“Unang Ho Mabiar!”

1, 2. Boasa dang pola heran be si Paulus tu penganiayaan na dihadapi ibana di Jerusalem?

DUNG malua si Paulus sian akka halak na mangamuk di Jerusalem, dipamasuk ma muse ibana tu penjara. Dang pola heran be si Paulus mangida na masa i. Ai nungnga dipaboa hian tu ibana, ‘na lao dipenjara jala na lao manaon hasusaan’ ibana di kota i. (Ul. 20:22, 23) Nang pe dang diboto songon dia persisna i terjadi, alai diboto ibana do na lao taononna hasusaan alani goar ni Jesus.—Ul. 9:16.

² Nungnga dipaingot akka panurirang hian si Paulus na lao ditali jala dipasahat ibana “tu bangso na asing”. (Ul. 21:4, 10, 11) Sebelumna berupaya do halak Jahudi naeng pamatehon ibana. Dukkon i marsoal do anggota ni Sanhedrin alani hata ni si Paulus, jala hira naeng “dipamate” do ibana. Saonari, gabe tahanan ni tentara ni Rom ma ibana. Jala godang nai dope persidangan na dihadapi dohot tuduhan na dibahen tu ibana. (Ul. 21:31; 23:10) Jadi porlu do Apostel Paulus dipatogu!

 3. Aha do na diparade “naposo haposan jala na marbisuk” asa boi hita torus marbarita?

³ Di ari parpudi on, “dibahen do na haccit tu sude halak na naeng manomba Debata dohot tu sude na gabe sisean ni Kristus Jesus”. (2 Tim. 3:12) Jadi porlu do hita dipatogu asa torus semangat marbarita na uli. Mandok mauliate do hita ala diparade “naposo haposan jala na marbisuk” do akka publikasi dohot parpunguan na boi patoguhon hita. (Mat. 24:45) Marjanji do Jahowa dang na lao marhasil akka musu pamatehon sude naposo ni Jahowa manang pasohon ulaon marbarita. (Jes. 54:17; Jer. 1:19) Alai boha do Apostel Paulus? Bantuan songon dia do na dapotna asa boi torus marbarita, jala songon dia tanggapanna?

4, 5. Bantuan aha do na didapot si Paulus, jala boasa tepat waktu i?

⁴ Dung selamat si Paulus sian jolo ni Sanhedrin i, dipaboa do di bukku Ulaon ni Apostel, “Bornginna i, jongjong ma Tuan di labbung ni si Paulus, ninna ma, ‘Unang ho mabiar! Ai ikkon paboaonmu dope taringot tu au di Rom songon naung dipaboa ho di Jerusalem.’” (Ul. 23:11) Hata ni Jesus on gabe jaminan pasti selamat do si Paulus sahat tu Rom, jala paboaonna do disi taringot Jesus.

⁵ Tepat waktu do bantuan na didapot si Paulus i. Alana marsogotna i lobi sian 40 halak Jahudi marpungu mambahen “rencana lao mambunu si Paulus. Marsumpa ma nasida na so jadi mangan manang minum saleleng so dibunu nasida si Paulus”. Ala sappe “marsumpa” do halak i, on patuduhon berupaya do halak Jahudi i pamatehon si Paulus. Porsea do nasida molo dang saut sumpana i pasti hona kutuk manang hona jea ma nasida. (Ul. 23:12-15) Disetujui akka malim kepala dohot pangituai do rencana ni nasida i. Dipangido ma asa diboan muse si Paulus tu jolo ni Sanhedrin, seolah-olah naeng dipareso muse kasusna i. Hape nga direncanahon nasida naeng mambunu si Paulus di pardalanan.

 6. Sian dia do diboto si Paulus rencana pembunuhan i, jala aha do na boi diparsiajari akka na poso saonari sian peristiwa on?

⁶ Alai dibege bere ni si Paulus ma rencana ni nasida i jala dipaboa ma tu si Paulus. Jadi disuru si Paulus ma ibana paboahon i tu si Klaudius Lisias, komandan tentara i. (Ul. 23:16-22) Saonari pe las do roha ni Jahowa tu akka na poso na songon bere ni si Paulus. Rela berkorban do nasida mangurupi akka naposo ni Jahowa. Dibahen do sian nasa tolapna mendukung ulaon ni organisasi.

7, 8. Aha do na dibahen si Klaudius Lisias lao menyelamatton si Paulus?

