10 Huli kaini, mapaabot ako nin kapahamakan sa mga gikan* ni Jeroboam, asin pupuhuon* ko an gabos na lalaki* sa pamilya* ni Jeroboam, dawa pa an mga mayong kalaban-laban asin maluya sa Israel; asin lubos kong sisigidon an mga gikan ni Jeroboam,+ siring sa paghali nin sarong tawo sa udo sagkod na mawara gabos iyan! 11 An siisay man sa mga gikan ni Jeroboam na magadan sa siyudad, kakakanon nin mga ayam, asin an siisay man na magadan sa kalangtadan, kakakanon nin mga gamgam sa kalangitan, huling iyan an sinabi ni Jehova.”’

29 Kan siya na an hadi, ginaradan niya tulos an bilog na pamilya* ni Jeroboam. Mayo siyang itinadang buhay sa pamilya ni Jeroboam; inubos niya sinda arog kan sinabi ni Jehova paagi kan saiyang lingkod na si Ahias na taga Shilo.+