PELAJARAN 28
Argai ma Sude Naung Dibahen Jahowa dohot Jesus tu Hamu
Boha do perasaanmuna molo adong donganmuna na mangalehon hadiah tu hamu? Pasti las do rohamuna jala mandok mauliate do hamu tu ibana. Dos songon i ma, dilehon Jahowa dohot Jesus do tu hita hadiah na massai arga. Aha ma i? Jala songon dia do hita patuduhon na taargai hadiah i?
1. Boha do cara mangargai sude naung dibahen Debata dohot Kristus tu hita?
Bibel mandok, “ganup na patuduhon haporseaon tu [Jesus]” boi do mandapot hangoluan na saleleng ni lelengna. (Johannes 3:16) Aha do lapatan ni patuduhon haporseaon? Patuduhon haporseaon dang sae holan na mandok porsea do hita tu Jesus. Ikkon tapatudu do haporseaotta tikki mambahen keputusan dohot tikki mangulahon akka ulaonta. (Jakobus 2:17) Molo tapatudu haporseaotta marhite parniulaon dohot pakkataionta, boi ma gabe jonok hubungatta tu Jesus dohot tu Jahowa.—Jaha Johannes 14:21.
2. Acara istimewa aha do na dibahen lao patuduhon na taargai do sude naung dibahen Jahowa dohot Jesus tu hita?
Di borngin sebelum mate Jesus, dipaboa Jesus do tu akka siseanna cara mangargai pengorbananna. Disuru ibana do nasida marpungu lao mangulahon “Borngin Parningotan ni Tuan” na jotjot digoari Parningotan Ari Hamamate ni Kristus. (1 Korint 11:20) Lomo do roha ni Jesus asa sude siseanna dohot sude halak Kristen na sittong mangingot pengorbanan naung dibahen ibana. Taringot ari Parningotan on, didok Jesus do, “Toktong ma ulahon on bahen parningotan di au.” (Lukas 22:19) Jadi molo ro hamu tu ari Parningotan, on patuduhon na diargai hamu do holong naung dipatudu Jahowa dohot Jesus tu hamu.
ASA LAM TAATTUSI
Taparsiajari ma cara na asing lao patuduhon na taargai do holong naung dipatudu Jahowa dohot Jesus tu hita. Jala boasa porlu hita ro tu acara Parningotan Ari Hamamate ni Kristus.
3. Aha ma na boi taulahon?
Bayakkon ma tikki naeng lonong hamu, adong ma halak na ro mangurupi hamu. Pittor hatop do dilupahon hamu na dibahenna i? Manang dilului hamu do cara lao patuduhon na diargai hamu haburjuonna i?
Marutang hangoluan do hita tu Jahowa. Jaha 1 Johannes 4:8-10, dung i bahas ma sukkun-sukkun on:
Boasa boi tadok massai arga do pengorbanan naung dibahen Jesus tu hita?
Boha do perasaanmuna mamboto sude naung dibahen Jahowa dohot Jesus tu hamu?
Boha ma caratta lao patuduhon na taargai do i? Jaha 2 Korint 5:15 dohot 1 Johannes 4:11; 5:3. Dung i bahas ma sukkun-sukkun on:
Menurut akka ayat i, boha do carana patuduhon na taargai do sude naung dibahen Jahowa dohot Jesus tu hita?
4. Tiru ma Jesus
Molo tatiru Jesus, berarti na taargai do pengorbananna. Jaha 1 Petrus 2:21, dung i bahas ma sukkun-sukkun on:
Boha do caratta mangihutton bogas ni pat ni Jesus?
Holong do roha ni Jesus tu Hata ni Debata, dipaboa ibana do barita na uli tu akka halak, jala diurupi ibana do nasida
5. Ro ma tu Parningotan Ari Hamamate ni Kristus
Asa taboto boha do dibahen Borngin Parningotan ni Tuan na parjolo sahali, jaha Lukas 22:14, 19, 20. Dung i bahas ma sukkun-sukkun on:
Aha do na diulahon di Borngin Parningotan ni Tuan i?
Manggombarhon aha do roti dohot anggur di acara i?—Ida ayat 19 dohot 20.
Lomo do roha ni Jesus asa diulahon siseanna Parningotan Ari Hamamatena ganup taon. Jadi dibahen Saksi Jahowa do acara parningotan i ganup taon. Jala diulahon nasida do i songon na dibahen Jesus najolo. Asa taboto boasa porlu hita ro tu acara i, putar ma VIDEO. Dung i bahas ma sukkun-sukkun on:
Aha do na diulahon di acara Parningotan i?
Holan lambang do roti dohot anggur. Roti manggombarhon daging ni Jesus na sempurna na dipelehon humokkop hita. Anggur manggombarhon mudar ni Jesus
ADONG DO NA MANDOK: “Holan porsea pe hita tu Jesus, boi do hita malua.”
Boha do caramuna patorakkon Johannes 3:16 dohot Jakobus 2:17 lao patuduhon dang cukkup holan porsea?
KESIMPULAN
Bukti na taargai pengorbanan ni Jesus tu hita, tapatudu ma i sian haporseaotta. Jala ro ma hita tu Parningotan Ari Hamamate ni Kristus.
Tinjauan
Aha do lapatan ni patuduhon haporseaon tu Jesus?
Boha do caramuna patuduhon na diargai hamu do sude naung dibahen Jahowa dohot Jesus tu hamu?
Boasa porlu ro tu Parningotan Ari Hamamate ni Kristus?
LULUI MA
Aha ma na ikkon taulahon ala taboto olo do Jesus mate humokkop hita?
Jaha ma aha do lapatan ni haporseaon jala boha do caratta patuduhon i.
“Marhaporseaon ma Hamu tu Janji ni Jahowa” (Joujou Paboahon, Oktober 2016)
Jaha ma pengalaman ni sahalak borua na gabe muba cara berpikirna dung dirimangi ibana pengorbanan na dibahen Kristus.
“Bibel Mambahen Denggan Ngolukku” (Joujou Paboahon, 1 Agustus 2011)
Boasa holan otik na mangallang roti dohot na manginum anggur di acara Parningotan?