⁷ Nungnga dipaboa be rencana pembunuhan i tu si Klaudius Lisias na mamimpin 1.000 tentara. Diparettahon ibana ma asa dipapungu 470 tentara lao manaruhon si Paulus tu Kaesarea. Borngin i do nasida borhat sian Jerusalem. Adong do akka tentara i na mardalan pat, na hundul di hoda, jala na mamboan tombak. Dung sahat di Kaesarea, dipasahat ma ibana tu Gubernur Feliks.a Kaesarea, i ma ibukota ni pamarettaon ni Rom na di Judea. Jala disi do markas besar pasukan militer ni Rom na di Judea. Nang pe godang halak Jahudi disi, alai unggodang do halak na so Jahudi penduduk ni kota i. Beda do situasi disi sian di Jerusalem. Molo di Jerusalem, godang do halak na fanatik tu agamana, jala sering do nasida mambahen hagutturon.

⁸ Sesuai tu hukum ni halak Rom, dikirim si Lisias ma surat lao paboahon parsoalan i tu si Feliks. Dipaboa si Lisias ma di suratna i na warga negara Rom si Paulus. Jadi dung diboto ibana i, diparettahon ibana ma asa diselamatton si Paulus ala “nungnga naeng dipamate” halak Jahudi ibana. Dipaboa do muse na so adong diulahon si Paulus manang aha “na mambahen ibana patut dipamate manang dipenjarahon”. Alai dipaboa ma tu si Feliks na adong mambahen rencana na jahat tu si Paulus. Alani i ma diboan si Paulus tu si Feliks, asa dibege ibana hata ni akka na manudu i jala dibahen keputusan taringot i.—Ul. 23:25-30.

 9. (a) Songon dia do hak ni si Paulus sebagai warga negara Rom dilanggar? (b) Aha do na diulahon naposo ni Debata tikki dilanggar hakta lao beribadat?

⁹ Dipaboa si Lisias do peristiwa na sebenarna? Daong. Berupaya do ibana asa denggan goarna di jolo ni gubernur i. Hape sebenarna dang ala na warga negara Rom si Paulus umbahen na diselamatton ibana. Asing ni i, disuru si Lisias do tong “asa ditali si Paulus mamakke dua ratte”. Jala diparettahon ibana do asa “disukkuni [akka tentara] si Paulus huhut dilissingi”, alai dang dipaboa i di surat i. (Ul. 21:30-34; 22:24-29) Jadi sebenarna dilanggar si Lisias do hak ni si Paulus sebagai warga negara Rom. Saonari on pe, godang do akka halak na fanatik tu agamana. Dipakke Sibolis do nasida lao menganiaya hita, jala diganggu nasida do kebebasan beribadatta. Alai songon si Paulus, jotjot do dipakke naposo ni Debata hak ni nasida sebagai warga negara, jala diupayahon mandapot perlindungan hukum.

10. Aha do tuduhan na dibahen nasida tu si Paulus?

¹⁰ Di Kaesarea, disuru ma “asa ditahan si Paulus di istana ni si Herodes”, paima ro akka halak na manudu i sian Jerusalem. (Ul. 23:35) Lima ari dukkon i sahat ma Sintua ni Malim Ananias, si Tertullus pengacara ni nasida, dohot piga-piga pangituai. Parjolo dipuji-puji si Tertullus ma si Feliks, dipaboa ma akka naung diulahon ibana tu halak Jahudi. Alai tujuanna naeng mambuat roha do.b Alai tikki paboahon taringot si Paulus, didok ibana ma, “Sibahen hagutturon do bawa on. Gaor do dibahen ibana sude halak Jahudi di saluhut portibi on. Jala ibana do pamimpin ni sekte ni halak Nasaret. Dohot do muse bagas joro naeng dibahen ibana ramun, gabe hutakkup hami ma ibana.” Dung dibege hatana i, “dohot ma akka halak Jahudi mandok songon i. Jala didok nasida ma na tutu do sude na dipatorang si Tertullus i”. (Ul. 24:5, 6, 9) Jadi ditudu do si Paulus mambahen gaor akka halak, menyebarhon sekte na sesat, jala mambahen ramun bagas joro. On boi do mambahen si Paulus dihukum mate.

11, 12. Songon dia do si Paulus mangalusi tuduhan ni nasida i?

