1 Be Ɲoliɛ

6 Levi+ i mma mun yɛle Gɛɛsɔn, nin Keati,+ nin Merari.+ 2 Keati i mma mun yɛle Amramun, nin Izeari,+ nin Ebrɔn, nin Uziɛli.+ 3 Amramun+ i mma mun yɛle Aarɔn,+ nin Moizi,+ nin Miriamun.+ Aarɔn i mma mun yɛle Nadabu, nin Abiu,+ nin Eleazaa,+ nin Itamaa.+ 4 Eleazaa wuli Fineasi.+ Fineasi wuli Abisia. 5 Abisia wuli Buki. Buki wuli Uzi. 6 Uzi wuli Zeraya. Zeraya wuli Merayɔti. 7 Merayɔti wuli Amaria. Amaria wuli Aitubu.+ 8 Aitubu wuli Zadɔku.+ Zadɔku wuli Aimaazi.+ 9 Aimaazi wuli Azaria. Azaria wuli Zoanan. 10 Zoanan wuli Azaria. Ɔ dili Ɲanmiɛn ɲrun jranfuɛ junman’n sua nga Salomɔn kplɛnnin i Zerizalɛmun lɔ’n nun.

11 Azaria wuli Amaria. Amaria wuli Aitubu. 12 Aitubu wuli Zadɔku.+ Zadɔku wuli Salɔmun. 13 Salɔmun wuli Ilkia.+ Ilkia wuli Azaria. 14 Azaria wuli Seraya.+ Seraya wuli Zozadaki.+ 15 I nun nga Zoova maan Nebikadnezaa trali Zidafuɛ mun nin Zerizalɛmunfuɛ mun ɔli’n, be trali Zozadaki sɔ’n be ɔli wie.

16 Levi i mma mun yɛle Gɛɛsɔmun,* nin Keati, nin Merari. 17 Gɛɛsɔmun i mma’m be dunman mun yɛle Libnin nin Simei.+ 18 Keati i mma mun yɛle Amramun, nin Izeari, nin Ebrɔn, nin Uziɛli.+ 19 Merari i mma mun yɛle Mali nin Misi.

Be nga be ti Levi akpasua nunfuɛ’m be su kpɛn’n, be awloboawlobo mun yɛ:+ 20 Gɛɛsɔmun+ i mma mun yɛ: Libnin ti i wa, Zaati ti i wa, Zima ti i wa, 21 Zoa ti i wa, Ido ti i wa, Zera ti i wa, Zeaterai ti i wa. 22 Keati i mma mun* yɛ: Aminadabu ti i wa, Kore+ ti i wa, Asii ti i wa, 23 Ɛlkana ti i wa, Ebiasafu+ ti i wa, Asii ti i wa, 24 Taati ti i wa, Uriɛli ti i wa, Oziasi ti i wa, Saulu ti i wa. 25 Ɛlkana i mma mun yɛle Amasai nin Aimɔtu. 26 Bian kun ekun m’ɔ suan Ɛlkana wie’n, i mma mun yɛ: Zofai ti i wa, Naati ti i wa, 27 Eliabu ti i wa, Zeroamun ti i wa, Ɛlkana+ ti i wa. 28 Samiɛli+ i mma mun yɛ: Zoɛli ti i wa kpɛn. Be nɲɔn su’n yɛle Abia.+ 29 Merari i mma mun* yɛ: Mali,+ Libnin ti i wa, Simei ti i wa, Uza ti i wa, 30 Simea ti i wa, Agia ti i wa, Asaya ti i wa.

