55 Ngunyan, an mga panginot na saserdote asin an bilog na Sanhedrin naghahanap nin testimonya laban ki Jesus tanganing maipagadan siya, pero dai sindang nakukuang ano man.+ 56 Sa katunayan, dakul an nagtetestigo nin putik laban sa saiya,+ alagad bakong magkauruyon an saindang mga testimonya. 57 May nagkapira man na nag-aatubang asin nagtetestigo nin putik laban sa saiya, na sinasabi: 58 “Nadangog ming sinabi niya, ‘Gagabaon ko an templong ini na ginibo nin mga kamot nin tawo, asin sa laog nin tulong aldaw matugdok ako nin iba na bakong gibo nin mga kamot nin tawo.’”+ 59 Pero dawa sa bagay na ini, bakong magkauruyon an saindang testimonya.