4 Dangan giniyahan si Jesus kan espiritu pasiring sa kaawagan, asin tinentaran+ siya duman kan Diyablo.+ 2 Pagkatapos niyang mag-ayuno nin 40 aldaw saka 40 banggi, nakamati siya nin gutom. 3 Asin nagdulok an Paratentar+ saka nagsabi sa saiya: “Kun aki ka nin Diyos, sabihan mo an mga gapong ini na magin mga tinapay.” 4 Pero nagsimbag siya: “Nasusurat: ‘Dapat na bakong sa tinapay sana mabuhay an tawo, kundi sa lambang tataramon na minaluwas sa nguso ni Jehova.’”*+

12 Asin pinahiro siya tulos kan espiritu na magduman sa kaawagan. 13 Kaya nagdanay siya sa kaawagan sa laog nin 40 aldaw, asin tinentaran siya duman ni Satanas.+ Igwa duman nin mga layas na hayop, pero pinaglilingkudan siya kan mga anghel.+