31 Kɛ be fali Alaka’n ko sieli i Zoova i sua’n nun’n, Davidi fali sran wie mun naan be dun jue tofuɛ’m be ɲrun mmua.+ 32 Be yɛ be siesie jue nga be to i Ɲanmiɛn i tannin sua’n nun’n niɔn. Tannin sua sɔ’n i nun yɛ Ɲanmiɛn yi i wun nglo-ɔ. Be dili i sɔ junman’n lele naan Salomɔn w’a kplan Zoova i sua’n Zerizalɛmun lɔ.+ Wafa nga be kleli be junman sɔ’n i dilɛ’n, be niannin su sɛsɛsɛ be dili.+ 33 Be nga be nin be mma’m be dili junman’n be yɛ: Keatifuɛ nga be fali be’n yɛle Eman+ m’ɔ ti jue tofuɛ’n. Ɔ ti Zoɛli+ i wa. Zoɛli kusu ti Samiɛli i wa, 34 Samiɛli ti Ɛlkana+ i wa, Ɛlkana ti Zeroamun i wa, Zeroamun ti Eliɛli i wa, Eliɛli ti Toa i wa, 35 Toa ti Zifi i wa, Zifi ti Ɛlkana i wa, Ɛlkana ti Maati i wa, Maati ti Amasai i wa, 36 Amasai ti Ɛlkana i wa, Ɛlkana ti Zoɛli i wa, Zoɛli ti Azaria i wa, Azaria ti Sofonin i wa, 37 Sofonin ti Taati i wa, Taati ti Asii i wa, Asii ti Ebiasafu i wa, Ebiasafu ti Kore i wa, 38 Kore ti Izeari i wa, Izeari ti Keati i wa, Keati ti Levi i wa, Levi ti Izraɛli i wa.

39 I niaan bian Azafu+ o i sa fama su. Azafu ti Berekia i wa, Berekia ti Simea i wa, 40 Simea ti Misɛli i wa, Misɛli ti Baaseia i wa, Baaseia ti Malkia i wa, 41 Malkia ti Ɛtnin i wa, Ɛtnin ti Zera i wa, Zera ti Adaya i wa, 42 Adaya ti Etan i wa, Etan ti Zima i wa, Zima ti Simei i wa, 43 Simei ti Zaati i wa, Zaati ti Gɛɛsɔmun i wa, Gɛɛsɔmun ti Levi i wa.

44 Be niaan bian Merari+ i osu’n nunfuɛ’m be o i sa bɛ su. Be nun kun yɛle Etan+ m’ɔ ti Kisi i wa’n, Kisi ti Abdi i wa, Abdi ti Maluku i wa, 45 Maluku ti Asabia i wa, Asabia ti Amazia i wa, Amazia ti Ilkia i wa, 46 Ilkia ti Amzi i wa, Amzi ti Banin i wa, Banin ti Semɛɛ i wa, 47 Semɛɛ ti Mali i wa, Mali ti Misi i wa, Misi ti Merari i wa, Merari ti Levi i wa.

48 Junman nga be fa wlali be niaan nga be fin Levi akpasua’n nun’n be sa nun’n, yɛle kɛ be nian junman kwlaa nga be di i tannin sua m’ɔ ti Ɲanmiɛn Kpli i sua’n nun’n i su.+ 49 Kɛ Aarɔn nin i mma’m+ bé yí tɛ nga kɛ bé yí’n be yra nnɛn’n i kɔlikɔli’n tɛ yiwlɛ’n su’n,+ yɛ kɛ bé yrá ansan’n ansan yrawlɛ’n su’n,+ be yo maan sin wunsrɛn’n kɔ nglo. Ninnge nga be ti Ɲanmiɛn liɛ klonglo’n, be lika yɛ be nian-ɔn. Asa ekun’n, be uka Izraɛlifuɛ mun naan be nin Ɲanmiɛn be afiɛn w’a sɛ ekun+ kɛ nga Moizi m’ɔ ti Ɲanmiɛn Kpli i sran’n seli be kɛ be yo’n sa. 50 Aarɔn+ i osu’n nunfuɛ mun yɛ: Eleazaa+ ti i wa, Fineasi ti i wa, Abisia ti i wa, 51 Buki ti i wa, Uzi ti i wa, Zeraya ti i wa, 52 Merayɔti ti i wa, Amaria ti i wa, Aitubu+ ti i wa, 53 Zadɔku+ ti i wa, Aimaazi ti i wa.

