3 “‘Kun an idudulot niya sarong baka bilang dulot na pigtututong, dapat na an darahon niya lalaki asin daing depekto.+ Dapat na gikan sa buot an pagdara niya kaiyan+ sa atubangan ni Jehova sa may entrada kan tolda nin pakipagtagbuan.

5 “‘Dangan bubunuon an torilyong baka sa atubangan ni Jehova, asin idudulot kan mga aki ni Aaron, na mga saserdote,+ an dugo asin iwiwirik ninda an dugo sa gabos na gilid kan altar,+ na nasa may entrada kan tolda nin pakipagtagbuan.