31 Sa siring, nagsabi si Jacob: “Ipabakal mo nguna sa sako an saimong deretso bilang panganay!”+ 32 Nagsabi si Esau: “Magagadan na ako! Ano pang halaga sa sako kan pagkamatua?” 33 Nagsabi si Jacob: “Magsumpa ka nguna sa sako!” Kaya nagsumpa siya sa saiya, asin ipinabakal niya ki Jacob an saiyang deretso bilang panganay.+

10 Alagad bako lang sa pagkakataon na iyan kundi pati man kan magbados si Rebeca nin kambal paagi sa sarong lalaki, si Isaac na satuyang apuon;+ 11 huling kan dai pa sinda naimumundag asin dai pa nakakagibo nin ano man na marahay o maraot, sa katuyuhan na ikapahiling na an pagpili nin Diyos nakadepende bako sa mga gibo kundi sa Saro na nag-aapod, 12 arog kaini an sinabi sa saiya:* “An matua magigin uripon kan nguhod.”+