amos, na lao dipajongjong muse “kemah ni si Daud”, i ma pinoppar ni raja na lao gabe Raja ni Harajaon Mesianik. (Hes. 21:26, 27) Attong, na lao bahenon ni Jahowa do muse bangso Israel i gabe bangso na pinillitna? Daong. Alana dipaboa do di surirang i, na lao dipapungu do “akka halak na sian sude bangso” lao pasangappon goar ni Debata. Jala taingot ma, baru dope didok si Petrus tu nasida, “Dang dibeda-bedahon Debata hita [halak Kristen Jahudi] dohot nasida [halak Kristen na so Jahudi]. Alai dipabadia Debata do roha ni nasida alani haporseaon ni nasida.” (Ul. 15:9) Jadi sarupa do di jolo ni Debata halak Jahudi dohot na so Jahudi. Boi do nasida dohot mamaretta di Harajaon i. (Rom 8:17; Eps. 2:17-19) Jala dang adong dipaboa di surirang i, na ikkon jolo disunat manang gabe proselit halak Kristen na so Jahudi i.

7, 8. (a) Aha do na didokkon si Jakobus muse? (b) Boasa didokkon si Jakobus “ninna rohakku” di hatana i?

⁷ Dung dipaboa taringot surirang na di Bibel dohot bukti na dipaboa akka apostel, didok si Jakobus ma muse, “Alani i ninna rohakku, dang bahenon be susa akka halak na sian bangso na asing na ro manomba Debata. Alai, tabahen ma surat asa dipadao nasida diri ni nasida sian na ramun na dibahen akka patung, sian seks na so patut, sian binatang na mate na so jolo diseat, dohot sian mudar. Sian najolo, nungnga adong akka bukku ni si Musa na marisi akka paretta on di akka kota. Ai ganup ari Sabat do i dijahahon di akka sinagoga.”—Ul. 15:19-21.

⁸ Boasa didokkon si Jakobus “ninna rohakku”? Na gabe lomo-lomona do mambahen keputusan ala ibana na mamimpin rapat i? Daong. Hata Junani na diterjemahon gabe “ninna rohakku”, boi do lapatanna “molo menurut penilaianku” manang “menurut pandapottu”. Jadi dang na lomo-lomo ni si Jakobus lao mambahen keputusan. Ibana holan naeng paboahon pandapotna do taringot aha na ikkon diulahon. Menurut ibana, porlu do nasida mamikkirhon akka bukti naung dipaboa dohot na Sinurat ni Akka Panurirang taringot masalah i.

 9. Aha do pengaruh ni pandapot ni si Jakobus i?

⁹ Denggan do pandapot ni si Jakobus i? Denggan. Alana disetujui akka apostel dohot akka sintua do i. Aha ma pengaruhna? Alani keputusan i, gabe ‘dang susa’ be halak Kristen na so Jahudi, alana dang ikkon diihutton nasida Patik ni si Musa. (Ul. 15:19) Keputusan i pe patuduhon diargai nasida do hati nurani ni halak Kristen Jahudi. Alana saleleng martaon-taon nungnga dibege nasida ‘dijahahon akka bukku ni si Musa di sinagoga setiap ari Sabat’.b (Ul. 15:21) Pasti keputusan on mambahen lam denggan hubungan ni halak Jahudi dohot na so Jahudi. Tarlumobi on mambahen las roha ni Jahowa ala sesuai tu lomo ni rohana. Cara na massai denggan do na dibahen nasida pasaehon masalah i. Gabe boi do sude huria tetap marsada, jala sitiruon do on tu huria saonari.

10. Songon dia do Punguan na Mangaradoti Organisasi saonari mangihutton pola na dibahen punguan na mangaradoti organisasi di abad na parjolo?

¹⁰ Songon na dipaboa di Pasal 13, sarupa do cara na diihutton Punguan na Mangaradoti Organisasi saonari tu najolo. Diandalhon nasida do Jahowa, Debata Natumimbul i, dohot Jesus Kristus, Ulu ni huria lao mangalehon petunjuk tu sude parsoalan.c (1 Kor. 11:3) Songon dia ma carana? Si Albert D. Schroeder, sahalak anggota Punguan na Mangaradoti Organisasi na melayani sian taon 1974 sahat tu na marujung ngolu di bulan Maret 2006 mandok, “Dibahen Punguan na Mangaradoti Organisasi do rapat di ari Rabu. Sebelum mulai rapat, jolo martangiang do nasida mangido tondi parbadia. Berupaya do sude anggotana mamastihon sude keputusan i dibahen sesuai tu isi ni Bibel.” Songon i do muse didokkon anggota Punguan na Mangaradoti Organisasi na asing si Milton G. Henschel, na marujung ngolu di bulan Maret 2003. Tikki wisuda Sikkola Gilead kelas-101 dibahen ibana do sada sukkun-sukkun, “Menurut hamu adong do organisasi na asing di tano on na pamimpinna jolo mamareso isi ni Bibel sebelum mambahen keputusan na penting?” Takkas do taboto, holan Saksi Jahowa do.

