18 Kan oras na iyan, an mga disipulo nagrani ki Jesus asin nagsabi: “Siisay man nanggad an pinakaurog sa Kahadian kan kalangitan?”+ 2 Kaya pinarani niya sa saiya an sarong sadit na aki asin pinatindog ini sa tahaw ninda 3 saka nagsabi: “Sinisigurado ko sa saindo, kun dai kamo magbago asin magin arog sa sadit na mga aki,+ dai nanggad kamo makakalaog sa Kahadian kan kalangitan.+ 4 Kaya an siisay man na magpakumbaba arog kan sadit na aking ini iyo an pinakaurog sa Kahadian kan kalangitan;+ 5 asin an siisay man na minaako sa sarong sadit na aking arog kaini sa ngaran ko minaako man sa sako.

46 Dangan nagdiriskusyunan sinda manungod sa kun siisay sa sainda an pinakaurog.+ 47 Huling aram ni Jesus kun ano an nasa puso ninda, nagkua siya nin sadit na aki, pinatindog ini sa kataid niya, 48 asin sinabi niya sa sainda: “An siisay man na minaako sa sadit na aking ini sa ngaran ko minaako man sa sako; asin an siisay man na minaako sa sako minaako man sa Saiya na nagsugo sa sako.+ Huli ta an saro na minagawing pinakahababa sa saindo iyo an nakakaurog.”+

24 Alagad, may nangyari man na mainit na diriskusyunan sa tahaw ninda kun baga siisay sa sainda an pinakaurog.+