1 Be Ɲoliɛ

9 Be klɛIi Izraɛlifuɛ’m be kwlaa be dunman be awlobo’m be fluwa’m be nun. Yɛ be dunman’n wo Izraɛli Famiɛn’m be Fluwa’n nun. Be trali Zidafuɛ mun ɔli Babilɔnin lɔ, afin be nin Ɲanmiɛn b’a nantiman klanman.+ 2 Be nga be dun mmua sali be sin be klɔ’m be su mɔ be ko fali be asiɛ mun ekun’n, yɛle Izraɛlifuɛ wie mun, nin Ɲanmiɛn ɲrun jranfuɛ mun, nin Levifuɛ mun, ɔ nin Ɲanmiɛn sua’n nun lɔ junman difuɛ mun.*+ 3 Zida+ i osu’n nunfuɛ wie mun, nin Bɛnzamɛn+ i osu’n nunfuɛ wie mun, nin Efraimun i osu’n nunfuɛ wie mun, nin Manase i osu’n nunfuɛ wie’m be ko trannin Zerizalɛmun lɔ. Sran sɔ mun yɛ: 4 Utai. Ɔ ti Amiidi i wa, Amiidi kusu ti Ɔmri i wa, Ɔmri ti Imri i wa, Imri ti Banin i wa. Be fin Zida i wa Perɛzi+ i osu’n nun. 5 Yɛ Asaya m’ɔ ti ba kpɛn’n nin i mma mun. Be fin Sela i osu’n nun. 6 Yɛ Zeuɛli nin i niaan yasua ya nsiɛn ablangwlan (690). Be fin Zera+ i osu’n nun.

7 Yɛ Salu. Ɔ ti Mesulamun i wa, Mesulamun kusu ti Ɔdavia i wa, Ɔdavia ti Asenia i wa. Be fin Bɛnzamɛn i osu’n nun. 8 Yɛ Ibneya m’ɔ ti Zeroamun i wa’n, nin Ela m’ɔ ti Mikri i wa liɛ Uzi i klun ba’n, nin Mesulamun m’ɔ ti Sefatia i wa’n. Sefatia sɔ’n ti Reiɛli i wa, Reiɛli kusu ti Ibnia i wa. 9 I niaan yasua mɔ be klɛli be dunman be awlobo’m be fluwa’m be nun’n, be ti sran ya ngwlan ablenun-nin-nsiɛn (956). Yasua sɔ’m be kwlaa be ti be si’m be awlobo’m be su kpɛn.

10 Ɲanmiɛn ɲrun jranfuɛ mun: Zedaia, nin Zozaribu, nin Zakɛn,+ 11 nin Azaria m’ɔ ti Ilkia i wa’n. Ilkia sɔ’n ti Mesulamun i wa, Mesulamun kusu ti Zadɔku i wa, Zadɔku ti Merayɔti i wa, Merayɔti ti Aitubu i wa, ɔ ti Ɲanmiɛn Kpli i sua’n nun lɔ kpɛn’n kun. 12 Yɛ Adaya m’ɔ ti Zeroamun i wa’n. Zeroamun sɔ’n ti Pasii i wa, Pasii ti Malkia i wa. Yɛ Maasai m’ɔ ti Adiɛli i wa’n. Adiɛli sɔ’n ti Zazera i wa, Zazera ti Mesulamun i wa, Mesulamun ti Mesilemiti i wa, Mesilemiti ti Imɛɛ i wa. 13 Yɛ be niaan yasua mun. Be niaan sɔ’m be ti be si’m be awlobo’m be su kpɛn. Be ti sran akpi kun ya nso ablesiɛn (1.760) mɔ be kwla lafi be su’n, yɛ be kwla di junman Ɲanmiɛn Kpli i sua’n nun.

14 Levifuɛ mun: Semaia,+ ɔ ti Asibi i wa, Asibi kusu ti Azrikamun i wa, Azrikamun ti Asabia i wa, Asabia ti Bunin i wa. Be fin Merari i osu’n nun. 15 Yɛ Bakbakaa, nin Erɛsi, nin Galali, nin Matania. Matania sɔ’n ti Mise i wa, Mise ti Zikri i wa, Zikri kusu ti Azafu i wa. 16 Yɛ Abdiasi m’ɔ ti Semaia i wa’n. Semaia sɔ’n ti Galali i wa, Galali kusu ti Zeditɛn i wa. Yɛ Berekia m’ɔ ti Aza i wa’n. Aza sɔ’n ti Ɛlkana i wa. I yɛ ɔ trannin Netofafuɛ’m+ be klɔ’m be su-ɔ.

17 Anuan sunianfuɛ mun+ yɛle Salɔmun, nin Akibu, nin Talmɔn, nin Aiman, ɔ nin be niaan bian Salɔmun m’ɔ ti be su kpɛn’n. 18 Laa’n, ɔ nian famiɛn’n i anuan’n su wia afiliɛ lɔ+ lika’n nun. Levifuɛ’m be nanmue’m be anuan’m be sunianfuɛ mun yɛ be o lɛ-ɔ. 19 Salɔmun m’ɔ ti Kore i wa Ebiasafu i wa liɛ Kɔre i klun ba’n, nin i niaan nga be fin i si i awlo’n nun wie’n, yɛle kɛ Kore i osu’n nunfuɛ mun, be ti be nga be nian tannin sua’n i anuan’n su’n be su kpɛn. Laa’n, be si mun yɛ be niannin Zoova i nanmue’n i anuan’m be su-ɔ. 20 Eleazaa+ i wa Fineasi+ yɛ laa’n ɔ ti be su kpɛn-ɔn. Zoova jrɛnnin i sin kpa. 21 Meselemia i wa Zakari+ yɛ ɔ niannin tannin sua mɔ Ɲanmiɛn yi i wun nglo nun’n, i anuan’n su-ɔ.  

