Sran klolɛ nga Ɲanmiɛn kleli e’n

1. Zoova kleli e sran klolɛ’n i kpafuɛ’n.

E nian su e nanti.

Sa kwlaa yolɛ’n nun’n ɔ kle e wafa nga

E kwla klo sran kɛ i liɛ’n sa’n.

I Wa’n m’ɔ klo i’n, ɔ fa mannin e naan

W’a kwla yaci e sa tɛ mun w’a cɛ e.

I sɔ m’ɔ yoli’n ɔ ti klolɛ danfuɛ’n!

Ɲanmiɛn klo sran, nanwlɛ, ɔ klo sran.

2. I mmla’n su falɛ’n maan e wiengu klolɛ’n

Ɔ́ yó dan, nanwlɛ su.

Ɔ maan é úka e niaan mun be kwlakwla,

É nían be ngba be lika kpa.

Ɲanmiɛn nin klɔ sran be klolɛ’n i kpafuɛ’n

Ɔ ti cinnjin kɛ e yi be nɲɔn’n be nglo.

Kɛ e niaan’m be fɔn’n, e yaci e cɛ be,

E kle be kɛ, e klo be sakpa.

3. Ɲanmiɛn i klolɛ’n, ɔ yo maan e kwlakwla

E kaci sran wunmuan.

E Si Ɲanmiɛn Kpli ɔ yia e kpongbo kɛ:

“Amun wa nian klolɛ kpafuɛ’n.”

An bla be wa di e aklunjuɛ liɛ’n wie.

Ɲanmiɛn fɛ i Ndɛ’n nin i wawɛ’n man e.

E janvuɛ nin e niaan’m be kpɛn e wla kɛ:

Ɲanmiɛn klo sran. Zoova klo sran.