54 Lika nga be ko trannin lɛ mɔ be boli be nanmue mun’n yɛ: Kɛ be tuli fɔtɔ’n, ɔ dun mmua tɔli Aarɔn i osu’n nunfuɛ mɔ be fin Keati awlobo’n nun’n be su. 55 Be fali Ebrɔn+ m’ɔ o Zida akpasua’n su lɔ’n, ɔ nin i wun lɛ nnɛn didiwlɛ mun, be mannin be. 56 Sanngɛ be fali klɔ’n i wun lɛ lika’n, ɔ nin klɔ kanngan nga be mɛntɛn i lɛ’n, be mannin Kalɛbu+ m’ɔ ti Zefine i wa’n. 57 Be fali fiawlɛ klɔ+ nga mun* mannin Aarɔn i osu’n nunfuɛ mun: Ebrɔn,+ nin Libina+ nin i wun lɛ nnɛn didiwlɛ mun, nin Zatii,+ nin Ɛstemoa nin i wun lɛ nnɛn didiwlɛ mun,+ 58 nin Ilɛnin nin i wun lɛ nnɛn didiwlɛ mun, nin Debii+ nin i wun lɛ nnɛn didiwlɛ mun, 59 nin Asan+ nin i wun lɛ nnɛn didiwlɛ mun, ɔ nin Bɛti-Semɛsi+ nin i wun lɛ nnɛn didiwlɛ mun. 60 Be fali Bɛnzamɛn akpasua’n su lɔ klɔ wie mun mannin be. Klɔ sɔ mun yɛ: Geba+ nin i wun lɛ nnɛn didiwlɛ mun, Alemɛti nin i wun lɛ nnɛn didiwlɛ mun, ɔ nin Anatɔtu+ nin i wun lɛ nnɛn didiwlɛ mun. Klɔ nga be fa mannin be awloboawlobo mun’n, be kwlaa be ti blu-nin-nsan (13).+

61 Keatifuɛ onga’m be liɛ’n, be mannin be klɔ blu.* Be ɲannin klɔ sɔ mun akpasua uflɛ wie’m be awlobo mun, nin Manase akpasua’n i bue kun nunfuɛ’m+ be sa nun.

62 Be mannin Gɛɛsɔmunfuɛ mun nin be awloboawlobo mun klɔ blu-nin-nsan (13). Be ɲannin be klɔ sɔ mun Isakaa akpasua’n nunfuɛ mun, nin Azɛɛ akpasua’n nunfuɛ mun, nin Nɛftali akpasua’n nunfuɛ mun, nin Manase akpasua’n nunfuɛ nga be o Basan+ lɔ’n be sa nun.

63 Kɛ be tuli fɔtɔ’n, be mannin Merarifuɛ mun nin be awlobo mun klɔ blu-nin-nɲɔn (12). Be ɲannin be klɔ sɔ mun Ribɛnin akpasua’n nunfuɛ mun, nin Gadi akpasua’n nunfuɛ mun, ɔ nin Zabilɔn akpasua’n+ nunfuɛ’m be sa nun.

64 Izraɛlifuɛ’m be fali klɔ sɔ mun nin be wun lɛ nnɛn didiwlɛ mun be mannin Levifuɛ mun.+ 65 Asa ekun’n, be tuli fɔtɔ naan b’a fa klɔ nga be o yɛ mun Zida akpasua’n nun, nin Simeɔn akpasua’n nun, nin Bɛnzamɛn akpasua’n nun b’a man. Be boli klɔ sɔ’m be dunman.

