12 “Ini an sinabi kan Soberanong Kagurangnan na Jehova: ‘Nagbalos an Edom sa nasyon nin Juda asin nagkasala nin grabe sa ginibo nindang pagbalos sa sainda;+ 13 kaya ini an sinabi kan Soberanong Kagurangnan na Jehova: “Uunaton ko man an sakuyang kamot laban sa Edom asin pupuhuon ko diyan an mga tawo saka an mga hayop, asin gigibuhon ko iyan na tiwangwang.+ Puon sa Teman sagkod sa Dedan, mabagsak sinda paagi sa espada.+

10 “Huling sinabi mo, ‘An duwang nasyon na ini saka an duwang dagang ini magigin sakuya, asin magigin pagsadiri ta an mga iyan,’+ maski ngani yaon duman si Jehova, 11 ‘kaya isinusumpa ko sa sadiri ko,’* an sabi kan Soberanong Kagurangnan na Jehova, ‘ipapasapar ko sa saimo an kaparehong kaanggutan asin pagkauri na ipinahiling mo dahil sa pagkaungis mo sa sainda;+ asin ipapamidbid ko sa sainda an sadiri ko pag hinukuman taka na.