31 Dangan sinabi kan hadi sa saiya: “Gibuha kun ano an sinabi niya; gadanon mo siya asin ilubong tanganing mawara sa sako asin sa pamilya* kan sakong ama an dugo na pinabulos ni Joab na mayo nin makatanusan na dahilan.+ 32 Sisingilon siya ni Jehova sa pinabulos niyang dugo* huling ginadan niya paagi sa espada an duwang lalaking mas matanos asin mas marahay kisa saiya: Si Abner+ na aki ni Ner, an pamayo kan hukbo kan Israel,+ asin si Amasa+ na aki ni Jeter, an pamayo kan hukbo kan Juda.+ Ginadan niya sinda na dai aram ni David na sakong ama.