22 Be kwlaa nga be kpali be kɛ be yo anuan sunianfuɛ’n be ti sran ya nɲɔn blu-nin-nɲɔn (212). Wafa nga be klɛli be dunman be si’m be awlobo’m be fluwa’n nun’n,+ i su yɛ be niannin naan b’a tran be klɔ’m be su sɛsɛsɛ-ɔ. Davidi nin Samiɛli m’ɔ ti jeliwafuɛ’n+ be yɛ be fali junman cinnjin sɔ’n wlali be sa nun-ɔn, afin be lafi be su. 23 Be nin be mma mun yɛ be ti be nga be nian Zoova i sua’n,+ yɛle kɛ tannin sua’n, i anuan’m be su’n be su kpɛn-ɔn. 24 Anuan sunianfuɛ’m be o sua’n i bue nnan’m be su, yɛle kɛ wia afiliɛ lɔ, nin wia atɔliɛ lɔ, nin nglo lɔ, yɛ ngua lɔ.+ 25 Ɔ ju wie’n, be niaan’m be fɛ i be klɔ’m be su, be nin be wa di junman cɛn ba nso. 26 Sran nga be lafi be su mɔ be ti anuan sunianfuɛ’n be su kpɛn’n* be ti nnan. Be ti Levifuɛ. Yɛ be nian sua ba mun* nin ninnge kpakpa nga be o Ɲanmiɛn Kpli i sua’n nun lɔ’n+ be su. 27 Be ka Ɲanmiɛn Kpli i sua’n i sin lɛ kɔnguɛ, kan be siesie be lɛ’n. Afin be nian sua’n su. Asa ekun’n, lakle’n wo be sa nun, yɛ nglɛmun kwlaa’n, be tike anuan’n.

28 Be nun wie’m be nian ninnge+ nga be fa su Ɲanmiɛn’n be su. Kɛ bé fá be kɔ́’n, be ka be, yɛ kɛ bé fá be bá’n, be ka be. 29 Be nun wie’m be nian ninnge uflɛ wie mun, nin ninnge nga be ti Ɲanmiɛn liɛ klonglo’n+ be su. Asa ekun’n, be nian sanmlɛn mlɛnnɛnnɛn kpa’n,+ nin duvɛn’n,+ nin ngo’n,+ nin ansan ufue’n,+ ɔ nin bomie ngo’n+ be su. 30 Ɲanmiɛn ɲrun jranfuɛ’m be mma wie’m be sanngansanngan bomie ngo’n. 31 Salɔmun m’ɔ fin Kore i osu’n nun’n i wa kpɛn mɔ be flɛ i kɛ Matitia’n m’ɔ ti Levifuɛ wie’n, ɔ nian ninnge nga be tɔn i sɛ nun’n be su,+ afin ɔ ti sran mɔ be kwla lafi i su-ɔ. 32 Be niaan wie mun ekun mɔ be fin Keati osu’n nun’n, be nian kpanwun nga be tian be wiengu su’n*+ be su. Be tɔn kpanwun sɔ’n wunmiɛn-lolɛ-cɛn’n+ nun tititi.

33 Jue tofuɛ mun yɛ be o lɛ-ɔ. Be ti Levifuɛ’m be si’m be awlobo’m be su kpɛn, yɛ be o sua ba’m* be nun. Be diman junman uflɛ. Afin wia nun-o, kɔnguɛ-o, be o be junman’n su. 34 Levifuɛ’m be si’m be awlobo’m be su kpɛn mɔ be klɛli be dunman be awlobo’m be fluwa’m be nun’n, be yɛ be o lɛ-ɔ. Be ti be su kpɛnngbɛn. Yɛ be trannin Zerizalɛmun lɔ.

35 Gabaɔn i si Zeiɛli trannin Gabaɔn+ lɔ, yɛ i yi’n suan Maaka. 36 I wa klikli’n yɛle Abdɔn. I sin’n, ɔ wuli Ziri, nin Kisi, nin Baali, nin Nɛɛ, nin Nadabu, 37 nin Gedɔɔ, nin Aio, nin Zakari, ɔ nin Miklɔtu. 38 Miklɔtu wuli Simeamun. Be kwlaa be trannin be niaan’m be wun lɛ, Zerizalɛmun lɔ. Be nin be niaan onga mun yɛ be trannin lɔ-ɔ. 39 Nɛɛ+ wuli Kisi, Kisi wuli Saili,+ Saili wuli Zonatan+ nin Malki-Sia,+ nin Abinadabu,+ ɔ nin Ɛsbaali. 40 Zonatan i wa’n yɛle Meribu-Baali.+ Meribu-Baali wuli Mise.+ 41 Mise i mma liɛ mun yɛle Pitɔn, nin Melɛki, nin Tarea, yɛ Akazi. 42 Akazi wuli Zara, Zara wuli Alemɛti, nin Azmavɛti, nin Zimiri. Zimiri kusu wuli Moza. 43 Moza wuli Binea, Binea wuli Refaya, Refaya wuli Eleasa, Eleasa wuli Azɛli. 44 Azɛli wuli ba nsiɛn. Be dunman mun yɛ: Azrikamun, Bokru, Ismaɛli, Searia, Abdiasi, yɛ Anan. Azɛli i mma mun yɛ be o lɛ-ɔ.