PERPUSTAKAAN ONLINE Joujou Paboahon

“Tangihon Hamu ma jo Hatorangankon”

Torus ma Baritahon Harajaon ni Debata
- 11. Aha do saran ni akka sintua tu si Paulus, jala aha do na berkaitan tu ulaon i? (Ida surat na di toru.)
  
  ¹¹ Nang pe dang sittong barita i, tetap do marsak halak Jahudi mambege i. Alani i ma dilean akka sintua saran tu si Paulus, “Adong do dison opat halak bawa naung mambahen sada janji tu Debata. Lao ma ho rap dohot nasida, ulahon hamu ma ulaon paiasson diri jala garar ma na porlu di nasida, asa digusting nasida obuk ni nasida. Dung i diboto sude halak ma na so tutu barita na dibege nasida taringot tu ho, ai diihutton ho do na di Patik i.”c—Ul. 21:23, 24.
  
  12. Songon dia do si Paulus patuduhon na olo ibana kerja sama jala mangihutton saran ni akka sintua na di Jerusalem?
  
  ¹² Boi hian do didok si Paulus, dang akka barita taringot ibana na gabe parsoalan, alai cara pandang ni halak Jahudi tu Patik i do. Nang pe songon i, saleleng dang adong prinsip ni Debata na dilanggar, olo do ibana mangihutton saran ni akka sintua i. Sebelumna hea do disurat ibana songon on, “Nang pe dang huihutton Patik ni si Musa, alai molo rap au dohot halak na mangihutton patik i, gabe songon halak na mangihutton patik i ma au, asa boi huurupi nasida.” (1 Kor. 9:20) Kerja sama do si Paulus dohot akka sintua di Jerusalem. Olo do ibana gabe songon “halak na mangihutton patik”. Teladan na denggan do on di hita saonari. Ikkon rade do hita kerja sama dohot akka sintua jala unang ma tapaksahon keinginatta.—Heb. 13:17.
  
  Molo dang adong prinsip ni Bibel na dilanggar, mengalah do si Paulus. Songon i do hamu?
  
  HUKUM NI HALAK ROM DOHOT WARGA NEGARA ROM
  
  Biasana dang ikut campur pejabat ni Rom tu peraturan daerah. Hukum ni halak Jahudi do na dipakke mangatur sude urusan ni halak Jahudi. Alai di kasus ni si Paulus, terlibat do halak Rom. Alana gaor do sude halak dung ro ibana tu bagas joro.
  
  Godang do pembatasan tu rakyat biasa na so warga negara Rom. Alai beda do perlakuan ni pamaretta ni Rom tu warga negara Rom.f Diakkui jala dihormati do hak ni warga negara Rom di sude wilayah ni Rom. Misalna, dang boi sahalak warga negara Rom diikkat manang dipukkuli sebelum diputusson marsala. Holan tu budak do boi dibahen songon i. Marhak do warga negara Rom mangido banding tu kesar molo dang puas ibana tu keputusan ni gubernur provinsi.
  
  Adong do piga-piga cara asa boi gabe warga negara Rom. Na parjolo, molo natua-tuana warga negara Rom, anakkonna pe gabe warga negara Rom. Olo do muse dilehon kesar hak gabe warga negara Rom tu sasahalak manang tu sude penduduk di sada kota alani jasa ni nasida tu pamarettaon ni Rom, kecuali tu budak na tinggal disi. Alai boi do budak gabe warga negara Rom molo dituhor ibana kemerdekaanna sian sahalak warga negara Rom, manang sahalak budak na merdeka dibahen sahalak Rom. Boi do tong gabe warga negara Rom sahalak tentara na so halak Rom molo nga pensiun sian dinas militer ni Rom. Jadi di situasi tertentu boi do dituhor hak gabe warga negara Rom. Alani i ma Komandan Militer Klaudius Lisias mandok tu si Paulus, “Arga do hugarar asa boi au gabe warga negara Rom.” Didok si Paulus ma, “Alai anggo au, sian mulai tubu do au warga negara Rom.” (Ul. 22:28) Jadi sian ayat on taboto, nga adong hian sada sian oppung ni si Paulus warga negara Rom, nang pe dang taboto boha carana.
  
  f Di abad na parjolo M, dang godang dope warga negara Rom tinggal di Judea. Alai di abad na patoluhon, dibahen ma sude penduduk ni Imperium Romawi gabe warga negara Rom.

“Tangihon Hamu ma jo Hatorangankon”

Torus ma Baritahon Harajaon ni Debata
- c Sahalak pakar mandok dibahen akka bawa on do ra janji lao gabe halak Nasir tu Jahowa. (4 Mus. 6:1-21) Memang dang marlakku be Patik ni si Musa na mambahen pengaturan taringot parjanjian sisongon i. Alai dihilala si Paulus dang sala molo didalatton nasida janjina i tu Jahowa. Alani i ma, dang sala menurut ibana mandongani nasida jala manggarar akka na porlu tusi. Dang dipaboa janji taringot aha i, alai pasti dang olo si Paulus mangalehon pelean binatang songon na ikkon diulahon halak Nasir, ala dang boi i manesa dosa. Dung dipelehon Kristus hangoluanna na sempurna, dang marlakku be pelean binatang lao manesa dosa. Jadi pos do rohatta, dang diulahon si Paulus manang aha pe na maralo tu panggora ni rohana.