6 Kusugi an buot nindo asin magpakakusog kamo.+ Dai kamo matakot sa sainda,+ huli ta si Jehova na saimong Diyos an kaibanan mong nagmamartsa. Dai ka niya babayaan, ni papabayaan man.”+

8 Si Jehova an nagmamartsa sa inutan mo, asin magdadanay siyang kaibanan mo.+ Dai ka niya babayaan, ni papabayaan man. Dai ka matakot o makubhanan.”+

6 Kusugi an buot mo asin magpakakusog ka,+ huli ta ika an manginginot sa banwaan na ini para manahon an daga na isinumpa ko sa saindang mga apuon na itatao ko sa sainda.+

9 Bakong pinagbutan taka? Kusugi an buot mo asin magpakakusog ka. Dai ka makubhanan o matakot, huling nasa kaibanan mo si Jehova na saimong Diyos sain ka man magduman.”+

16 Pero sinabi niya: “Dai ka matakot!+ Mas dakul an kaiba ta kisa sa mga kaiba ninda.”+ 17 Dangan namibi si Eliseo: “O Jehova, buksan mo tabi an saiyang mga mata tanganing mahiling niya.”+ Binuksan tulos ni Jehova an mga mata kan paralingkod asin nahiling kaini na an kabukidan sa palibot ni Eliseo pano nin mga kabayo saka mga karwaheng panggiyera na nagkakalayo.+

15 Nagsabi siya: “Magtao kamong atensiyon, bilog na Juda asin kamo na mga nag-iistar sa Jerusalem asin ika, Hading Jehosafat! Ini an sabi sa saindo ni Jehova, ‘Dai kamo matakot o makubhanan sa dakulang hukbong ini; ta bako sa saindo an ralaban, kundi sa Diyos.+