¹¹ Dung i didok si Paulus ma, “Las do rohakku paboahon alussu tu damang.” Dipatorang si Paulus ma na so adong ramun dibahen ibana bagas joro. Dang adong dihasut ibana akka halak asa gaor nasida. Didok ibana do, nungnga martaon-taon ibana dang di Jerusalem. Justru tikki ro ibana muse tu Jerusalem diboan do “hepeng lao mangurupi” akka halak Kristen na pogos alani kelaparan dohot penganiayaan. Didok si Paulus do muse, sebelum masuk ibana tu bagas joro nungnga dibahen ibana “ulaon paiasson diri”. Jala diulahon ibana do sian nasa gogona “asa toktong ias panggora ni [rohana] di jolo ni Debata dohot di jolo ni jolma”. Jadi hatoranganna i patuduhon na so tutu tuduhan na dibahen ni akka jolma i.—Ul. 24:10-13, 16-18.

¹² “Taringot tu sekte na didok nasida i”, diakkui si Paulus do na diihutton ibana i lao marhobas tu Debata ni akka ompuna. Jala porsea do ibana “tu sude Patik i dohot tu sude na Sinurat ni Akka Panurirang”. Dos songon akka na manudu i, didok si Paulus do na porsea ibana “lao dipahehe Debata do halak na burju dohot halak na jahat”. Dung i tegas ma didok si Paulus tu akka na manudu i, “Suru ma akka halak na adong dison paboahon hasalaan na dapot ni nasida tikki diadili au di jolo ni Sanhedrin. Molo tung pe dialuhon nasida au holan alani hata on do, i ma tikki hudok di jolo ni nasida, ‘Alai diadili do au saonari, ala porsea au na boi mulak mangolu halak naung mate!’”—Ul. 24:14, 15, 20, 21.

13-15. Songon dia do si Paulus gabe teladan na denggan tu hita tikki mambahen pembelaan di pengadilan?

¹³ Saonari pe, olo do diboan hita tu pengadilan alani ibadatta. Ditudu do hita anggota ni “sekte na sesat”, mambahen hagutturon, manang mangalo pamaretta. Alai dibahen si Paulus do teladan na denggan tu hita. Dang berupaya si Paulus mamuji-muji gubernur i lao mambuat rohana songon si Tertullus. Alai tetap do ibana tenang jala respek. Manat do ibana mamillit hatana, jala marbisuk do ibana mangalean hatorangan. Dipaboa si Paulus do muse, seharusna “halak Jahudi na sian Provinsi Asia” i do na mangaluhon ibana, ala nasida do na manudu si Paulus mambahen ramun bagas joro. Hape dang ro nasida.—Ul. 24:18, 19.

¹⁴ Asing ni i, dang mabiar si Paulus paboahon haporseaonna taringot haheheon, nang pe alani i do gabe gaor anggota ni Sanhedrin. (Ul. 23:6-10) Boasa dipaboa si Paulus muse taringot haheheon? Alana dang tarjalo ni akka penentangna i barita taringot Jesus, dohot barita naung hehe ibana sian akka naung mate. (Ul. 26:6-8, 22, 23) Jadi si Paulus naeng paboahon tu si Feliks masalah sebenarna, i ma haporseaon tu Jesus dohot haheheonna do.

¹⁵ Songon si Paulus, barani do hita marbarita, jala dipatogu do hita mangingot hata ni Jesus na mandok, “Sogo ma roha ni sude jolma tu hamu alani goarhu, alai paluaonna do manang ise na setia jala na martahan sahat tu ujungna.” Jadi porlu do hita mabiar taringot aha na lao taadopi? Dang pola. Adong do jaminan na dilehon Jesus, “Tikki diboan nasida hamu tu pengadilan, unang ma marsak hamu mamikkiri aha na lao dohononmuna. Alai hatahon hamu ma na dipaboa tondi parbadia tu hamu di tikki i. Ai dang sian pikkiranmuna sandiri hata na lao dohononmuna i, alai sian tondi parbadia ni Debata do.”—Mrk. 13:9-13.

16, 17. (a) Boha do dibahen si Feliks menangani kasus ni si Paulus? (b) Boasa gabe mabiar si Feliks, jala aha do alasanna sering manjou si Paulus?

¹⁶ Dang on be parjolo sahali dibege Gubernur Feliks taringot haporseaon ni halak Kristen. Di Bibel didok, “Godang do diboto si Feliks taringot tu Dalan ni Tuan i [istilah lao paboahon halak Kristen]. Dipaso ibana ma pengadilan i, ninna ma, ‘Jolo ro ma si Lisias komandan ni tentara i asa hubahen keputusan ni parsoalanmuna on.’ Dung i disuru ibana ma perwira na manjaga i asa toktong ditahan si Paulus, alai dang songon na parjolo i be dibahen tu ibana. Diloas do akka donganna mangalehon akka na porlu di ibana.”—Ul. 24:22, 23.

