18 Sa aldaw na iyan hahalion ni Jehova an kagayunan kan saindang mga pulseras sa bitis,

Kan mga bugkos sa payo asin mga alahas na korteng asyab,*+

19 Kan mga hikaw,* mga pulseras, asin mga belo,

20 Kan mga kulbong, mga kadenilya sa bitis,* asin mga telang ibinubugkos sa daghan,*

Kan mga lalagan nin pahamot* asin mga anting-anting,*

21 Kan mga singsing sa muro asin mga hikaw* sa dungo,

22 Kan mga gubing para sa espesyal na mga okasyon, mga pang-ibabaw na badong tunika, mga alikboy, asin mga lalagan nin kuwarta,

23 Kan mga salming na may kaputan+ asin mga gubing na lino,*

Kan mga turbante asin mga belo.

Dati kang nagsusulot nin badong kulor iskarlata,*

Nagsusulot ka nin mga alahas na bulawan,

Asin nagbubugtak ka nin itom na kulorete tanganing padakulaon an saimong mga mata.

Alagad sayang sana an pagpagayon mo,+

Huling su mga dating naglalaad an pagmawot sa saimo hinabuan ka na;

Hinahanap ka na ninda ngunyan tanganing gadanon ka.*+