16 “‘Kun an atang na idudulot niya sarong dulot para sa promesa+ o gikan-sa-buot na dulot,+ dapat na kakanon iyan sa aldaw na idulot niya an saiyang atang, asin an ano man na matatada diyan puwede pang kakanon sa sunod na aldaw.

18 “Kaulayon mo si Aaron saka an mga aki niya asin an gabos na Israelita asin sabihon mo sa sainda, ‘Kun an sarong Israelita o an sarong dayuhan na residente sa Israel maatang ki Jehova nin dulot na pigtututong+ para utubon an saiyang promesa o para mag-atang nin gikan-sa-buot na dulot,+ 19 an iaatang niya dapat na daing depekto+—puwedeng torong baka, o ugbon na lalaking karnero, o lalaking kanding—tanganing magkamit siya nin pag-uyon.

21 “‘Kun an sarong tawo madulot ki Jehova nin atang sa pakikikabtang+ para utubon an saiyang promesa o para mag-atang nin gikan-sa-buot na dulot, iyan dapat na daing depekto, puwedeng baka o karnero o kanding, tanganing magkamit siya nin pag-uyon. Dapat na dai iyan nin ano man na depekto.