13 Dangan nagadan* si Asa;+ nagadan siya kan ika-41 taon kan saiyang paghadi. 14 Asin ilinubong ninda siya sa engrandeng lubungan na ipinakalot niya para sa saiya sa Siyudad ni David,+ asin ilinaag ninda siya sa sarong higdaan na may lanang balsamo saka panglahid na espesyal an pagkagibo hali sa pinaghalo-halong manlain-lain na sangkap.+ Nagpalaad man sinda nin grabe kadakulang kalayo para sa saiya.*

4 Minsan siring, danguga an tataramon ni Jehova, O Hading Zedekias kan Juda, ‘Ini an sabi ni Jehova manungod sa saimo: “Dai ka magagadan sa espada. 5 Magagadan kang may katuninungan,+ asin magibo sinda para sa saimo nin seremonya nin pagsulo arog kan ginibo ninda sa saimong mga ama, su mga hading nainot sa saimo, asin ipagmumundo ka ninda na nagsasarabi, ‘O kagurangnan!’ huling ‘ako mismo an nagsabi kaini,’ an sabi ni Jehova.”’”’”