Diingot Hamu Do?

Nungnga taparsiajari be sude Joujou Paboahon terbitan 2021. Saonari taalusi ma akka sukkun-sukkun on:

Sesuai tu 2 Musa 34:6, aha do na lao bahenon ni Debata tu hita alani ‘holongna’ dohot ‘asi ni rohana’?

Asi ni roha ni Jahowa do na mambahen Ibana manalpuhon hasalaatta. Sian 2 Musa 34:6, taboto ma, rade do Jahowa mangurupi hita. Alani i, tatiru ma Ibana.​—w21.01, hlm. 21.

Boasa adong na dibahen Jahowa gabe kepala?

Alani holongna. Pengaturan on mambahen sude denggan mardalan jala taratur. Gabe taboto ma ise na marhak mambahen keputusan jala ise na mandalatton i.​—w21.02, hlm. 3.

Boasa ikkon hati-hati halak Kristen mamakke aplikasi pesan elektronik?

Ikkon manat do hita mamillit dongan lewat aplikasi pesan elektronik. Ikkon lebih berhati-hati do hita molo bergabung tu grup chat na godang anggotana. (1 Tim. 5:13) Molo adong informasi na so jelas dope, unang ma tahaporseai manang tatorusson. Ikkon manat do hita muse mamakke aplikasi i lao marbisnis.​—w21.03, hlm. 31.

Boasa diloas Jahowa Jesus manaon na haccit?

Na parjolo, lao paluahon halak Jahudi sian bura. (Gal. 3:10, 13) Alasan na paduahon, lao mangalatik Jesus gabe Sintua ni Malimta. Na patoluhon, lao mambuktihon boi do Jesus toktong setia nang pe diuji massai borat. (Job 1:9-11)​—w21.04, hlm. 16-17.

Songon dia do carana marbarita na uli tu halak na maol dijuppangi di jabuna?

Molo jarang do juppangta halak di jabu ni nasida, tasesuaihon ma jadwalta marbarita, ingananta marbarita, dohot caratta marbarita, misalna lewat surat.​—w21.05, hlm. 15-16.

Aha do maksud ni si Paulus tikki didok ibana, “Nungnga mate au molo mangihutton patik i”? (Gal. 2:19)

Patik ni si Musa patuduhon molo jolma dang sempurna. Patik i manogu-nogu tu Kristus. (Gal. 3:19, 24) Marhite Patik i do si Paulus marhaporseaon tu Kristus. Jadi “nungnga mate [si Paulus] molo mangihutton patik i”, lapatanna dang Patik i be na mangatur ngoluna.​—w21.06, hlm. 31.

Songon dia do Jahowa patuduhon hasabaronna?

Sabar do Jahowa tikki dileai goarna, tikki didok Sibolis dang marhak Ibana mamaretta akka toppaanna. Sabar do Jahowa nang pe mangalo akka toppaanna, nang pe adong tuduhan ni Sibolis na kejam. Sabar do Jahowa mangida akka naposona susa, nang pe dang lomo rohana mangida i. Sabar do Jahowa paimahon akka ale-alena hehe muse, jala sabar do Ibana mangida hajahaton na masa. Sabar do Jahowa mangida pangalaho ni jolma na so hasea, jala sabar do Ibana tikki disegai jolma tano on.​—w21.07, hlm. 9-12.

Songon dia do si Josep patuduhon na sabar do ibana?

Sabar do ibana nang pe kejam akka abangna tu ibana. Sabar do ibana muse tikki ditudu mangulahon na sala jala dipenjarahon di Mesir saleleng martaon-taon.​—w21.08, hlm. 12.

Surirang aha do na dipaboa di Haggai 2:6-9, 20-22?

Satokkin nai dihutur ma akka bangso sahali nai, dung i dihancurhon ma nasida salelengna. Nang pe godang halak saonari na so olo manjalo barita Harajaon, alai adong do tong na olo manjalo i.​—w21.09, hlm. 15-19.

Boasa ikkon torus semangat hita marbarita na uli?

Alana diparrohahon Jahowa do sude na taulahon. Jala molo torus semangat, dapotta ma hangoluan na saleleng ni lelengna.—w21.10, hlm. 25-26.

Songon dia do 3 Musa bindu 19 mangurupi hita asa ‘badia di sude parniulaotta?’ (1 Ptr. 1:15)

Isi ni ayat di 1 Petrus 1:15 dikutip sian 3 Musa 19:2. Jala di 3 Musa bindu 19 i, dipaboa ma piga-piga carana lao mangulahon isi ni 1 Petrus 1:15.—w21.12, hlm. 3-4.