• Exodo 34:6, 7
    Bagong Kinaban na Traduksiyon kan Banal na Kasuratan

    • 6 Uminagi si Jehova sa atubangan niya na nagsasabi: “Si Jehova, si Jehova, sarong Diyos na mahihirakon+ asin mapagmalasakit,*+ dai tulos naaanggot+ asin abunda sa maimbod na pagkamuot*+ saka katotoohan,*+ 7 nagpapahiling nin maimbod na pagkamuot sa rinibo,+ nagpapatawad nin salang gibo asin paglapas saka kasalan,+ pero dai niya nanggad papabayaan na dai mapadusahan an may sála,+ nagpapadusa sa mga aki saka sa mga makuapo huli sa pagkakasala kan saindang mga ama, sagkod sa ikatulong henerasyon asin sagkod sa ikaapat na henerasyon.”+

  • Jeremias 46:27, 28
    Bagong Kinaban na Traduksiyon kan Banal na Kasuratan

    • 27 ‘Asin ika, Jacob na sakuyang lingkod, dai ka matakot,

      Asin dai ka makubhanan, O Israel.+

      Huling ililigtas taka hali sa harayo

      Pati an mga gikan* mo hali sa daga kun sain nagin mga bihag sinda.+

      Mabalik an Jacob asin magigin tuninong saka may katrangkiluhan,

      Asin mayo nin siisay man na makakapatakot sa sainda.+

      28 Kaya dai ka matakot, Jacob na sakuyang lingkod,’ an sabi ni Jehova, ‘huling kaibanan mo ako.

      Pupuhuon ko an gabos na nasyon na pinagwarakan ko sa saimo,+

      Pero ika, dai taka pupuhuon.+

      Didisiplinahon* taka nin tama sana,+

      Pero dai ko nanggad papabayaan na dai ka mapadusahan.’”