¹⁷ Dung salpu piga-piga ari, ro ma si Feliks dohot istrina si Drusila halak Jahudi. Disuru ma asa dijou si Paulus. Dung i, “ditangihon ibana ma si Paulus paboahon haporseaonna taringot tu Kristus Jesus”. (Ul. 24:24) Alai tikki dipatorang si Paulus taringot “marpangalaho na denggan, mangarajai diri, dohot ari panguhuman di ari na naeng ro, gabe mabiar ma si Feliks”. Mungkin targanggu do hati nuranina alani ulaon na jahat na dibahen ibana saleleng on. Gabe disuru ma si Paulus lao, jala didok ma, “Attong, songon i ma jolo! Molo adong tikki na denggan, husuru pe dijou ho muse.” Dukkon i sering do memang dijou si Feliks si Paulus, alai dang na naeng mamboto taringot haporseaonna. Alai na berharap do ibana dilehon si Paulus hepeng lao gabe suap tu ibana.—Ul. 24:25, 26.

18. Boasa dipatorang si Paulus taringot tu “marpangalaho na denggan, mangarajai diri, dohot ari panguhuman di ari na naeng ro” tu si Feliks dohot istrina?

¹⁸ Boasa dipatorang si Paulus taringot tu “marpangalaho na denggan, mangarajai diri, dohot ari panguhuman di ari na naeng ro” tu si Feliks dohot istrina? Sebelumna naeng diboto nasida do ‘haporseaon ni si Paulus taringot tu Kristus Jesus’. Alani i do dipaboa ibana aha na ikkon diulahon sasahalak molo naeng gabe sisean ni Jesus. Hape diboto si Paulus do latar belakang ni nasida. Jahat do nasida, kejam, jala dang adil. Sian hatana i, gabe diboto si Feliks dohot istrina ma na so sesuai saleleng on parngoluon ni nasida tu standar ni Debata. Jala diboto nasida ma sude do jolma ikkon martanggung jawab tu aha na dipikkirhon, dihatahon, jala diulahon nasida di jolo ni Debata. Dipatuduhon si Paulus do na uppetting i sian hukuman na lao dibahen si Feliks tu ibana. Alani i “gabe mabiar” ma si Feliks.

19, 20. (a) Songon dia do hita maniru si Paulus tikki marbarita? (b) Boasa tadok dang dongan si Feliks di si Paulus?

¹⁹ Mungkin hea do hita pajuppang dohot akka halak na songon si Feliks tikki marbarita. Mulana i berminat do nasida tu hasittongan, alai sebenarna dang olo nasida manguba pangalahona asa sesuai tu lomo ni roha ni Debata. Jadi porlu do hita manat mangurupi halak sisongon i. Songon si Paulus tapaboa ma tu nasida pangalaho na songon dia na dihalomohon roha ni Debata, atik boha hona tu roha ni nasida hasittongan i. Alai molo dang olo nasida muba, tatinggalhon ma nasida jala talului ma akka halak na lomo rohana tu hasittongan.

²⁰ “Dung salpu dua taon, si Perkius Festus ma na manggattihon si Feliks. Ala naeng mambuat roha ni halak Jahudi, dipasombu si Feliks do si Paulus toktong di penjara.” (Ul. 24:27) Sian ayat on taboto ma songon dia sebenarna roha ni si Feliks. Dang dongan si Feliks di si Paulus. Diboto si Feliks do dang pemberontak akka halak na mangihutton “Dalan ni Tuan i”. (Ul. 19:23) Diboto ibana do muse dang hea si Paulus mangalanggar hukum ni halak Rom. Alai tetap do dipasombu si Paulus dipenjara, ala naeng “mambuat roha ni halak Jahudi” ibana.

21. Aha do na masa tu si Paulus dung si Perkius Festus na gabe gubernur, jala boasa tetap togu haporseaon ni si Paulus?

²¹ Songon na dipaboa di ayat na parpudi sian Ulaon ni Apostel bindu 24, tetap dope dipenjara si Paulus nang pe nungnga digattihon si Perkius Festus si Feliks gabe gubernur. Jadi mulai ma diperiksa si Paulus. Dipasahat ma ibana sian sada pejabat tu pejabat na asing. Gabe tergenap ma hata na mandok diboan do si Paulus “tu jolo ni akka raja dohot tu akka gubernur”. (Luk. 21:12) Songon na lao taida, mambahen pembelaan do si Paulus di jolo ni pejabat na untimbo di tikki i. Saleleng diadili ibana, tetap do togu haporseaonna. Sai diingot ibana do torus hata ni Jesus na mandok, “Unang ho mabiar!”