• Ezai 28:16
    Ɲanmiɛn Ndɛ’n—Mɛn Uflɛ Biblu’n

    • 16 I sɔ’n ti’n, ndɛ nga e Min Zoova m’ɔ Sie Like Kwlakwla’n ɔ kan’n yɛ:

      “An nian! N su fa yɔbuɛ kun m’ɔ ti kekleke kpa’n+ n fa wla sua bo ase Siɔn lɔ,

      i yɛ ɔ ti sua cɔnjɔ su yɔbuɛ cinnjin kpafuɛ+ mɔ be fa wla sua bo ase m’ɔ jran cinnjin’n niɔn.+

      Sran ng’ɔ lafi su’n i akunndan su sannganman.+

  • Matie 21:42
    Ɲanmiɛn Ndɛ’n—Mɛn Uflɛ Biblu’n

    • 42 Zezi seli be kɛ: “Be klɛli i Ɲanmiɛn Ndɛ’n nun kɛ: ‘Yɔbuɛ nga sua kplanfuɛ’m be yili i blo’n, w’a kaci sua’n i cɔnjɔ su yɔbuɛ cinnjin kpafuɛ’n.+ I sɔ’n fin Zoova,* yɛ ɔ ti abonuan sa e ɲrun.’ ?Amun nin-a kannganman ndɛ sɔ’n le?+

  • Efɛzifuɛ Mun 2:20
    Ɲanmiɛn Ndɛ’n—Mɛn Uflɛ Biblu’n

    • 20 Sɛ amun ti sua’n, nn ń sé kɛ be kplannin amun akoto mun nin Ɲanmiɛn nuan ijɔfuɛ’m be su.+ Be yɛ be ti sua’n i bo ase mɔ be wlali’n niɔn. Yɛ Klisi Zezi yɛ ɔ ti sua’n i bo ase mɔ be wlali’n i yɔbuɛ cinnjin kpafuɛ mɔ be fa tra sua sɔ’n i cɔnjɔ’n i ase’n niɔn.+

  • 1 Piɛli 2:6
    Ɲanmiɛn Ndɛ’n—Mɛn Uflɛ Biblu’n

    • 6 Afin be klɛli i Ɲanmiɛn Ndɛ’n nun kɛ: “An nian! M’an wla yɔbuɛ kun mɔ n kpali n sieli i ngunmin’n i ase Siɔn lɔ. I yɛ ɔ ti sua bo ase wlalɛ yɔbuɛ cinnjin kpafuɛ m’ɔ tra sua’n i cɔnjɔ’n i ase’n niɔn. Sran ng’ɔ lafi i su’n, i ɲin su guaman ase le.”*+