11. Boha do cara ni punguan na mangaradoti organisasi paboahon keputusan i tu akka huria?

¹¹ Sepakat ma sude anggota ni punguan na mangaradoti organisasi na di Jerusalem i mambahen keputusan taringot sunat. Asa sude huria mangihutton keputusan on, ikkon takkas do i dipaboa tu nasida marhite cara na denggan jala lambok. Songon dia ma on diulahon? Didok, “Ditottuhon akka apostel, akka sintua, dohot sude na di huria i ma asa dipillit sian tonga-tonga ni nasida na lao borhat rap dohot si Paulus dohot si Barnabas tu Antiokia. Dipillit nasida ma dua halak sian akka halak na manguluhon dongan di huria. Dipillit ma si Judas na laos digoari si Barsabas dohot si Silas.” Asing ni i, dibahen ma surat jala diboan akka bawa i ma i asa dijahahon di sude huria na di Antiokia, Siria, dohot Kilikia.—Ul. 15:22-26.

12, 13. Aha do manfaatna tu huria ala (a) diutus si Judas dohot si Silas manjuppangi nasida? (b) dilehon surat sian punguan na mangaradoti organisasi?

¹² Memenuhi syarat do si Judas dohot si Silas mewakili punguan na mangaradoti organisasi, alana termasuk do nasida “akka halak na manguluhon dongan di huria”. Jadi na opat halak on dang holan sekedar paboahon keputusan ni punguan na mangaradoti organisasi taringot sunat, alai nasida naeng paboahon petunjuk na asing na ikkon diihutton huria. Ala ro do akka bawa na dipillit i tu akka huria, gabe lam jonok ma hubungan ni halak Kristen Jahudi na di Jerusalem tu halak Kristen na so Jahudi na adong di akka huria. Sian pengaturan on, tarida do na marbisuk jala parholong punguan na mangaradoti organisasi. On mambahen naposo ni Debata gabe lam dame jala marsada.

¹³ Surat i dang holan marisi petunjuk tu halak Kristen na so Jahudi taringot sunat. Alai dipatorang do disi akka aha do na ikkon diulahon nasida asa las roha ni Jahowa jala dipasu-pasu nasida. Adong bagian na penting di surat i na mandok, “Marhite tondi parbadia, diurupi do hami lao manottuhon asa unang hutambai hami be boban tu hamu, asing ni akka na porlu on: Padao hamu ma dirimuna sian naung dipelehon tu akka patung, sian mudar, sian binatang na mate na so jolo diseat, dohot sian seks na so patut. Molo toktong dipadao hamu dirimuna sian akka i, denggan ma hamu. Sai anggiat ma hamu toktong sehat!”—Ul. 15:28, 29.

14. Boasa boi toktong marsada naposo ni Jahowa?

¹⁴ Saonari adong lobi sian 8 juta Saksi Jahowa, jala adong lobi sian 100.000 huria di liat portibi on. Alai sarupa do haporseaon ni nasida jala rap marbarita do nasida. Nang pe saonari godang halak gaor alani situasi dohot cara marpikkir na berbeda, alai tetap do marsada Saksi Jahowa. Boasa? Ala nasida mandapot petunjuk na jelas sian Jesus Kristus Ulu ni huria i, na dilehon marhite “naposo haposan jala na marbisuk”, i ma Punguan na Mangaradoti Organisasi. (Mat. 24:45-47) Asing ni i, rade do akka dongan di liat portibi on bekerja sama mangihutton petunjuk na dilehon Punguan na Mangaradoti Organisasi.

15, 16. Boha do tanggapan ni akka dongan tu keputusan taringot sunat i, jala boasa boi denggan hasilna?

