14 Dangan nagdurulok sa saiya an mga disipulo ni Juan asin naghapot: “Taano ta nag-aayuno kami saka an mga Fariseo pero an mga disipulo mo dai?”+ 15 Kaya sinabi ni Jesus sa sainda: “An mga amigo kan nobyo mayong dahilan na magmundo sagkod na kaiba ninda an nobyo,+ bakong iyo? Pero maabot an panahon na kukuanon sa sainda an nobyo,+ dangan mag-aayuno sinda.

33 Sinabi ninda sa saiya: “An mga disipulo ni Juan parating nag-aayuno saka nagpapahayag nin mga pagngayo-ngayo, asin arog man kaiyan an ginigibo kan mga disipulo kan mga Fariseo, pero an saimong mga disipulo nagkakakan saka nag-iinom.”+ 34 Sinabi ni Jesus sa sainda: “Dai nindo mapapaayuno an mga amigo kan nobyo mantang kaiba ninda an nobyo, bako? 35 Pero maabot an panahon na kukuanon nanggad sa sainda an nobyo;+ dangan mag-aayuno sinda sa mga aldaw na iyan.”+