Boha do Seharusna Pandangan ni Halak Kristen taringot Minuman Beralkohol?

Dang sarupa pandangan ni halak di portibi on taringot minuman beralkohol. Adong do halak na lomo rohana minum minuman beralkohol rap dohot donganna. Alai adong do halak na so olo manginum i sama sekali. Jala adong do muse halak na olo manginum i sappe mabuk. Jadi boha do sebenarna pandangan ni Bibel taringot minuman beralkohol?

1. Sala do minum minuman beralkohol?

Dang diorai Debata hita manginum minuman beralkohol. Justru tikki paboahon akka na denggan na dilehon Debata tu hita, termasuk do tong didok Bibel “anggur na mambahen las roha ni jolma”. (Psalmen 104:14, 15) Jala dipaboa do tong di Bibel, adong do piga-piga halak na manomba Debata na olo minum minuman beralkohol.—1 Timoteus 5:23.

2. Aha do nasehat ni Bibel tu halak na minum minuman beralkohol?

Sogo do roha ni Jahowa tu halak na pagodangku minum jala na olo sappe mabuk. (Galatia 5:21) Didok Ibana do, “Unang ma ihutton halak na pagodangku minum anggur.” (Poda 23:20) Jadi molo naeng minum minuman beralkohol do hita rap dohot akka donganta manang sahalakta, unang ma pagodangku. Alana molo pagodangku hita minum, pasti dang boi be hita denggan marpikkir, makkatai, dohot mangulahon manang aha pe. Jala boi do i mambahen hita marsahit. Jadi molo dang boi takendalihon diritta, tumagon ma hita dang minum sama sekali.

3. Boha do caratta mangargai keputusan ni halak taringot minuman beralkohol?

Keputusan masing-masing do naeng minum minuman beralkohol manang na dang. Jadi unang ma tahakimi sasahalak molo olo ibana manginum minuman beralkohol sasaotik. Jala unang ma tapaksa sasahalak na so olo minum minuman beralkohol. (Rom 14:10) Molo adong do donganta na gabe terganggu hati nuranina ala tainum i, tumagon ma hita dang minum. (Jaha Rom 14:21.) Bibel mandok, “Ikkon dipikkirhon ganup halak do aha na penting di halak na asing, unang ma holan na penting di dirina sandiri na dipikkirhon.”—Jaha 1 Korint 10:23, 24.

ASA LAM TAATTUSI

4. Mambahen keputusan naeng minum manang dang

Boha do pandangan ni Jesus taringot minuman beralkohol? Asa taboto alusna, taida ma taringot mukjizat na parjolo dibahen ibana. Jaha Johannes 2:1-11, dung i bahas ma sukkun-sukkun on:

• Boha do pandangan ni Jesus tu minuman beralkohol dohot tu akka halak na manginum i?

• Jadi boha do seharusna pandangan ni halak Kristen tu halak na olo manginum i?

Nang pe dang diorai halak Kristen minum minuman beralkohol, dang na berarti boi tainum i manang na sadihari pe. Jaha Poda 22:3, dung i parrohahon ma di akka situasi na songon dia do hita dang boi minum minuman beralkohol:

• Tikki naeng mamboan kendaraan manang mamakke mesin.

• Tikki hamil.

• Tikki diorai dokter asa unang minum minuman beralkohol.

• Molo dang boi dikendalihon hamu dirimuna tikki minum.

• Molo adong peraturan na mangorai minum minuman beralkohol.

• Tikki adong donganmuna na so olo minum ala parmabuk ibana najolo.

Ikkon disediahon hamu do minuman beralkohol tikki mambahen pesta pernikahan manang tikki mambahen acara ramah tamah? Asa boi hamu mambahen keputusan, putar ma VIDEO.

VIDEO: Ikkon Husediahon do Minuman Beralkohol? (2:41)

Jaha Rom 13:13 dohot 1 Korint 10:31, 32. Dung dijaha hamu setiap ayat, bahas hamu ma sukkun-sukkun on:

• Aha do manfaatna molo diterappon hamu prinsip na adong di akka ayat on?

5. Tottuhon ma sadia godang na lao diinum hamu

Tikki naeng minum minuman beralkohol hamu, ingot ma on: Nang pe dang diorai Jahowa hita minum minuman beralkohol, alai dang lomo rohana molo pagodangku hita minum. Boasa? Jaha Hosea 4:11, 18, dung i bahas ma sukkun-sukkun on:

• Aha do na terjadi molo magodangku sasahalak minum?

Boha do carana asa dang pagodangku hita minum? Ikkon tasadari do keterbatasanta. Jaha Poda 11:2, dung i bahas ma sukkun- sukkun on:

• Boasa denggan molo ditottuhon hamu hian sadia godang na lao diinum hamu?

6. Mengatasi kecanduan minuman beralkohol

VIDEO: Magigi do Ahu Mangida Diringku (6:32)

• Di video i, gabe boha do si Dmitry molo nga minum ibana?

• Mura do di ibana pasohon i?

• Boasa sappe boi ibana pasohon kecanduanna i?

Jaha 1 Korint 6:10, 11, dung i bahas ma sukkun-sukkun on:

• Boha do pandangan ni Bibel taringot minum minuman beralkohol sappe mabuk?

• Aha do buktina boi do muba halak na kecanduan minuman beralkohol?

Jaha Mateus 5:30, dung i bahas ma sukkun-sukkun on:

• Tikki didok Jesus taringot mamonggolhon tangan, sarupa do on lapatanna ikkon mambahen pengorbanan lao palashon roha ni Jahowa. Aha ma na boi diulahon hamu molo maol dihilala hamu pasohon kecanduan minuman beralkohol?a

Jaha 1 Korint 15:33, dung i bahas ma sukkun-sukkun on:

• Aha do pengaruhna molo kompak hamu tu parmabuk?

KESIMPULAN

Jahowa do na mangalehon akka na denggan tu jolma asa boi nasida marlas ni roha, termasuk ma i minuman beralkohol. Alai sogo do rohana molo pagodangku hita minum jala sappe mabuk.

Tinjauan

• Boha do pandangan ni Bibel taringot minuman beralkohol?

• Aha do bahayana molo pagodangku hita minum?

• Boha do caratta patuduhon na taargai do keputusan ni halak taringot minuman beralkohol?

LULUI MA

Boha do carana asa boi akka na poso mambahen keputusan na denggan taringot minuman beralkohol?

Pingkirhon ma Akibatna molo Mabuk (2:31)

Jaha ma boha carana mengatasi kecanduan minuman beralkohol.

“Ikkon Seimbang do Pandanganta taringot Minuman Beralkohol” (Joujou Paboahon, 1 Januari 2010)

Boi do halak Kristen bersulang?

“Sukkun-Sukkun sian na Manjaha” (Joujou Paboahon, 15 Februari 2007)

Di artikel na marjudul “Dang Marnapuas Au Minum”, ida ma pengalaman ni sahalak bawa na boi pasohon kecanduanna tu minuman beralkohol.

“Bibel Mambahen Denggan Ngolukku” (Joujou Paboahon, 1 Mei 2012)