¹⁵ Dipaboa do muse aha na masa dung sahat akka dongan na sian Jerusalem di Antiokia. “Dijou nasida ma asa marpungu akka sisean na disi jala dipasahat ma surat i tu nasida.” Boha do tanggapan ni akka dongan di Antiokia tu petunjuk i? “Dung dijaha nasida surat i, las ma roha ni nasida jala lam togu ma haporseaon ni nasida.” (Ul. 15:30, 31) “Marhite akka jamita, diurupi si Judas dohot si Silas do akka dongan na disi asa lam togu haporseaon ni nasida.” Di situasi on, berperan do nasida gabe “panurirang” ala nasida paboahon lomo ni roha ni Debata. Sarupa ma nasida songon si Barnabas, si Paulus, dohot akka bawa na asing na dijou panurirang.—Ul. 13:1; 15:32; 2 Mus. 7:1, 2.

¹⁶ Ala dipasu-pasu Jahowa do sude pengaturan on, gabe denggan ma dipasae parsoalan i. Boasa boi songon i? Pasti ala dilehon punguan na mangaradoti organisasi do petunjuk na jelas, pas di tikkina, jala sesuai tu Hata ni Debata dohot arahan ni tondi parbadia. Asing ni i, sian cara ni nasida paboahon keputusan i tu akka huria, tarida do na holong jala parduli nasida tu akka dongan.

17. Songon dia do pengawas wilayah mangihutton pola na dibahen di abad na parjolo?

¹⁷ Saonari on, diihutton Punguan na Mangaradoti Organisasi do pola na dibahen akka dongan di abad na parjolo. Diparade nasida do petunjuk na pas di tikkina tu sude dongan di liat portibi on. Denggan jala takkas do dipaboa akka keputusan tu akka huria. Sada carana marhite kunjungan pengawas wilayah. Rade do nasida makkunjungi akka huria lao mangalehon petunjuk dohot hata na patoguhon roha. Songon si Paulus dohot si Barnabas, dipakke nasida do godang tikki lao “mangajari . . . jala paboahon barita na uli taringot tu hata ni Jahowa”. (Ul. 15:35) Songon si Judas dohot si Silas, dipasahat nasida do akka jamita na patoguhon haporseaon ni akka dongan.

18. Aha do na ikkon diulahon naposo ni Debata asa dipasu-pasu?

¹⁸ Boha taringot akka huria? Boasa boi sude huria toktong dame jala marsada nang pe godang halak di portibi on na terpecah belah? Taingot ma, hea do disurat si Jakobus, “Bisuk na sian ginjang i mambahen sasahalak marroha na ias, dung i marroha na dame, lambok marroha, mangoloi . . . Asing ni i, parbue ni akka ulaon na denggan disuan di bagasan dame tu akka halak sibahen dame.” (Jak. 3:17, 18) Tikki disurat ibana on, na diingot ibana do rapat di Jerusalem i? Dang taboto. Alai sian akka peristiwa na tabahas di Ulaon ni Apostel 15, taboto ma ikkon jolo marsada jala bekerja sama do naposo ni Jahowa, baru pe lehononna pasu-pasu tu nasida.

19, 20. (a) Aha do buktina molo huria Antiokia toktong mardame jala marsada? (b) Aha do muse na diulahon si Paulus dohot si Barnabas?

¹⁹ Sian peristiwa on, takkas do tarida na toktong mardame jala marsada huria Antiokia. Dang olo nasida berdebat dohot akka dongan na sian Jerusalem. Alai diargai nasida do kunjungan ni si Judas dohot si Silas. Buktina, “dung piga-piga leleng nasida disi, dipaborhat akka dongan i ma nasida di bagasan dame mulak tu Jerusalem”.d (Ul. 15:33) Pos do rohatta akka dongan na di Jerusalem pe pasti las rohana tikki mambege laporan sian dua donganta i. Alani haburjuon ni Jahowa do umbahen na boi nasida marhasil mangulahon tugasna!

²⁰ Tetap do si Paulus dohot si Barnabas tinggal di Antiokia. Jala fokus do nasida manguluhon jala mangalehon teladan di ulaon marbarita na uli. Dos do nasida songon pengawas wilayah saonari na torus makkunjungi akka huria na di wilayah ni nasida. (Ul. 13:2, 3) Sada pasu-pasu na balga do on di akka naposo ni Jahowa. Alai songon dia do muse Jahowa mangurupi jala mamasu-masu si Paulus dohot si Barnabas di ulaon marbarita? Tabahas ma i di pasal na berikutna.