PELAJARAN 48

Marbisuk ma Hamu Mamillit Dongan

Edisi Tercetak

Las do rohatta molo adong dongan kompakta. Jala boi do nasida mangurupi tikki susa hita. Alai didok Bibel dang sude halak boi gabe donganta. Jadi boha do carana mamillit dongan na denggan? Taida ma alusna di pelajaran on.

1. Aha do pengaruh ni dongan na dipillit hamu?

Molo sering hita mardongan dohot sasahalak, adong do pengaruh ni i tu hita. Boi do denggan pengaruhna manang dang denggan. Termasuk ma i molo mardongan hita dohot halak di media sosial. Bibel mandok, “Gabe marbisuk do manang ise na mardongan tu halak na marbisuk, alai gabe marjea do manang ise pe na mardongan tu halak na oto.” (Poda 13:20) Molo mardongan hita dohot halak na makkaholongi jala na manomba Jahowa, boi do i mangurupi hita asa toktong jonok hubungatta tu Debata, jala mambahen keputusan na denggan. Alai molo mardongan hita dohot halak na so makkaholongi Jahowa, boi do i mambahen hita gabe mandao sian Jahowa. Alani i ma didok Bibel, ikkon marbisuk hita mamillit dongan! Molo mardongan hita dohot halak na makkaholongi Debata, boi ma nasida mangalean pengaruh na denggan tu hita, jala hita pe mangalean pengaruh na denggan tu nasida. Hasilna gabe boi ma hita ‘marsiurupan jala masipatoguan’.—1 Tessalonik 5:11.

2. Boha do perasaan ni Jahowa tu caratta mamillit dongan?

Dang sude halak dipillit Jahowa gabe donganna. Alana didok Bibel, “Marale-ale do Ibana tu halak na tigor marroha.” (Poda 3:32) Jadi boha do perasaan ni Jahowa molo mardongan hita dohot halak na so makkaholongi Ibana? Pasti kecewa hian do Ibana! (Jaha Jakobus 4:4.) Alai molo mardongan hita dohot halak na makkaholongi Ibana, las ma rohana. Jala molo tapajonok diritta tu Ibana, pasti olo ma Ibana mamillit hita gabe donganna.—Psalmen 15:1-4.

ASA LAM TAATTUSI

Taida ma boasa ikkon manat hita mamillit dongan, jala boha do carana asa boi denggan persahabatanmuna.

3. Manat ma mamillit dongan

Unang ma mardongan hamu tu halak na so makkaholongi Jahowa jala na so olo mangihutton parettana. Putar ma VIDEO, dung i bahas ma sukkun-sukkun on:

VIDEO: Pasiding ma Parsaoran na Roa (6:17)

Sian video i, aha do sipata na boi mambahen gabe mardongan hita tu halak na so makkaholongi Debata?

Jaha 1 Korint 15:33, dung i bahas ma sukkun-sukkun on:

Halak na songon dia do na so boi gabe donganmuna? Boasa didok hamu songon i?

Jaha Psalmen 119:63, dung i bahas ma sukkun-sukkun on:

Sifat na songon dia do na porlu diida hamu sian halak na lao gabe donganmuna?

Sabaskom apel. Adong sada apel na busuk jala nungnga godang agas disi. Gabe dohot apel na asing naeng busuk alani i. — Sada apel na busuk, boi do mambahen busuk apel na asing. Aha do pengaruhna molo mardongan hamu tu halak na so makkaholongi Jahowa?

4. Boi do hita mardongan tu marragam halak

Disurat do di Bibel taringot persahabatan ni si Daud dohot si Jonatan. Dao do uttua si Jonatan sian si Daud, jala anak ni raja do ibana. Alai kompak do nasida. Jaha 1 Samuel 18:1, dung i bahas ma sukkun-sukkun on:

Boasa denggan molo mardongan hita tu halak na so saumur dohot hita, manang na so sarupa keadaan ekonomina tu hita?

Jaha Rom 1:11, 12, dung i bahas ma sukkun-sukkun on:

Aha do manfaatna molo rap makkaholongi Jahowa halak na mardongan?

Di video on, taida ma songon dia sahalak doli-doli boi mardongan dohot halak na uttua sian ibana. Putar ma VIDEO, dung i bahas ma sukkun-sukkun on:

VIDEO: Manang Sadia pe Umurna, Boi do I Gabe Alealenta (5:06)

Boasa marsak natua-tua ni si Akil mamikkiri ibana?
Di mulana, boasa lomo rohana mardongan dohot dongan sasikkolana?
Ujungna, aha do na diulahon ibana asa unang kesepian be ibana?

5. Boha do carana asa boi denggan persahabatanmuna?

Taida ma boha do carana asa boi dapotta dongan na burju jala asa boi hita gabe dongan na burju. Putar ma VIDEO.

VIDEO: Songon dia do Aleale na Sasintongna i? (4:14)

Gambar sian video ‘Songon dia do Aleale na Sasintongna i?’ Sahalak remaja jongjong di tonga-tonga ni akka donganna na so sarupa umurna, sukuna, dohot bakatna.

Jaha Poda 18:24 dohot 27:17, dung i bahas ma sukkun-sukkun on:

Songon dia do dongan na burju i?
Adong do donganmuna na songon i? Molo dang adong dope, boha do carana asa dapotmuna dongan na songon i?

Jaha Pilippi 2:4, dung i bahas ma sukkun-sukkun on:

Asa boi dapotmuna dongan na burju, hamu pe ikkon gabe dongan na burju do. Boha do carana mangulahon i?

Gambar: Adong tolu dongan kompak ni sahalak anak boru na ro manjuppangi ibana. 1. Ditelepon ibana do sada sian dongan kompakna i. 2. Makkatai do ibana dohot dongan kompakna na matua di Bale Harajaon. 3. Ro do ibana manjuppangi dongan kompakna na lagi lungun rohana. — Asa dapotmuna dongan na burju, ikkon *gabe* dongan na burju do tong hamu

ADONG DO NA MANDOK: “Sude do halak boi gabe donganta.”

Molo adong na mandok songon i, boha do alusmuna?

KESIMPULAN

Molo marbisuk hita mamillit dongan, las ma roha ni Jahowa. Jala bermanfaat do on tu hita.

Tinjauan

Boha do perasaan ni Jahowa tu caratta mamillit dongan?
Halak na songon dia do na so boi tabahen gabe donganta?
Boha do carana asa boi hita mardongan tu halak na so saumur dohot hita, manang na so sarupa keadaan ekonomina tu hita?

Sae diparsiajari tanggal:

Coba ma jo on

Berusaha ma hamu asa lam mananda akka dongan di huria.

Manang:

Your other goal

LULUI MA

Dongan na songon dia do na olo mangurupi hita tikki susa?

“Tapatogu ma Parale-aleonta Andorang So Ro Hasusaan Bolon” (Joujou Paboahon, November 2019)

Boha do carana asa boi dapotta dongan na burju?

“Bagaimana Mendapat Sahabat yang Baik?” (Pertanyaan Kaum Muda—Jawaban yang Praktis, Jilid 1, pasal 8)

Aha do na ikkon taboto taringot persahabatan di media sosial?

Marbisuk ma Mamangke Jejaring Sosial (4:12)

Di kisah hidup na marjudul “Masihol do Au Marbapa”, jaha ma boasa olo sahalak bawa maninggalhon akka donganna najolo.

“Bibel Mambahen Denggan Ngolukku” (Joujou Paboahon, 1 April 2012)