13 Padagos na pinatanidan ni Jehova an Israel saka Juda paagi sa gabos na propeta niya saka sa lambang bisyonaryo niya,+ na sinasabi: “Talikdan nindo an saindong maraot na mga gibo!+ Sunudon nindo an sakong mga tugon saka mga reglamento—an gabos na katugunan na ipinagbuot ko sa saindong mga apuon asin ipinaabot ko sa saindo paagi sa sakong mga lingkod na propeta.”

15 Padagos sindang pinatanidan ni Jehova na Diyos kan saindang mga apuon paagi kan saiyang mga mensahero, pauruutro niya sindang pinatanidan, huling nahirak siya sa saiyang banwaan asin sa saiyang irukan.

17 Habo nindang magdangog,+ asin dai ninda ginirumdom an mga pambihirang bagay na ginibo mo para sa sainda, imbes nagin matagas an saindang payo* asin nagtalaga sinda nin manginginot sa sainda tanganing bumalik sa pagkauripon sa Ehipto.+ Alagad ika sarong Diyos na andam na magpatawad,* mapagmalasakit* saka mahihirakon, dai tulos naaanggot asin abunda sa maimbod na pagkamuot,*+ saka dai mo sinda pinabayaan.+

30 Pigpasensiyahan mo sinda+ sa laog nin dakul na taon asin pauruutro mo sindang pinatanidan kan saimong espiritu paagi sa saimong mga propeta, pero habo nindang magdangog. Kan huri, itinao mo sinda sa kamot kan mga tawo kan mga kadagaan.+

4 Asin isinugo ni Jehova sa saindo an gabos niyang lingkod na propeta, na isinusugo sinda nin pauruutro,* pero habo nindong magdangog o magtao nin atensiyon.*+