66 Be fali Efraimun akpasua’n nun klɔ wie mun be mannin Keatifuɛ’m be awlobo wie mun.+ 67 Be fali fiawlɛ klɔ nga mun* mannin be: Sisɛmun+ nin i wun lɛ nnɛn didiwlɛ mun, ɔ o Efraimun okaoka lika’n nun lɔ, nin Gezɛɛ+ nin i wun lɛ nnɛn didiwlɛ mun, 68 nin Zɔkumeamun nin i wun lɛ nnɛn didiwlɛ mun, nin Bɛti-Orɔn+ nin i wun lɛ nnɛn didiwlɛ mun, 69 nin Azalɔn+ nin i wun lɛ nnɛn didiwlɛ mun, nin Gati-Rimɔn+ nin i wun lɛ nnɛn didiwlɛ mun. 70 Manase akpasua’n i bue kun nunfuɛ’m be klɔ nga be fa mannin Keatifuɛ’m be awlobo onga mun’n be yɛ: Anɛɛ nin i wun lɛ nnɛn didiwlɛ mun, nin Bileamun nin i wun lɛ nnɛn didiwlɛ mun.

71 Gɛɛsɔmunfuɛ’m be liɛ’n, klɔ nga be ɲannin be Manase akpasua’n i bue kun i nunfuɛ’m be sa nun’n yɛ: Golan+ m’ɔ o Basan asa’n su’n nin i wun lɛ nnɛn didiwlɛ mun, ɔ nin Astarɔti nin i wun lɛ nnɛn didiwlɛ mun.+ 72 Klɔ nga be ɲannin be Isakaa akpasua’n nunfuɛ’m be sa nun’n yɛ: Kedɛsi nin i wun lɛ nnɛn didiwlɛ mun, nin Daberati+ nin i wun lɛ nnɛn didiwlɛ mun,+ 73 ɔ nin Ramɔtu nin i wun lɛ nnɛn didiwlɛ mun, ɔ nin Anɛmun nin i wun lɛ nnɛn didiwlɛ mun. 74 Klɔ nga be ɲannin be Azɛɛ akpasua’n nunfuɛ’m be sa nun’n yɛ: Masali nin i wun lɛ nnɛn didiwlɛ mun, nin Abdɔn nin i wun lɛ nnɛn didiwlɛ mun,+ 75 ɔ nin Ikɔku nin i wun lɛ nnɛn didiwlɛ mun, ɔ nin Reɔbu+ nin i wun lɛ nnɛn didiwlɛ mun. 76 Klɔ nga be ɲannin be Nɛftali akpasua’n nunfuɛ’m be sa nun’n yɛ: Kedɛsi+ m’ɔ o Galile+ asa’n su’n nin i wun lɛ nnɛn didiwlɛ mun, ɔ nin Amɔn nin i wun lɛ nnɛn didiwlɛ mun, ɔ nin Kiriataimun nin i wun lɛ nnɛn didiwlɛ mun.

77 Klɔ nga Merarifuɛ’m be awlobo onga’m be ɲannin be Zabilɔn+ akpasua’n nunfuɛ’m be sa nun’n yɛ: Rimono nin i wun lɛ nnɛn didiwlɛ mun, nin Tabɔɔ nin i wun lɛ nnɛn didiwlɛ mun. 78 Klɔ nga be ɲannin be Ribɛnin akpasua’n nunfuɛ’m be sa nun’n Zurdɛn asa’n su lɔ’n, Zeriko i wun lɛ lika ng’ɔ o wia afiliɛ lɔ’n, be yɛ: Bezɛɛ klɔ m’ɔ o aawlɛ flɛnnɛn nun lɔ’n nin i wun lɛ nnɛn didiwlɛ mun, nin Zaazi+ nin i wun lɛ nnɛn didiwlɛ mun, 79 nin Kedemɔti + nin i wun lɛ nnɛn didiwlɛ mun, nin Mefaati nin i wun lɛ nnɛn didiwlɛ mun. 80 Klɔ nga be ɲannin be Gadi akpasua’n nunfuɛ’m be sa nun’n be yɛ: Ramɔtu m’ɔ o Galaadi asa’n su’n nin i wun lɛ nnɛn didiwlɛ mun, nin Maanaimun+ nin i wun lɛ nnɛn didiwlɛ mun, 81 nin Ɛsbɔn+ nin i wun lɛ nnɛn didiwlɛ mun, ɔ nin Zazɛɛ+ nin i wun lɛ nnɛn didiwlɛ mun.